IND vs IRE : ટીમ ઈન્ડિયાએ જીત સાથે T20 World Cupની શરૂઆત કરી, આયરલેન્ડને માત્ર 12.2 ઓવરમાં હરાવ્યું

IND vs IRE : આજે T20 World Cupની 8મી મેચ ભારત અને આયર્લેન્ડ (India and Ireland) વચ્ચે રમાઈ હતી. આ ટૂર્નામેન્ટમાં ટીમ ઈન્ડિયા (Team India)એ જીતથી શરૂઆત કરી છે. ભારતે બુધવારે આયર્લેન્ડને 8 વિકેટે હરાવ્યું હતું. ભારતીય કેપ્ટન રોહિત શર્મા (Rohit Sharma)એ ટોસ (Toss) જીતીને પ્રથમ બોલિંગ (First Bowling) કરવાનું પસંદ કર્યું હતું. તેમનો નિર્ણય સાચો સાબિત થયો. ન્યૂયોર્કના નાસાઉ સ્ટેડિયમમાં આયર્લેન્ડે 97 રનનો ટાર્ગેટ આપ્યો હતો, જેને ભારતે 12.2 ઓવરમાં 2 વિકેટ ગુમાવીને સરળતાથી હાંસલ કરી લીધો હતો.

ભારતની પ્રથમ મેચમાં શાનદાર જીત

ટીમ ઈન્ડિયાએ ટી20 વર્લ્ડ કપમાં પોતાની પ્રથમ મેચમાં શાનદાર પ્રદર્શન કર્યું છે. જીતની સાથે ભારતીય ટીમે T20 વર્લ્ડ કપમાં શરૂઆત કરી છે. આ પહેલા આયર્લેન્ડની ટીમ 16 ઓવરમાં 96 રનમાં ઓલઆઉટ થઈ ગઈ હતી. પ્રથમ બોલિંગની પસંદગી કરતા ભારતીય બોલરોએ શાનદાર પ્રદર્શન કર્યું હતું. ભારત તરફથી હાર્દિક પંડ્યાએ સૌથી વધુ 3 વિકેટ લીધી હતી. અર્શદીપ સિંહ અને જસપ્રિત બુમરાહે 2-2 વિકેટ લીધી હતી. મોહમ્મદ સિરાજ અને અક્ષર પટેલે 1-1 વિકેટ લીધી હતી. આયર્લેન્ડ તરફથી ગેરેથ ડેલેનીએ સૌથી વધુ રન બનાવ્યા હતા. તેણે 14 બોલમાં 26 રન બનાવ્યા જેમાં 2 ચોગ્ગા અને 2 છગ્ગાનો સમાવેશ થાય છે.

આયર્લેન્ડની શરૂઆત ખરાબ રહી અને ટીમ રિકવર કરી શકી નહીં. ઓપનર એન્ડ્ર્યુ બલબિર્નીએ 5 રન અને કેપ્ટન પોલ સ્ટર્લિંગે 2 રન બનાવ્યા હતા. જ્યોર્જ ડોકરેલ (3), માર્ક એડેર (3), અને જ્યોર્જ ડોકરેલ (3) પણ બે આંકડા સુધી પહોંચી શક્યા ન હતા. કર્ટિસ કેમ્ફરે 12 રન અને લોર્કન ટકરે 10 રનનું યોગદાન આપ્યું હતું. બેરી મેકકાર્થીનું ખાતું પણ ખુલ્યું નહોતું. જોકે સાતમા નંબરે ઉતરેલી ડેલાનીએ લાંબા સમય સુધી લીડ જાળવી રાખી હતી. તેણે જોશુઆ લિટલ સાથે નવમી વિકેટ માટે 27 રનની ભાગીદારી કરી હતી. જોશુઆના બેટમાંથી 13 બોલમાં 14 રન આવ્યા હતા. તેણે 2 ચોગ્ગા ફટકાર્યા. ડેલાની છેલ્લા ખેલાડી તરીકે પેવેલિયન પરત ફર્યો હતો.

જવાબમાં ટીમ ઈન્ડિયા

T20 વર્લ્ડ કપમાં ઓપનિંગ કરવા આવેલા વિરાટ કોહલીએ મોટી ઇનિંગ રમી ન હતી. તેણે 5 બોલનો સામનો કર્યો અને માત્ર 1 રન બનાવીને આઉટ થઈ ગયો હતો. તેને માર્ક એડેરે આઉટ કર્યો હતો. બીજી તરફ રોહિત શર્માએ કેપ્ટનશિપની ઇનિંગ રમી હતી. 36 બોલમાં પોતાની અડધી સદી પૂરી કરનાર રોહિત શર્માએ 37 બોલમાં 4 ચોગ્ગા અને 3 છગ્ગાની મદદથી 52 રન બનાવ્યા હતા. આ પછી તે રિટાયર હર્ટ થઈ ગયો હતો. સૂર્યકુમાર યાદવ મોટી ઇનિંગ રમી શક્યો ન હતો. તેણે 4 બોલનો સામનો કર્યો અને માત્ર 2 રન બનાવીને આઉટ થયો. બેન વ્હાઇટે તેને પેવેલિયનમાં મોકલ્યો હતો. રિષભ પંતનું બેટ ફરી એકવાર જોરદાર ગર્જના કરતું હતું. તેણે 26 બોલનો સામનો કર્યો અને 3 ચોગ્ગા અને 2 છગ્ગાની મદદથી 36 રનની અણનમ ઇનિંગ રમી. IPL સ્ટાર શિવમ દુબેએ બે બોલનો સામનો કર્યો, પરંતુ ખાતું ખોલાવી શક્યો નહીં. જોકે તે અંત સુધી અણનમ રહ્યો હતો.

T20 વર્લ્ડ કપમાં સૌથી વધુ મેચ જીતનાર ટીમ

શ્રીલંકા - 31 જીત

ભારત - 29 જીત
પાકિસ્તાન - 28 જીત
ઓસ્ટ્રેલિયા - 25 જીત
દક્ષિણ આફ્રિકા - 25 જીત

ટીમ ઈન્ડિયાએ આયર્લેન્ડને હરાવીને ઈતિહાસ રચ્યો

આયરલેન્ડ સામે રમાયેલી મેચમાં ટીમ ઈન્ડિયાનો 8 વિકેટે વિજય થયો હતો. T20 વર્લ્ડ કપમાં ટીમ ઈન્ડિયાની આ 29મી જીત છે. આ સાથે ટીમ ઈન્ડિયાએ T20 વર્લ્ડ કપમાં સૌથી વધુ મેચ જીતવાના મામલે પાકિસ્તાનને પાછળ છોડી દીધું છે. પાકિસ્તાનની ટીમે T20 વર્લ્ડ કપમાં પણ 28 જીત પોતાના નામે કરી છે. આવી સ્થિતિમાં ટીમ ઈન્ડિયા હવે પાકિસ્તાનથી આગળ નીકળી ગઈ છે. જણાવી દઈએ કે હવે આ લિસ્ટમાં માત્ર શ્રીલંકાની ટીમ જ ભારતથી આગળ છે. તેના નામે 31 જીત છે.

આ પણ વાંચો - T20 WC 2024: ICCએ ઈનામી રકમની કરી જાહેરાત, વિજેતાને ટીમ મળશે આટલા કરોડ રૂપિયા

આ પણ વાંચો - T20 World Cup પહેલા ટીમ ઈન્ડિયાના આ સ્ટાર ખેલાડીએ કરી નિવૃત્તિની જાહેરાત