વિંછીયામાં કુંવરજીભાઇ બાવળીયાની સ્કૂલમાં વિદ્યાર્થીનીના આપઘાતની ઘટનાથી ચકચાર, પરિવારે માંગ્યા આપઘાતના પૂરાવા

રાજકોટ જિલ્લાના વિંછીયામાં આવેલી કુંવરજી બાવળીયાની સ્કૂલ એવી આદર્શ સ્કૂલમાં વિદ્યાર્થીનીના આપઘાતની ઘટના સામે આવી છે. તાલુકાના જ છાસિયા ગામ અને  વિછ્યાની આદર્શ સ્કૂલમાં હોસ્ટેલમાં રહીને ધોરણમાં 10માં અભ્યાસ કરતી કાજલ જોગરાજીયાએ હોસ્ટલના કમ્પાઉન્ડમાં જ દોરીથી ગળે ફાસો ખાઈને આત્મહત્યા કરી હોવાની વિગત સામે આવી છે. 

આત્મહત્યાની ઘટનાના પગલે પોલીસ ઘટના સ્થળે પહોંચી હતી અને તપાસ શરૂ કરી હતી, બનેલી ઘટના મુજબ મૃતક કાજલના પરિવારને સ્કૂલ સંચાલકો દ્વારા ટેલિફોનિક જાણ કરવામાં આવી કે તાત્કાલિક હોસ્પિટલે આવો જ્યારે પરિવારે હોસ્પિટલે જઈ ને જોયું તો કાજલ મૃત જોવા મળી હતી, જ્યારે પરિવારે કાજલના મૃત્યુ અંગે પૂછતાં કાજલે ગળે ફાંસો ખાઈને આત્મહત્યા કરી હોવાની વાત કરી હતી જ્યારે પરિવારે આત્મહત્યાં અંગે ના પુરાવા માંગ્યા હતા..

આ ઉપરાંત કાજલ આપઘાત કરે તેવી હતી જ નહીં તેમ જણાવ્યું હતું. સાથે જ પરિવારે  ન્યાય મળવો જોઈએ તેવી માંગ કરી હતી, સ્કૂલ સંચાલકોએ મીડિયાને ઘટનાસ્થળથી દૂર રાખ્યા હતા અને આ બાબતે કોઈ પણ જાતનું નિવેદન આપ્યું ન હતું, મહત્વપૂર્ણ છે કે આદર્શ સ્કૂલએ કેબિનેટ મંત્રી કુંવરજી બાવળીયાની છે અને આ ઘટનાને દબાવી દેવા માટે તંત્ર ઉપર રાજકીય દબાણ હોય તેવી વાતો પણ ચર્ચાનો વિષય બની છે, સાથેજ એવું પણ ચર્ચાઇ રહ્યુ છે કે  આ ઘટનાને દબાવવા માટે કુંવરજી બાવળિયાએ તેમની રાજકીય તાકાતનો ઉપયોગ કર્યો હોઇ શકે છે. 

આ  પણ વાંચોઃ  ખેતલિયા દાદા મંદિરના મહંતના આપઘાત બાદ વાયરલ થયેલા પત્રમાં ચોંકાવનારા આક્ષેપો, આખરે શું છે ઘુટાતું રહસ્ય?