મુંબઈ ઈન્ડિયન્સમાં હાર્દિક સ્વાગત, કહ્યું - ફરી એ જ ટીમમાં આવીને સારું લાગ્યું
ઈન્ડિયન પ્રીમિયર લીગ (IPL 2024) ની હરાજી પહેલા જ આઈપીએલની તમામ ટીમોએ આઈપીએલ ગવર્નિંગ કાઉન્સિલને રિટેન અને રીલીઝ કરાયેલા ખેલાડીઓની યાદી સબમિટ કરી દીધી છે. હાર્દિક પંડ્યાનું નામ ગુજરાત ટાઇટન્સ દ્વારા અગાઉ જાહેર કરાયેલા ખેલાડીઓની યાદીમાં હતું. હાર્દિક છેલ્લી બે સિઝનથી ગુજરાત ટાઇટન્સ ટીમ સાથે સંકળાયેલો હતો. પરંતુ હવે રિટેન્શનના એક દિવસ બાદ જ હાર્દિક પંડ્યા ગુજરાત ટાઇટન્સ છોડીને બીજી ટીમમાં જોડાયો છે.
“Seeing Hardik back at Mumbai Indians makes me very happy. It is a happy homecoming. He provides great balance to any team he plays. Hardik’s first stint with the MI family was hugely successful, and we hope he achieves even more success in his second stint.”
- Akash Ambani… pic.twitter.com/6cwBotunsb
— Mumbai Indians (@mipaltan) November 27, 2023
હાર્દિક પંડ્યા મુંબઈની ટીમમાં પાછો ફર્યો
ઈન્ડિયન પ્રીમિયર લીગ (IPL 2024) સીઝન માટે 26 નવેમ્બરનો દિવસ ખાસ રહ્યો છે. વાસ્તવમાં, આ દિવસે તમામ 10 ટીમોએ તેમના તમામ ખેલાડીઓને જાળવી રાખવા અને છોડવાની યાદી જાહેર કરવાની હતી. તમામ ટીમોએ તેમની યાદી જાહેર કરી છે તો ઘણા આશ્ચર્યજનક નિર્ણયો સામે આવ્યા છે. ત્યારે સૌથી ચોંકાવનારો નિર્ણય લગભગ 2 કલાક પછી આવ્યો. IPL ઈતિહાસમાં સૌથી મોટો વેપાર ટ્રાન્સફર વિન્ડો હેઠળ જોવા મળ્યો હતો. ગુજરાત ટાઇટન્સનો કેપ્ટન હાર્દિક પંડ્યા તેની જૂની ટીમ મુંબઈ ટીમમાં પાછો ફર્યો છે.
“We are thrilled to welcome Hardik back home! It’s a heartwarming reunion with our Mumbai Indians family! From being a young scouted talent of Mumbai Indians to now being a team India star, Hardik has come a long way and we’re excited for what the future holds for him and Mumbai… pic.twitter.com/7UrqfjUEXU
— Mumbai Indians (@mipaltan) November 27, 2023
મુંબઈ પાસે હાર્દિક માટે પૈસા નહોતા
મુંબઈએ હાર્દિક પંડ્યાને પોતાની ટીમમાં સામેલ કરીને મોટો વેપાર કર્યો છે. જણાવી દઈએ કે ગુજરાત ટાઇટન્સ અત્યાર સુધી IPLની માત્ર બે સિઝન રમી છે, જેમાં તેણે પ્રથમ સિઝનમાં ટાઇટલ જીત્યું હતું અને બીજી સિઝનમાં તે રનર્સઅપ રહી હતી. તે સમયે ગુજરાત ટાઇટન્સે હાર્દિક પંડ્યાને 15 કરોડમાં ખરીદ્યો હતો અને તેને ગુજરાત ટાઇટન્સનો કેપ્ટન બનાવ્યો હતો. પંડ્યાનો આ ટ્રેડ રૂપિયામાં જ થતો હતો. રોહિત શર્માની કપ્તાનીવાળી મુંબઈની ટીમ પાસે પંડ્યાને પરત લાવવા માટે પર્સમાં પૂરતા પૈસા પણ બચ્યા ન હતા. આ માટે મુંબઈ ઈન્ડિયન્સે તેના ઓલરાઉન્ડર કેમેરોન ગ્રીનને ટ્રેડ કર્યો હતો.
𝕄𝔸𝕊𝕊 🔥 𝗥𝗘𝗧𝗨𝗥𝗡#OneFamily #HardikSwagat @hardikpandya7 pic.twitter.com/L21PjSZi4V
— Mumbai Indians (@mipaltan) November 27, 2023
પંડ્યાને માત્ર 2 કલાક પહેલા જ રિટેન કરવામાં આવ્યો હતો
આ મોટા ટ્રેડના માત્ર 2 કલાક પહેલા, ગુજરાત ટાઇટન્સ (GT) એ હાર્દિક પંડ્યાને કેપ્ટન તરીકે જાળવી રાખ્યો હતો. ત્યારે માનવામાં આવી રહ્યું હતું કે તે આગામી સિઝનમાં આ ટીમ સાથે રમતા જોવા મળશે. પરંતુ 2 કલાક બાદ મુંબઈએ મોટા ટ્રેડ દ્વારા પંડ્યાને ખરીદ્યો હતો. બીજી તરફ ગુજરાતની ટીમે પોતાના 8 ખેલાડીઓને બહાર કર્યા છે. આ ખેલાડીઓ છે યશ દયાલ, કેએસ ભરત, શિવમ માવી, ઉર્વિલ પટેલ, પ્રદીપ સાંગવાન, ઓડિયન સ્મિથ, અલઝારી જોસેફ અને દાસુન સનાકા.
This brings back so many wonderful memories. Mumbai. Wankhede. Paltan. Feels good to be back. 💙 #OneFamily @mipaltan pic.twitter.com/o4zTC5EPAC
— hardik pandya (@hardikpandya7) November 27, 2023
મુંબઈ ગયા બાદ હાર્દિકની પહેલી પ્રતિક્રિયા
મુંબઈની ટીમમાં પરત ફર્યા બાદ હાર્દિક પંડ્યાએ પોતાની પહેલી પ્રતિક્રિયા આપી છે. તેણે સોશિયલ મીડિયા સાઇટ Twitter (હવે X) પર એક ભાવનાત્મક પોસ્ટ શેર કરી, લખ્યું કે તેણે ઘણી અદ્ભુત યાદોને પાછી લાવી દીધી. મુંબઈ, વાનખેડે, પલટનમાં પાછા ફરીને સારું લાગે છે. જણાવી દઈએ કે હાર્દિકે 2015માં મુંબઈ તરફથી રમતા IPLમાં ડેબ્યૂ કર્યું હતું.
𝗛𝗢𝗠𝗘. 𝕄𝕀 𝗛𝗢𝗠𝗘 💙 pic.twitter.com/zNeCJN4Oqt
— hardik pandya (@hardikpandya7) November 27, 2023
મુંબઈએ આર્ચર-જોર્ડનને રિલીઝ કર્યા
મુંબઈ ઈન્ડિયન્સ (MI) એ પણ 11 ખેલાડીઓને રિલીઝ કર્યા છે. તેમાં અરશદ ખાન, રમનદીપ સિંહ, હૃતિક શૌકીન, રાઘવ ગોયલ, જોફ્રા આર્ચર, ટ્રિસ્ટન સ્ટબ્સ, ડુઆન જેન્સન, જ્યે રિચર્ડસન, રિલે મેરેડિથ, ક્રિસ જોર્ડન અને સંદીપ વોરિયરનો સમાવેશ થાય છે.
મુંબઈ માટે ચાર ટાઇટલ જીત્યા
હાર્દિક પંડ્યાને વર્ષ 2015માં મુંબઈ ઈન્ડિયન્સે ખરીદ્યો હતો. આ પછી, તેણે મુંબઈ ઈન્ડિયન્સને ચાર આઈપીએલ ટાઇટલ જીતવામાં મદદ કરવામાં મહત્વપૂર્ણ ભૂમિકા ભજવી હતી. હાર્દિકની ગણતરી શ્રેષ્ઠ ઓલરાઉન્ડરોમાં થાય છે. શાનદાર બોલિંગની સાથે તે બેટિંગમાં પણ નિપુણ ખેલાડી છે. તે માત્ર થોડા જ બોલમાં મેચને પૂરી રીતે બદલવાની ક્ષમતા ધરાવે છે. તેણે 123 IPL મેચમાં 2309 રન બનાવ્યા છે અને 53 વિકેટ લીધી છે.
ગુજરાતે ગિલને 8 કરોડ રૂપિયામાં ખરીદ્યો
ગુજરાત ટાઇટન્સ ટીમે વર્ષ 2022માં રૂ. 8 કરોડની જંગી રકમ સાથે શુભમન ગિલને તેમની ટીમમાં સામેલ કર્યો હતો. તે છેલ્લી બે સિઝનથી GT માટે ભાગ લઈ રહ્યો છે. 2022માં તેણે પોતાની ટીમ માટે કુલ 16 મેચ રમી હતી. આ દરમિયાન તેના બેટમાંથી 34.50ની એવરેજથી 384 રન આવ્યા હતા. આ સમયગાળા દરમિયાન તેનો સ્ટ્રાઈક રેટ 132.33 હતો. વર્ષ 2023માં તેણે પોતાની ટીમ માટે કુલ 17 મેચ રમી હતી. આ દરમિયાન તેના બેટમાંથી 59.33ની એવરેજથી 890 રન આવ્યા હતા. આ દરમિયાન તેનો સ્ટ્રાઈક રેટ 157.80 હતો. આ વર્ષે તેણે ત્રણ સદી અને ચાર અડધી સદી ફટકારી હતી.
𝐂𝐀𝐏𝐓𝐀𝐈𝐍 𝐆𝐈𝐋𝐋 🫡#AavaDe pic.twitter.com/tCizo2Wt2b
— Gujarat Titans (@gujarat_titans) November 27, 2023
શુભમન ગિલની IPL કારકિર્દી
શુભમન ગિલે દેશની પ્રતિષ્ઠિત લીગમાં અત્યાર સુધી છ સીઝનમાં ભાગ લીધો છે. આ દરમિયાન તે કુલ 91 મેચ રમવામાં સફળ રહ્યો છે. આ સમયગાળા દરમિયાન તેના બેટથી 88 ઇનિંગ્સમાં 37.7ની એવરેજથી 2790 રન બનાવ્યા છે. IPL માં ગિલના નામે ત્રણ સદી અને 18 અડધી સદી છે. અહીં તેનો સ્ટ્રાઈક રેટ 134.07 છે.
આ પણ વાંચો - IND Vs AUS : ઓસ્ટ્રેલિયા વિરુદ્ધ બીજી મેચમાં ભારતની 44 રને શાનદાર જીત
આ પણ વાંચો - BCCI એ અંડર-19 એશિયા કપ માટે કરી ટીમ ઈન્ડિયાની જાહેરાત
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ