ટેક્સ વધારા મુદ્દે કેન્યામાં ઉગ્ર પ્રદર્શન, હિંસામાં 10ના મોત, 50થી વધુ ઘાયલ

Kenya Anti Tax Protests Turn Violent : કેન્યામાં ટેક્સને લઈને વિરોધ કરી રહેલા હજારો વિરોધીઓ સંસદ (Parliament) માં ઘૂસી ગયા છે અને ઈમારતના એક ભાગમાં આગ લગાવી દેવામાં આવી છે. સાંસદો (Mps) ને ત્યાંથી બહાર કાઢવામાં આવી રહ્યા છે. આ પહેલા મંગળવારે રાજધાની નૈરોબી (Nairobi) માં પોલીસે પ્રદર્શનકારીઓ (Demonstrators) પર ગોળીબાર કર્યો હતો. વિવાદાસ્પદ ફાઇનાન્સ બિલ (Controversial Finance Bill) માં પ્રસ્તાવિત નવા કર સામે સાંસદોએ મત આપવાની માગણી સાથે હજારો લોકોએ વિરોધ પ્રદર્શનમાં ભાગ લીધો હતો. ગયા અઠવાડિયે વિરોધ પ્રદર્શનમાં બે લોકો માર્યા ગયા હતા, પરંતુ મંગળવારે કોઈ જાનહાનિના અહેવાલો નથી. તબીબોએ કેન્યાના લોકો દ્વારા દાનમાં આપેલા પુરવઠા સાથે વિવિધ શહેરોમાં અસ્થાયી કટોકટી પ્રતિભાવ કેન્દ્રો સ્થાપિત કર્યા.

વિરોધ પ્રદર્શનમાં ઓબામાની બહેન પણ સામેલ

આફ્રિકન દેશ કેન્યામાં ટેક્સના વધેલા ભાવ અને ફાયનાન્સ બિલને લઈને લોકો રસ્તા પર ઉતરી આવ્યા છે. વિરોધનો આ રાઉન્ડ ત્યારે શરૂ થયો જ્યારે સાંસદોએ નવા કરની ઓફર કરતા ફાઇનાન્સ બિલ પર મતદાન કર્યું. આ નવા કરમાં 'ઇકો-લેવી'નો પણ સમાવેશ થાય છે જે સેનિટરી પેડ્સ અને ડાયપર જેવી વસ્તુઓની કિંમતમાં વધારો કરશે. જનઆક્રોશ પછી, 'બ્રેડ' પર ટેક્સ લાદવાની દરખાસ્ત પડતી મૂકવામાં આવી હતી પરંતુ વિરોધીઓ હજુ પણ સંસદને આ બિલ પસાર ન કરવા માટે હાકલ કરી રહ્યા છે. તાજેતરમાં આ વિરોધ ઉગ્ર બન્યો છે. સરકાર વિરુદ્ધ પ્રદર્શનકારીઓ સંસદમાં ઘૂસી ગયા અને હંગામો મચાવ્યો. આવી સ્થિતિમાં વહીવટીતંત્રએ પ્રદર્શનકારીઓને વિખેરવા માટે ટીયર ગેસના શેલ છોડ્યા હતા. આ પ્રદર્શનકારીઓમાં અમેરિકાના પૂર્વ રાષ્ટ્રપતિ બરાક ઓબામાની બહેન પણ સામેલ છે. ઓબામાની બહેન અને કેન્યાના કાર્યકર્તા ઓમા ઓબામાએ નૈરોબીમાં સંસદ ભવન બહાર સરકાર વિરોધી વિરોધ પ્રદર્શનમાં ભાગ લીધો હતો.

• ટેક્સ વધારા મુદ્દે કેન્યામાં ઉગ્ર પ્રદર્શન
• પ્રદર્શનકારીઓએ સંસદમાં કરી આગચંપી
• ઉગ્ર હિંસામાં 10ના મોત, 50થી વધુ ઘાયલ
• વિરોધ અંગે રાષ્ટ્રપતિ રૂટોનું મોટું નિવેદન
• લોકોની સુરક્ષા અમારી પ્રાથમિકતાઃ રૂટો
• હિંસાને જોતા ભારતીયો માટે એડવાઈઝરી
• કામ વગર બહાર ન નીકળવા અપીલ કરી
• ભારતીય હાઈ કમિશન દ્વારા ચાંપતી નજર
• હાલ કેન્યામાં 20 હજાર ભારતીય રહે છે

કેન્યાના માનવાધિકાર પંચે વીડિયો શેર કર્યો

કેન્યાના માનવાધિકાર પંચે મંગળવારે વિરોધીઓ પર ગોળીબાર કરતા અધિકારીઓનો વીડિયો શેર કર્યો અને કહ્યું કે તેઓને જવાબદાર ગણવામાં આવશે. સોશિયલ મીડિયા હેન્ડલ 'X' પર રાષ્ટ્રપતિ વિલિયમ રુટોને સંબોધતા, કમિશને લખ્યું, "દુનિયા તમને જુલમ તરફ આગળ વધતા જોઈ રહી છે! તમારી સરકારના પગલાં લોકશાહી પર હુમલો છે. ગોળીબારમાં પ્રત્યક્ષ કે આડકતરી રીતે સંડોવાયેલા તમામ લોકો જવાબદાર હોવા જોઈએ.”

પ્રદર્શનનું શું છે કારણ?

કેન્યાની રાજધાની નૈરોબી સહિત દેશના અન્ય ઘણા શહેરોમાં લોકો હંગામો મચાવી રહ્યા છે. સરકાર દ્વારા ટેક્સ વધારા સંબંધિત પ્રસ્તાવને આપવામાં આવેલી મંજૂરી સામે વિરોધ પ્રદર્શન થઈ રહ્યા છે. કેન્યામાં મોંઘવારી ચરમસીમાએ છે અને કરવેરાના વધતા બોજને કારણે લોકો પરેશાન છે. આવી સ્થિતિમાં લોકોમાં રોષ જોવા મળી રહ્યો છે. કેન્યામાં લોકોનો ગુસ્સો ત્યારે ફાટી નીકળ્યો જ્યારે તેમને ખબર પડી કે સંસદમાં ટેક્સ સંબંધિત બિલ રજૂ કરવામાં આવ્યું છે. આ વિરોધકર્તાઓએ માંગ કરી હતી કે સાંસદો આ વિવાદાસ્પદ ફાઇનાન્સ બિલ વિરૂદ્ધ મતદાન કરે, પરંતુ જ્યારે આવું ન થયું ત્યારે વિરોધીઓએ સંસદમાં ઘૂસીને હંગામો મચાવ્યો અને બિલ્ડિંગના એક ભાગને આગ ચાંપી દીધી.

આ પણ વાંચો - Ukraine યુદ્ધ બાદ પ્રથમ વખત રશિયા જશે PM મોદી, રાષ્ટ્રપતિ પુતિન સાથે કરશે મુલાકાત

આ પણ વાંચો - Korean Air Boeing 737: કોરિયન વિમાન અચાનક હવામાંથી જમીન પર બંદૂકની ગોળીની ઝડપે નીચે આવ્યું, જુઓ વિડીયો