બેધડક Salim Khan...સલમાન ક્યારેય માફી નહીં માગે....

• સલમાન ખાન અને ગેંગસ્ટર લોરેન્સ બિશ્નોઈ વચ્ચેના વિવાદનો મામલો
• સલમાનના પિતા સલીમ ખાને કહ્યું કે સલમાન ખાન ક્યારેય માફી નહીં માંગે
• સલમાને ક્યારેય પ્રાણીઓનો શિકાર કર્યો નથી
• અમે જંતુઓ પણ મારતા નથી: સલીમ ખાન

Salim Khan : બાબા સિદ્દીકીની હત્યા બાદ બોલિવૂડના પાવરફુલ એક્ટર સલમાન ખાન અને જેલમાં બંધ ગેંગસ્ટર લોરેન્સ બિશ્નોઈ વચ્ચેની દુશ્મનાવટની ચર્ચાએ ફરી જોર પકડ્યું છે. આ દરમિયાન મુંબઈ પોલીસને આ ગેંગના નામે ધમકીભર્યો મેસેજ મળ્યો હતો, જેમાં 5 કરોડ રૂપિયાની માંગણી કરવામાં આવી હતી. એવું પણ કહેવામાં આવ્યું હતું કે સલમાન ખાનની હાલત બાબા સિદ્દીકી કરતા પણ ખરાબ હશે. આ તમામ વિવાદો વચ્ચે સલીમ ખાને (Salim Khan) સ્પષ્ટપણે કહી દીધું છે કે તેમનો પુત્ર સલમાન ખાન ક્યારેય માફી નહીં માંગે.

સલમાન ખાનની સુરક્ષા વધારી દેવામાં આવી

તમને જણાવી દઈએ કે લોરેન્સ બિશ્નોઈ ગેંગે સલમાન ખાનના ઘર પર હુમલો કર્યો હતો અને તેમને ધમકી પણ આપી છે. તાજેતરમાં જ આ હુમલા સાથે જોડાયેલા એક ગુનેગારની હરિયાણામાંથી ધરપકડ કરવામાં આવી હતી. લોરેન્સ બિશ્નોઈ ગેંગ તરફથી ધમકીઓનો સિલસિલો શરૂ થયા બાદ સલમાન ખાનની સુરક્ષા વધારી દેવામાં આવી છે. સલમાન ખાન દરેક જગ્યાએ પોલીસના ઘેરા હેઠળ જોવા મળે છે.

સલમાને ક્યારેય પ્રાણીઓનો શિકાર કર્યો નથી

એક ખાનગી ચેનલને આપેલા ઈન્ટરવ્યુમાં સલીમ ખાને સ્પષ્ટ કહ્યું છે કે સલમાન ખાન માફી નહીં માંગે. તેમણે કહ્યું કે સલમાને ક્યારેય પ્રાણીઓનો શિકાર કર્યો નથી. તેમણે કહ્યું કે સલમાન ખાનને જે ધમકીઓ મળી રહી છે તે માત્ર ઉકસાવવા માટે છે. સલીમ ખાને કહ્યું, "સલમાને ક્યારેય કોઈ પ્રાણીની હત્યા નથી કરી. સલમાને ક્યારેય સામાન્ય વંદો પણ માર્યો નથી. અમે હિંસામાં માનતા નથી."

આ પણ વાંચો----Salmanને ધમકી, તારી હાલત બાબા સિદ્દીકી કરતા પણ ખરાબ થશે...

અમે જંતુઓ પણ મારતા નથી: સલીમ ખાન

સલીમ ખાને કહ્યું, "લોકો અમને કહે છે કે તમે હંમેશા જમીન તરફ નીચું જુઓ છો. તમે ખૂબ જ નમ્ર છો. હું તેમને કહું છું કે આ શરમની વાત નથી. મને ડર છે કે મારા પગ નીચે આવીને એક જીવડું પણ ઘાયલ થઈ જશે. હું તેમને પણ સાચવું છું.

સલમાન ખાન લોકોને ઘણી મદદ કરે છે

સલીમ ખાને કહ્યું કે બીઇંગ હ્યુમનથી ઘણા લોકોને મદદ મળી છે. કોવિડ પછી તેમાં ઘટાડો થયો, પરંતુ તે પહેલા દરરોજ લાંબી કતારો હતી. કેટલાકને સર્જરીની જરૂર હતી, કેટલાકને અન્ય મદદની જરૂર હતી. દરરોજ ચારસોથી વધુ લોકો મદદની આશામાં આવતા હતા.

શું છે સમગ્ર મામલો

વાસ્તવમાં ચિંકારા કેસને લઈને લોરેન્સ બિશ્નોઈએ સલમાન ખાનને જોધપુરમાં બિશ્નોઈ સમુદાયના મંદિરમાં જઈને માફી માંગવાની માંગ કરી હતી. જો આમ નહીં કરવામાં આવે તો બિશ્નોઈ ગેંગે સલમાન ખાનને મારી નાખવાની ધમકી આપી હતી.

આ પણ વાંચો---Salman Khanની એક્સ ગર્લફ્રેન્ડે લોરેન્સ બિશ્નોઇને કહ્યું..ભાઇ..જેલમાંથી જ તેની સાથે વીડિયો કોલ પર વાત કરો