શાહરૂખ ખાનની ફિલ્મ 'Jawan' નો રિવ્યૂ આવ્યો સામે, જાણો દર્શકોને કેટલી પસંદ આવી

શાહરૂખ ખાનની મોસ્ટ અવેટેડ ફિલ્મ જવાન આજે સિનેમાઘરોમાં રિલીઝ કરવામાં આવી હતી. પ્રીવ્યુ પછી આવેલા ટ્રેલરને જોઈને દર્શકોનો ફિલ્મ પ્રત્યેનો ક્રેઝ બમણો થઈ ગયો હતો. આ ફિલ્મને લઈને સોશિયલ મીડિયા પર પણ લોકોની પ્રતિક્રિયાઓ આવવા લાગી છે. એટલી કુમાર દ્વારા નિર્દેશિત જવાનનો સંપૂર્ણ રિવ્યુ પણ સામે આવ્યો છે. આ ફિલ્મને અત્યાર સુધીની સૌથી મોટી ઓપનિંગ મળવાની આશા છે. જવાનની રિલીઝને લઈને સિનેમાઘરોમાં ઉજવણીનો માહોલ જોવા મળી રહ્યો છે. ફિલ્મ દર્શકોને એટલી પસંદ આવી રહી છે કે, તેમણે થિયેટરોમાં નાચવા અને કૂદવાનું શરૂ કર્યું છે.

પઠાન બાદ જવાન બનશે હિટ ?

ફિલ્મમાં દીપિકા પાદુકોણનો કેમિયો પણ એક સરપ્રાઈઝ પેકેજ જેવો છે. શાહરૂખ ખાનની જવાન હિન્દીની સાથે અન્ય ઘણી ભાષાઓમાં પણ રિલીઝ થઈ છે. જવાનને જોઈને પરત ફરતા દર્શકો માને છે કે જવાન અત્યાર સુધીની સૌથી મોટી એક્શન ફિલ્મોમાંથી એક છે. આપને જણાવી દઇએ કે, શાહરૂખ ખાને ફરી એકવાર પોતાનું નિવેદન સાચું સાબિત કર્યું છે. ચાર વર્ષ પહેલા ફ્લોપ ફિલ્મ આપ્યા પછી ચાર વર્ષ સુધી કોઈ ફિલ્મ ન આપવાને કારણે જ્યારે લોકોને લાગવા માંડ્યું કે કદાચ શાહરૂખ ખાનનો યુગ પૂરો થઈ ગયો છે, ત્યારે જ SRKએ પોતાના ધમાકેદાર અભિનયથી લોકોને ચોંકાવી દીધા હતા અને કહ્યું હતું કે તેમનો યુગ ક્યારેય સમાપ્ત થવાનો નથી. 2023 ચોક્કસપણે શાહરૂખ ખાનનું વર્ષ કહેવાશે. પહેલા 'પઠાન' સાથે અને હવે 'જવાન' સાથે, તેણે સાબિત કર્યું છે કે તે ક્યાંય ગયો નથી, તે ફક્ત શ્રેષ્ઠ માટે તૈયારી કરી રહ્યો હતો અને હવે તે તેના શ્રેષ્ઠ કામ સાથે ચાર વર્ષ પછી થિયેટરોમાં પરત ફર્યો છે તો હિન્દી સિનેમાનું હવામાન બદલાઈ ગયું છે.

#Jawan has elevated the Theatrical Environment. #ShahRukhKhan has done it twice in a year. Madness Begins!!#JawanReview pic.twitter.com/fTkAS9ufuo

— JUST A FAN. (@iamsrk_brk) September 7, 2023

લોકો વહેલી સવારથી જ સિનેમાઘરોની બહાર જોવા મળ્યા

કિંગ ખાનની 'જવાન' આજે રિલીઝ થઈ ગઈ છે. શાહરૂખ અને તેની ફિલ્મનો એવો ક્રેઝ છે કે લોકો વહેલી સવારથી જ સિનેમાઘરોની બહાર જોવા મળ્યા હતા. લોકોએ આ ફિલ્મને ફેસ્ટિવલમાં ફેરવી દીધી છે અને પોતાના ફેવરિટ સુપરસ્ટારની ફિલ્મની ઉજવણી કરતા જોવા મળ્યા છે. હવે 'જવાન'ના પહેલા શો બાદ લોકોની પ્રતિક્રિયાઓ પણ આવવા લાગી છે. 'જવાન'ની શરૂઆતની પ્રતિક્રિયાઓ અનુસાર, લોકો શાહરૂખની આ ફિલ્મને ખૂબ પસંદ કરી રહ્યા છે. ફિલ્મ સમીક્ષકો પણ આ ફિલ્મને સામૂહિક હિટ ગણાવી રહ્યા છે. થિયેટરમાંથી 'જવાન'ના શોની ઝલક પણ શેર કરવામાં આવી રહી છે, જેમાં શાહરૂખ ખાન પ્રત્યે ચાહકોનો ક્રેઝ સ્પષ્ટ દેખાઈ રહ્યો છે.

તરણ આદર્શે જવાનને ગણાવી મેગા બ્લોકબસ્ટર 

જાણીતા ટ્રેડ એક્સપર્ટ અને ફિલ્મ સમીક્ષક તરણ આદર્શે 'જવાન'ને મેગા બ્લોકબસ્ટર ગણાવી છે. આ સાથે તેમણે ફિલ્મની સ્ક્રિપ્ટ અને સ્ક્રીનપ્લેની પણ પ્રશંસા કરી છે. તેમણે એટલીની બુદ્ધિમત્તા અને પ્રતિભાની પણ પ્રશંસા કરી છે અને 2023ને SRKનું વર્ષ બતાવી 'જવાન' ધમાકેદાર કમાણી કરશે તેવો દાવો પણ કર્યો છે.

#OneWordReview...#Jawan: MEGA-BLOCKBUSTER.
Rating: ⭐️⭐️⭐️⭐️½
A hardcore masala entertainer that’s sure to stand tall in #SRK’s filmography… #Atlee presents #SRK in a massy character and he is 🔥🔥🔥… Move over #Pathaan, #Jawan is here to conquer hearts and #BO, both.… pic.twitter.com/4bwFrBAFYz

— taran adarsh (@taran_adarsh) September 7, 2023

દર્શકોને મ્યુઝિકથી લઇને શાહરૂખની એન્ટ્રી અને અલગ-અલગ ટ્રાન્સફોર્મેશન પસંદ આવ્યું 

જવાનને લઈને સોશિયલ મીડિયા પર અપડેટ્સ આવવા લાગ્યા છે. કહેવામાં આવી રહ્યું છે કે ફિલ્મમાં માત્ર તીવ્ર એક્શન જ નહીં પરંતુ ઘણા મહત્વપૂર્ણ મુદ્દાઓ પણ ઉઠાવવામાં આવ્યા છે. ફિલ્મના પહેલા ભાગમાં ઘણી સામાજિક સમસ્યાઓ પણ જોવા મળે છે. જેમ કે ખેડૂતોની આત્મહત્યા, દેશના તબીબી ક્ષેત્રની હાલત કેવી ખરાબ છે. શાહરૂખ ખાનને ડબલ રોલમાં જોઈને દર્શકોએ મજા માણી છે. ફિલ્મમાં શાહરૂખને રોબિનહૂડ તરીકે દર્શાવવામાં આવ્યો છે. બીજી તરફ વિજય સેતુપતિ, નયનતારા પણ વખાણ મેળવી રહ્યા છે. કેટલાક દર્શકોએ ઇન્ટરવલ સુધી અહેવાલો પોસ્ટ કર્યા છે. મોટાભાગના લોકોને શાહરૂખ ખાનની એન્ટ્રી, બેકગ્રાઉન્ડ મ્યુઝિક, શાહરૂખનું અલગ-અલગ ટ્રાન્સફોર્મેશન પસંદ આવ્યું હતું. થિયેટરોની અંદર અને બહાર ઉજવણીના માહોલની તસવીરો અને વીડિયો વાયરલ થયા છે.

આ પણ વાંચો - શાહરૂખ ખાનની ફિલ્મ ‘Jawan’ નું એડવાન્સ બુકિંગ ફુલ

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.