Jharkhand ના રાંચીમાં ED ના દરોડા, મંત્રીના PS ના નોકરને ત્યાંથી 30 કરોડ રોકડ જપ્ત...
એન્ફોર્સમેન્ટ ડિરેક્ટોરેટ ( ED ) એ રાંચી, ઝારખંડ (Jharkhand)માં અનેક સ્થળોએ દરોડા પાડીને કરોડોની રોકડ જપ્ત કરી છે. ED એ ગ્રામીણ વિકાસ મંત્રી આલમગીર આલમના અંગત સચિવ સંજીવ લાલના નોકરના ઘરેથી જંગી રોકડ જપ્ત કરી છે. મળતી માહિતી મુજબ અત્યાર સુધીમાં લગભગ 30 કરોડ રૂપિયાની રોકડ રિકવર કરવામાં આવી છે. ED નું માનવું છે કે આ કાળા નાણાંનો એક ભાગ છે.
તમને જણાવી દઈએ કે, એન્ફોર્સમેન્ટ ડિરેક્ટોરેટ (ED) એ ફેબ્રુઆરી 2023 માં ઝારખંડ (Jharkhand) ગ્રામીણ વિકાસ વિભાગના ચીફ એન્જિનિયર વીરેન્દ્ર કે વિરુદ્ધ કેટલીક યોજનાઓના અમલીકરણમાં કથિત અનિયમિતતાઓને લગતા મની લોન્ડરિંગ કેસમાં કેસ દાખલ કર્યો હતો અને તેની ધરપકડ કરવામાં આવી હતી.
ED ને મળી હતી જાણકારી...
તમને જણાવી દઈએ કે, ED ને માહિતી મળી હતી કે આલમગીર આલમના મંત્રાલયમાં ભ્રષ્ટાચાર ચાલી રહ્યો છે અને આ પૈસા નોકરોના ઘરે જઈ રહ્યા છે. આ પછી ED એ આલમગીર આલમના અંગત સચિવના નોકરના ઘરે દરોડા પાડ્યા હતા. આ સમયગાળા દરમિયાન ED એ કરોડો રૂપિયાની રોકડ રિકવર કરી હતી. મળતી માહિતી મુજબ પુંડગના સેલ સિટીમાં પણ ED ના દરોડા ચાલુ છે. ત્યાં જ માર્ગ નિર્માણ વિભાગ સાથે સંકળાયેલા એક એન્જિનિયરની જગ્યા પર દરોડા પાડવામાં આવી રહ્યા છે.
આ પણ વાંચો : Karnataka ના ડેપ્યુટી CM એ Congress ના કાઉન્સિલરને જાહેરમાં થપ્પડ મારી, ભાજપે શેર કર્યો Video
આ પણ વાંચો : UP : અમેઠીમાં કોંગ્રેસ કાર્યાલયની બહાર અડધો ડઝનથી વધુ વાહનોમાં તોડફોડ, BJP પર આરોપ