Bangladesh સંકટથી આ કંપનીઓના શેર્સ પર ખતરો....
political crisis in Bangladesh : બાંગ્લાદેશમાં સર્જાયેલા રાજનૈતિક સંકટ ( political crisis in Bangladesh)ની અસર ભારત પર પણ જોવા મળી શકે છે. જો તમે આ કંપનીઓમાં રોકાણ કર્યું છે તો તે કંપનીના શેર્સમાં પણ અસર જોવા મળી શકે છે. બાંગ્લાદેશમાં ચાલી રહેલા રાજકીય સંકટની અસર ભારતના અર્થતંત્ર પર પડી શકે છે. બાંગ્લાદેશના વડાપ્રધાન શેખ હસીનાએ દેશ છોડ્યો અને દેશમાં બળવો થયો તે પછી સેનાએ સત્તા સંભાળી છે. તેનાથી સમગ્ર બાંગ્લાદેશમાં ઉથલપાથલ મચી ગઈ છે અને તેની અસર ત્યાંના અર્થતંત્ર પર જોવા મળી રહી છે. જેના કારણે ભારતીય કંપનીઓના બિઝનેસને પણ અસર થઈ રહી છે.
ઘણી ભારતીય કંપનીઓનું બાંગ્લાદેશના બજારમાં જંગી રોકાણ
ઘણી ભારતીય કંપનીઓનું બાંગ્લાદેશના બજારમાં જંગી રોકાણ છે અને ત્યાં સ્થાપિત મેન્યુફેક્ચરિંગ એકમોમાંથી મોટી સંખ્યામાં માલ સપ્લાય કરવામાં આવે છે. આવી સ્થિતિમાં જે કંપનીઓનો માલ સીધો બાંગ્લાદેશથી આવે છે તેમને મુશ્કેલીનો સામનો કરવો પડી શકે છે. જો આમ થશે તો તેની અસર તેમના શેર પર પણ જોવા મળી શકે છે. આવી સ્થિતિમાં, જો તમે આ ભારતીય કંપનીઓના શેરમાં પૈસા રોક્યા છે, તો તમારે બાંગ્લાદેશમાં સમગ્ર વિકાસ પર નજર રાખવાની જરૂર છે.
આ પણ વાંચો----Bangladesh માં પ્રદર્શનકારીઓની તાલિબાની કાર્યવાહી, હોટેલ ફૂંકી મારી
આ લગેજ ઉત્પાદક પાસે બાંગ્લાદેશની બહાર 8 ઉત્પાદન એકમો છે અને તેનો લગભગ 30-35% માલ અહીંથી સપ્લાય થાય છે.
મેરીકો (Marico)
મેરિકો માટે, બાંગ્લાદેશ આંતરરાષ્ટ્રીય વ્યાપારનું એક મહત્વપૂર્ણ ઘટક છે. કંપનીની 44 ટકા આવક બાંગ્લાદેશમાંથી આવે છે.
ડાબર, જીસીપીએલ અને બ્રિટાનિયા
બાંગ્લાદેશ સંકટને કારણે દેશની અગ્રણી FMCG કંપનીઓ ડાબર, GCPL અને બ્રિટાનિયાના શેરો પણ ફોકસમાં છે. કારણ કે, આ સમગ્ર ઘટના તેમને બાંગ્લાદેશમાં અસર કરી શકે છે. જો કે, બાંગ્લાદેશમાં તેમનું કુલ ટોપલાઇન વેચાણ 5% કરતા ઓછું છે.
જ્યુબિલન્ટ ફૂડવર્કસ
ડોમિનોઝ પિઝા સ્ટોર્સ ચલાવતી કંપની જુબિલન્ટ ફૂડવર્ક્સના બાંગ્લાદેશમાં 28 સ્ટોર્સ છે, જે તેના વેચાણમાં એક ટકાનું યોગદાન આપે છે.
ટ્રેન્ટ
હોંગકોંગ અને થાઈલેન્ડ પછી, બાંગ્લાદેશ ટાટા ગ્રૂપની કંપની ટ્રેન્ટના સોર્સિંગ માટે સૌથી મહત્વપૂર્ણ દેશોમાંનો એક છે. ટ્રેન્ટ કપડાંના વ્યવસાય સાથે સંકળાયેલો છે અને વેસ્ટસાઇડ સ્ટોર ચલાવે છે. આ કંપનીઓ ઉપરાંત કાપડના વ્યવસાય સાથે સંકળાયેલી કંપનીઓ અને તેમના શેરને બાંગ્લાદેશથી માલના ઘટાડાને કારણે અસર થઈ શકે છે.
આ પણ વાંચો----પિતા સહિત ફેમિલીના 17 સભ્યોની હત્યા અને Sheikh Hasina માટે ભારત બન્યું..