Ramol Crime Story: નાના ભાઈને વાંકે મોટા ભાઈને પડ્યો માર, મામલો પોલીસ મથકે
Ramol Crime Story: રામોલમાં અસમાજિક તત્વોનો આતંક વધતો જતો દેખાઈ રહ્યો છે. ત્યારે તાજેતરમાં રામોલમાં આવેલા વસ્ત્રાલમાંથી ચોંકાવનારી ઘટના સામે આવી છે. આ ઘટના પછી એવું લાગી રહ્યું છે કે, રામોલમાં કોઈ વ્યક્તિને કાનૂન અને પોલીસનો ડર લાગતો નથી. આ ઘટનાનો સંપૂર્ણ વીડિયો પણ સામે આવ્યો છે.
રામોલમાં ભાઈના ઝગડામાં યુવકને ઘરમાંથી કાઢી માર માર્યો
આરોપીઓએ ચાર શખ્સોએ યુવકનું અપહરણ કરી ઢોર માર માર્યો
ચારેય શખ્સો યુવકને પોલીસ સ્ટેશન પાસે ફેંકીને જતા રહ્યા
ત્યારે મળતી માહિતી પ્રમાણે, જેમાં વસ્ત્રાલમાં રાધિકાપાર્ક સોસાયટીમાં 4 શખ્સો યુવકના ઘરમાં ઘુસીને તેનું અપહરણ કરીને તેને કારમાં બેસાડીને માર માર્યો હતો. જેમાં યુવકના ભાઇ સાથે શખ્સને 15 દિવસથી ઝઘડો ચાલતો હતો. તેમજ બૂમાબૂમ થતા ચારેય શખ્સો યુવકને પોલીસ સ્ટેશન પાસે ફેંકીને જતા રહ્યા હતા. આ અંગે યુવકના ભાઇએ ચારેય શખ્સો સામે રામોલ પોલીસ સ્ટેશનમાં અપહરણ સહિતની કલમ હેઠળ ફરિયાદ નોધાવી છે.
સંગ્રામસિંગ સિકરવાર સાથે કોઇ વાતને લઇને ઝઘડો ચાલતો હતો
તો વસ્ત્રાલમાં રહેતા દિપકભાઇ ચૌહાણ મજૂરીકામ કરીને પરિવારનું ગુજરાન ચલાવે છે. જેમાં તેમનો નાનો ભાઇ નીરજ કંઇ કામ ધંધો કરતો નથી. તેને 15 દિવસથી સંગ્રામસિંગ સિકરવાર સાથે કોઇ વાતને લઇને ઝઘડો ચાલતો હતો. ગત 7 જૂને દિપકભાઇ કાકા સુનિલભાઇ સાથે ઘરના ધાબા પર સૂતા હતા. તેમજ ઘરના નીચેના ભાગમાં ભાઇ સંદિપ, નિરજ અને તેનો મિત્ર સૂતા હતા. ત્યારે મોડી રાત્રે તેમના ઘરનો દરવાજો કોઇ જોરજોરથી ખખડાવતુ હતુ.
એકસાથે ચારેય શખ્સો ઘરમાં ઘૂસી ગયા
જેથી દિપક અને સુનિલભાઇ જાગીને જોતા સંગ્રામસિંગ, ગૌરવસિંહ ચૌહાણ, રવિસિંગ ઠાકુર અને કાર્તિંક પાંડે નામના શખ્સો ઘરના દરવાજા પાસે ઉભા હતાં. તો એકસાથે ચારેય શખ્સો ઘરમાં ઘૂસીને સંદિપ, આકાશ અને નિરજ સાથે ઝઘડો કરવા લાગ્યા હતા. તેમજ સંદિપને ઘરમાંથી ખેંચીને બહાર લઇ જઇને માર માર્યો હતો. આ દરમ્યાન નિરજ અને આકાશ દિવાલ કૂદીને ભાગી ગયા હતા. જે બાદ ચારેય શખ્સોએ સંદિપનું અપહરણ કરીને ગાડીમાં લઇ ગયા હતા.
ઇજાગ્રસ્તને સારવાર અર્થે હોસ્પિટલમાં લઇ જવામાં આવ્યો
જે બાદ ચારેય શખ્સોએ સંદિપને માર માર્યો હતો. પરંતુ બૂમાબૂમ થતા આસપાસના લોકો ભેગા થતા ચારેય શખ્સોએ સંદિપને રામોલ પોલીસ સ્ટેશન પાસે ઉતારીને નાસી ગયા હતા. તેમજ ઇજાગ્રસ્ત સંદિપને સારવાર અર્થે હોસ્પિટલમાં લઇ જવામાં આવ્યો હતો. આ અંગે દિપકે ચારેય શખ્સો સામે રામોલ પોલીસ સ્ટેશનમાં અપહરણ સહિતની કલમ હેઠળ ગુનો નોધાવતા પોલીસે તપાસ શરૂ કરી છે.
આ પણ વાંચો: Vadodara: પાવન સ્વામીની પાપલીલા! 14 વર્ષની યુવતી પર નવ વર્ષ સુધી આચરતો રહ્યો દુષ્કર્મ