કાતિલ ઠંડીને લઇને સુરતમાં સવાર પાળીની શાળાઓને સમયમાં ફેરફારની છૂટ અપાઇ

હાલ સમગ્ર દેશમાં ઠંડીનો ચમકારો જોવા મળી રહ્યો છે. સુરતમાં પણ હાડ થીજાવતી ઠંડી પડી રહી છે.. એવામાં વહેલી સવારે શાળાએ જનારા વિદ્યાર્થીઓની હાલત ઠંડીમાં કફોડી થતી હોય છે.. જેને ધ્યાનમાં રાખીને  સુરત જિલ્લા શિક્ષણ અધિકારીએ મહત્વના સૂચન કર્યા છે.

આ સૂચન અનુસાર સવાર પાળીમાં ચાલતી તમામ શાળાના સંચાલકોને સુરત જિલ્લા શિક્ષણ અધિકારી દ્વારા શાળાના સમયમાં ફેરફાર કરવાનો નિર્ણય લેવાની છૂટ આપવામાં આવી છે. .કાર્યકારી જિલ્લા શિક્ષણાધિકારી દ્વારા સુરતમાં આવેલી શાળાઓને સવારનો સમય બદલવા અથવા વિદ્યાર્થીઓ માટે ઠંડીથી બચવાની વ્યવસ્થા ગોઠવવા સૂચના આપવામાં આવી છે. 

જમ્મુ કાશ્મીરમાં હિમવર્ષા અને ઉત્તર ભારતમાં કાતિલ ઠંડીને પગલે ગુજરાત સહિત સુરતમાં ઠંડીનું પ્રમાણ વધ્યું છે. આથી સવાર પાળીના વિદ્યાર્થીઓ સવારે શાળાએ જવામાં પરેશાની અનુભવી રહ્યા છે. જેવી અનેક ફરિયાદો ઠંડી ની શરુઆત થી જ ઉઠી રહી છે.જેને પગલે સુરતના કાર્યકારી જિલ્લા શિક્ષણાધિકારી ડો. દીપક દરજીએ સવાર પાળીમાં ચાલતી સરકારી, ગ્રાન્ટેડ કે સ્વનિર્ભર શાળાઓના સંચાલકો સવાર પાળીની શાળાના સમયમાં ફેરફાર કરી શકે છે તેવું જણાવ્યું હતું. જો શાળા ના સમયમાં ફેરફાર થાય તો તેનાથી વિદ્યાર્થીઓને શાળાએ આવવામાં સાનુકૂળતા રહેશે. જેથી શાળા સંચાલકોને સવાર પાળીના સમયમાં ફેરફાર કરવાની છૂટ આપવામાં આવી છે.

જો કે અંગે ગુજરાત ફર્સ્ટ દ્વારા કેટલીક શાળાઓમા કાર્યકારી જિલ્લા શિક્ષણ અધિકારી દ્વારા અપાયેલા સૂચન અંગે વાત કરવામાં આવી હતી,જેમાં સુરતના અડાજણ ખાતે આવેલી શાળાએ ઠંડી શરૂ થતાંજ પોતે જ વિદ્યાર્થીઓનાં શાળાએ આવવાના સમયમાં ફેરફાર કર્યો હોવાનું જણાવ્યું હતું ,વિદ્યાર્થી શાળાના સમય થી 30 મિનિટ લેટ આવી શકે તેવી છૂટ અડાજણ ખાતે આવેલી ખાનગી સ્કૂલમાં આપવામાં આવી છે. જો કે તમામ વિદ્યાર્થીઓને કોઈ પણ કલર ના સ્વેટર અથવા ઠંડી થી બચવા ગરમ કપડાં પહેરવા માટે પણ સૂચના અપાઇ છે. આ ઉપરાંત વિદ્યાર્થીઓને ઠંડીમાં રાહત મળે તે માટે વિવિધ એક્ટિવિટી પણ કરાવવામાં આવી રહી છે. હાલમાં કેટલીક શાળાઓ દ્વારા સમય ફેરફાર કરાયા છે તો કેટલીક શાળાઓ હજી સમય બદલવા વિચારી રહી છે.

હાલ સુરત સહિત જિલ્લામાં ગાત્રો ધ્રુજાવતી ઠંડી યથાવત રહેતા જિલ્લા શિક્ષણ તંત્રની ચિંતા વધી છે .સુરતનું લઘુતમ તાપમાન ૧૨.૫ ડિગ્રી જ્યારે મહતમ તાપમાન ૩૦.૮ ડીગ્રી સેલ્સિયસ નોંધાયું છે જો કે 23 જાન્યુઆરીથી ઠંડી નો નવો રાઉન્ડ શરૂ થવાની સંભાવના પણ વ્યક્ત કરવામાં આવી છે, વેસ્ટર્ન ડિસ્ટર્બન્સ વધવાને પગલે ત્રણ ડિગ્રી તાપમાન વધવાની આગાહી હવામાન વિભાગ દ્વારા કરવામાં આવી છે. જેને પગલે શાળાઓનાં સમય માં ફેરફાર કરવા સૂચનો અપાયા છે. 

આ પણ વાંચો ઃ શાળા જર્જરિત હોવાથી ક્યાંક વાડીમાં તો ક્યાંક ખુલ્લામાં આભ નીચે અભ્યાસ