પાકિસ્તાની સાસંદ આમીર લિયાકતનું અચાનક મોત, ઘણાં સમયથી હતા ચર્ચામાં

જિયો ન્યૂઝ અનુસાર, આમિર તેમના ઘરમાં બેભાન અવસ્થામાં મળી આવ્યા હતા. આ પછી તેમને અત્યંત ગંભીર હાલતમાં ખાનગી હોસ્પિટલમાં લઈ જવામાં આવ્યા હતા. લિયાકત ગઈકાલે રાતથી બેચેની અનુભવી રહ્યા હતા પરંતુ તેમણે હોસ્પિટલ જવાની ના પાડી દીધી હતી. તેમના કર્મચારી જાવેદે જણાવ્યું કે સવારે આમિરના રૂમમાંથી બૂમોના અવાજો આવી રહ્યા હતા. જ્યારે આમિરે કોઈ જવાબ ન આપ્યો તો સ્ટાફ દરવાજો તોડીને તેના ઘરમાં ઘૂસ્યો. 

પાકિસ્તાની સાંસદ હંમેશાથી ચર્ચામાં બની રહ્યા છે. તેમણે 2018માં બીજી પત્ની તૌબા અનવર સાથે લગ્ન કર્યા હતા. ત્યારપછી તેની સાથે છૂટાછેડા લીધા બાદ તેમણે વર્ષ 2022માં જ તેમનાથી 31 વર્ષ નાની દાનિયા શાહ સાથે લગ્ન કર્યા હતા. લગ્નના થોડા મહિના પછી બંનેના છૂટાછેડા પણ થઈ ગયા હતા.