'AAP'ના નેતાના જલસા,જેલમાં મસાજ સુવિધા લેતા સત્યેન્દ્ર જૈનનો વીડિયો થયો વાયરલ

આમ આદમી પાર્ટીના નેતા અને કેજરીવાલ સરકારમાં મંત્રી સત્યેન્દ્ર જૈન  જેલમાં વીઆઇપી ટ્રિટમેન્ટ લેતા હોવાના આક્ષેપ થયા હતા.. જે આક્ષેપોને સત્ય ઠેરવતો એક વીડિયો સામે આવ્યો છે. આ વીડિયો જેલની અંદરના સીસીટીવી ફૂટેજનો છે.. જેમાં જોઇ શકાય છે કે સત્યેન્દ્ર જૈન મસાજ સુવિધાનો આનંદ લઇ રહ્યા છે. 

વીડિયોમાં જોઈ શકાય છે કે એક વ્યક્તિ સત્યેન્દ્ર જૈનના પગ અને પીઠ પર માલિશ કરી રહ્યો છે. સત્યેન્દ્ર જૈનના હાથમાં કેટલાક કાગળો છે, જે તેઓ વાંચી રહ્યા છે. તાજેતરમાં, EDએ કોર્ટમાં આરોપ લગાવ્યો હતો કે સત્યેન્દ્ર જૈન દિલ્હીની તિહાડ જેલમાં નિયમોને નેવે મુકી સુવિધાઓ ભોગવી રહ્યા છે. જેનાથી સંબંધિત તમામ પુરાવા પણ કોર્ટમાં આપવામાં આવ્યા હતા.. લેફ્ટનન્ટ ગવર્નર વી.કે. સક્સેનાના આદેશ પર તપાસ સમિતિની રચના કરવામાં આવી હતી. આ સંબંધમાં જેલ નંબર-7ના સુપરિન્ટેન્ડેન્ટ અજીત કુમાર સહિત 58 લોકોની બદલી કરવામાં આવી હતી.

 જણાવી દઈએ કે EDએ કેન્દ્રીય ગૃહ મંત્રાલયને ફરિયાદ કરી હતી કે આમ આદમી પાર્ટીના નેતા સત્યેન્દ્ર જૈનને જેલની અંદર VVIP ટ્રીટમેન્ટ આપવામાં આવી રહી છે. એટલું જ નહીં સત્યેન્દ્ર જૈન જેલ અધિકારીઓની મિલીભગતથી તમામ પ્રકારની સુવિધાઓનો લાભ લઈ રહ્યા હોવાનું કહેવાયું હતું. EDની ફરિયાદ બાદ ગૃહ મંત્રાલયે તેનો રિપોર્ટ માંગ્યો હતો.

આ  પણ વાંચો -  "લગ્નમાં આમંત્રણ વિના આવતા નાચનારાઓ જેવી છે 'AAP'" ફડ્ણવીસે સાધ્યું નિશાન