Gandhinagar : લો... પાછું નવું આવ્યું! BJP પ્રવક્તા ઋષિકેશ પટેલ બોલ્યા- 'બળીથી મતલબ છે કે પાડાપાડીથી...'

1. ભાજપનાં સદસ્યતા અભિયાન અંગે વીડિયો વાઇરલ (Gandhinagar)
2. મંત્રી ઋષિકેશ પટેલ-જગદીશ વિશ્વકર્મા વચ્ચે વાતચીત
3. ગંભીર સંવાદનો વધુ એક વીડિયો આવ્યો સામે
4. મંત્રી ઋષિકેશ પટેલે કહ્યું 'બળીથી મતલબ છે કે પાડાપાડીથી...'

Gandhinagar : ભારતીય જનતા પાર્ટી (BJP) દ્વારા દેશભરમાં 'સદસ્યતા અભિયાન' (Sadasyata Abhiyan) ચલાવવામાં આવી રહ્યું છે. અભિયાન હેઠળ પાર્ટી હાઈકમાન્ડ દ્વારા મંત્રીઓ, નેતાઓ અને કાર્યકર્તાઓને અલગ-અલગ મહત્ત્વની જવાબદારી સોંપવામાં આવી છે. ત્યારે ગુજરાતમાં પણ આ અભિયાન પૂરજોશમાં ચાલી રહ્યું છે. જો કે, તાજેતરમાં રાજ્યનાં બે મંત્રી ઋષિકેશ પટેલ (Rishikesh Patel) અને મંત્રી જગદીશ વિશ્વકર્મા (Jagdish Vishwakarma) વચ્ચે આ અભિયાનને લઈ થયેલા ગંભીર સંવાદનો એક વીડિયો સામે આવ્યો છે, જેના પછી અનેક તર્ક-વિતર્ક થતાં ગુજરાતનાં રાજકારણમાં ગરમાવો આવ્યો છે. હવે, આ સંવાદનો વધુ એક વીડિયો સામે આવ્યો છે.

આ પણ વાંચો - Breaking : ગુજરાત ભાજપમાં કંઇક રંધાઇ રહ્યું છે..? જુઓ 2 મંત્રીની વાતચીત

મંત્રી ઋષિકેશ પટેલ અને જગદીશ વિશ્વકર્માનાં સંવાદનો વીડિયો વાઇરલ

જણાવી દઈએ કે, રવિવારે મળેલી કેબિનેટ બેઠક (Cabinet Meeting, Gandhinagar) બાદ જ્યારે પત્રકાર પરિષદ કરવા માટે મંત્રી જગદીશ વિશ્વકર્મા અને પ્રવક્તા મંત્રી ઋષિકેશ પટેલ આવ્યા હતા. ત્યારે મંચ પર બંને એકબીજા સાથે વાતચીત કરી રહ્યા હતા અને તે વખતે મંત્રી જગદીશ વિશ્વકર્માએ કહ્યું હતું કે, પાર્ટી (BJP) એનાલિસિસ કરતી જાય છે. જ્યારે, મંત્રી ઋષિકેશ પટેલે કહ્યું હતું કે, 'કાઢી મેલે તો, કાઢી મેલે...' જો કે, આ વીડિયો સામે આવ્યા બાદ અનેક તર્ક-વિતર્ક થઈ રહ્યા છે. સાથે જ ગુજરાત ભાજપ અને ગુજરાતનાં રાજકારણમાં ભૂકંપ સર્જાયો છે. બંને વરિષ્ઠ મંત્રી વચ્ચેની આ વાતચીત ખૂબ જ ગંભીર ગણાઇ રહી છે અને આગામી સમયમાં રાજકારણમાં ભારે ઉથલપાથલ સર્જાય તેના સંકેતો આપી રહી છે.

આ પણ વાંચો - Gandhinagar : વનરક્ષકની પરીક્ષામાં ડમી ઉમેદવાર ઝડપાયો, આ રીતે ફૂટ્યો ભેજાબાજનો ભાંડો

ગંભીર સંવાદનો વધુ એક વીડિયો આવ્યો સામે

આ વચ્ચે હવે આ સંવાદનો વધુ એક વીડિયો સામે આવ્યો છે, જેમાં મંત્રી ઋષિકેશ પટેલે (Rishikesh Patel) કહે છે કે, 'બળીથી મતલબ છે કે પાડાપાડીથી...' જણાવી દઈએ કે, બંને સિનીયર મંત્રીઓની આ વાતચીત ખૂબ જ ગંભીર કહી શકાય તેમ છે. બંને મંત્રી મીડિયા સમક્ષ બેઠા છે. મીડિયાનાં માઇક પણ ચાલૂ હતા. ત્યારે બંને મંત્રીએ જાણી જોઇને મીડિયામાં મેસેજ આપ્યો કે ખરેખર બંને ભૂલી ગયા હતા કે મીડિયાનાં માઇક પડેલા છે તે પણ એક સવાલ છે.

આ પણ વાંચો - Bharuch : જંબુસર જતી ST બસ અચાનક વરસાદી કાંસમાં ખાબકી, 15 વિદ્યાર્થીઓ ઇજાગ્રસ્ત