બંગાળમાં કોલ્ડ ડ્રિંકની કંપનીમાં એમોનિયા ગેસનું ગળતર થતા મચી અફરાતફરી, ઘણા બીમાર

એમોનિયા ગેસ લીક થયો હોવાનું કહેવાય છે. ગેસ ગળતરની ઘટના સાંજે ચાર વાગ્યાની આસપાસ બની હતી. સ્થાનિક રહેવાસીઓનો દાવો છે કે ગેસ લીકેજની ચપેટમાં આવતા કેટલાક લોકો બીમાર પણ પડ્યા છે. નરેન્દ્રપુર પોલીસ સ્ટેશન ઘટના સ્થળે છે. તેમજ ફેક્ટરી પાસે અનેક એમ્બ્યુલન્સ ઉભી રાખવામાં આવી છે. અધિકારીઓ ગેસ ગળતરને કાબૂમાં લેવા માટે તમામ જરૂરી પગલાં લઈ રહ્યા છે. ત્યારે  સમાચાર મળી રહ્યા છે કે  ઓછામાં ઓછા 4થી 5 લોકો બીમાર પડ્યા છે અને તેમને હોસ્પિટલમાં દાખલ કરવામાં આવ્યા છે.

ગેસ ગળતરને કારણે થતી મોટી જાનહાની ટાળવા માટે તમામ મજૂરોને ફેક્ટરીમાંથી બહાર કાઢી લેવામાં આવ્યાં હતા તથા ફાયર ટેન્ડર દ્વારા પાણીનો છંટકાવ શરુ કરી દેવાયો હતો. 

એમોનિયા ગેસ શ્વાસમાં જાય તો શું થઈ શકે 

એમોનિયા ગેસ ઝેરી છે અને તે ફેફસાને નુકશાન પહોંચાડી શકે છે. તે ઉપરાંત તે ચામડી અને આંખોને પણ ગંભીર નુકશાન કરી શકે છે.