પ્રયાગરાજ હિંસામાં સામેલ શખ્સ પર તંત્રની બુલડોઝરથી કાર્યવાહી

ભાજપના પૂર્વ પ્રવક્તા નૂપુર શર્મા દ્વારા પયગંબર મોહમ્મદ વિશે વાંધાજનક ટિપ્પણી બાદ દેશના અલગ-અલગ વિસ્તારોમાં હિંસા ભડકી ઉઠી છે. જ્યા જુઓ ત્યા નૂપુર શર્મા દ્વારા આપવામાં આવેલા નિવેદનનો વિરોધ થઇ રહ્યો છે. ખાસ કરીને 10 જૂનના રોજ શુક્રવારની નમાજ બાદ આ પ્રકારનો માહોલ જોવા મળ્યો હતો. ખાસ કરીને યુપીના પ્રયાગરાજમાં હિંસા ભડકી હતી. જે મામલે હવે કાર્યવાહી શરૂ થઇ ગઇ છે. 

મહત્વનું છે કે, 10 જૂન, શુક્રવારના રોજ શુક્રવારની નમાજ પછી ફાટી નીકળેલી હિંસા અને વિરોધ પ્રદર્શનના માસ્ટરમાઇન્ડ જેવાદ પંપ પર ઉત્તર પ્રદેશ પોલીસે આજે સખત એક્શન લેતા બુલ્ડોઝર દ્વારા કાર્યવાહી કરી છે. પ્રયાગરાજ હિંસાના મુખ્ય આરોપી જાવેદ પંપના આલીશાન બંગલા પર પ્રશાસન અને પ્રયાગરાજ ડેવલોપમેન્ટ ઓથોરિટી દ્વારા મોટી કાર્યવાહી કરવામાં આવી છે. જાવેદનું ઘર બુલડોઝર વડે તોડી પાડવામાં આવ્યું છે. પ્રયાગરાજ ડેવલોપમેન્ટ ઓથોરિટીનું કહેવું છે કે, જાવેદ પંપે નકશા પાસ કર્યા વિના ગેરકાયદેસર રીતે પોતાનું ઘર બનાવ્યું છે. આ પહેલા પ્રયાગરાજ ડેવલોપમેન્ટ ઓથોરિટીએ જાવેદ પંપના ઘરે નોટિસ ચોંટાડીને કહ્યું હતું કે 12 જૂનના રોજ સવારે 11 વાગ્યા સુધી ઘરમાં રહેતા તમામ લોકો પોતાનો સામાન ત્યાંથી હટાવી લે. ત્યાર બાદ ઓથોરિટી તેની કાર્યવાહી કરશે. 

મહત્વનું છે કે, ભાજપના પૂર્વ પ્રવક્તા નૂપુર શર્મા દ્વારા પયગંબર મોહમ્મદ પર આપવામાં આવેલા વિવાદિત નિવેદન બાદ દેશમાં ઘણી જગ્યાએ વિરોધ પ્રદર્શન અને હિંસા થઈ હતી. નૂપુરના નિવેદન વિરુદ્ધ પ્રયાગરાજના અટાલા વિસ્તારમાં થયેલી હિંસામાં જાવેદ પંપ મુખ્ય આરોપી હોવાનું સામે આવ્યું છે. પોલીસે જાવેદ પંપની ધરપકડ કરી લીધી છે. નોંધપાત્ર રીતે, પ્રયાગરાજના અટાલામાં પ્રદર્શન દરમિયાન ફાટી નીકળેલી હિંસા બાદ વહીવટીતંત્ર એક્શનમાં છે. પોલીસે પહેલા આરોપીઓની ધરપકડ કરી તેમને જેલમાં મોકલી દીધા અને ત્યાર બાદ તેમના ગુનાહિત ઈતિહાસ, જન્માક્ષર તપાસવાનું શરૂ કર્યું. પોલીસ દ્વારા જાવેદ પંપને અટાલાની ઘટનાક્રમનો માસ્ટર માઇન્ડ હોવાનું જણાવવામાં આવ્યું છે. જાવેદ પર ઘણા ગંભીર આરોપો લાગ્યા છે.

આ પણ વાંચો - પશ્ચિમ બંગાળના હાવડામાં સતત બીજા દિવસે પણ જૂથ અથડામણ