POK પરત લેવા છીએ તૈયાર, બસ સરકાર આદેશ કરે તેટલી વારઃ સેના

ભારતીય સેના પીઓકે પાછુ લેવા માટે તૈયાર છે. આ વાતની જાણકારી ખુદ સેનાના ઉત્તરી કમાનના પ્રમુખ લેફ્ટનન્ટ જનરલ ઉપેન્દ્ર દ્વિવેદીએ આપી છે. તેમણે કહ્યું કે પીઓકે પરત લેવા માટે સેના તૈયાર છે. બસ સરકાર આદેશ આપે એટલી જ વાર છે. આનો સીધો અર્થ એ થયો કે આદેશ મળતા જ સેના પીઓકેને પાછુ લેવાનું અભિયાન શરૂ કરી દેશે. મહત્વપૂર્ણ છેકે તાજેતરમાં જ રાજનાથ સિંહ એક રેલી સંબોધી રહ્યા હતા ત્યારે લોકોએ પીઓકે પરત જોઇએ છે તેવા નારા લગાવ્યા હતા ત્યારે રાજનાથસિંહે હસીને કહ્યું હતું કે ધીરજ રાખો 

સેના સતત જમ્મુ કાશ્મીરમાં આતંકીઓને જડબાતોડ જવાબ આપી ઘુસણખોરી અટકાવવાની કોશિશ કરી રહી છે. મંગળવારે પણ જમ્મુ કાશ્મીરમાં આતંરરાષ્ટ્રીય સરહદથી દેશમાં ઘુસણખોરીની અલગ અલગ કોશિશો બીએસએફના જવાનોએ નિષ્ફળ કરી દીધી હતી. બીએસએફના એક પ્રવક્તાએ આ જાણકારી આપી હતી કે એક ઘટનામાં એક પાકિસ્તાની ઘુસણખોર ઠાર થયો છે. જ્યારે બીજી ઘટનામાં એક અન્ય શખ્સની ધરપકડ થઈ છે. પ્રવક્તાના જણાવ્યા અનુસાર, સતર્ક જવાનોએ સોમવારે સવારે જમ્મુના અરણિયા સેક્ટર અને સાંબા જિલ્લાના રામગઢ સેક્ટરમાં ઘુસણખોરી કરવાની કોશિશો નિષ્ફળ કરી દીધી હતી.

આ પણ વાંચો -  વડાપ્રધાન મોદીને જાનથી મારી નાખવાની મળી ધમકી, મુંબઈ પોલીસને મળ્યો ધમકીભર્યો સંદેશ