ખેડામાં ગરબે રમી રહ્યા હતા ખેલૈયાઓ અને અચાનક શરૂ થયો પથ્થરમારો, 6 લોકો ઈજાગ્રસ્ત

નવરાત્રિનો પાવન પર્વમાં ખેડા જિલ્લામાં અમુક અસામાજિક તત્વો દ્વારા પથ્થરમારાની ઘટનાને અંજામ આપવામાં આવ્યો છે. ભક્તિમાં ડૂબેલા લોકો જ્યારે ગરબા રમી રહ્યા હતા તે દરમિયાન જ પથ્થરમારાની ઘટના સામે આવી, જેમાં 6 લોકો ઈજાગ્રસ્ત થયા છે. DSP ખેડાએ જણાવ્યું હતું કે, સોમવારે રાત્રે ઉંધેલા ગામમાં નવરાત્રિની ઉજવણી દરમિયાન આરીફ અને ઝહીર નામના બે લોકોની આગેવાનીમાં એક જૂથે હંગામો મચાવ્યો હતો. બાદમાં તેઓએ પથ્થરમારો શરૂ કર્યો, જેમાં 6 લોકો ઈજાગ્રસ્ત થયા. DSP ખેડા રાજેશ ગઢિયાએ જણાવ્યું કે તમામ આરોપીઓની ઓળખ કરવામાં આવી રહી છે. કડક કાર્યવાહી કરવામાં આવશે. ગામમાં પોલીસ બંદોબસ્ત ગોઠવી જરૂરી બંદોબસ્ત ગોઠવી દેવામાં આવ્યો છે.

આ પણ વાંચો - કલ્ચરલ ફોરમની મહાઆરતીમાં ભક્તોએ હજારો દીવડાઓની મદદથી બનાવી અર્ધનારીશ્વરની પ્રતિકૃતિ