Paris Olympic 2024 : 'વિનેશના દુ:ખમાં આખો દેશ સાથે' નીતા અંબાણીનું દર્દ છલકાયું
- વિનેશ ફોગાટ મુદ્દે IOCના સભ્ય નીતા અંબાણીનું નિવેદન
- આજે આખો દેશ વિનેશના દર્દને અનુભવી રહ્યો છેઃ નીતા અંબાણી
- વિનેશ ફોગાટ એક ચેમ્પિયન ફાઈટર છેઃ નીતા અંબાણી
- વિનેશ ફોગાટ વધુ મજબૂત બનીને પરત આવશેઃ નીતા અંબાણી
- વિપરીત સ્થિતિઓમાં ઉભરવાની વિનેશમાં ક્ષમતાઃ નીતા અંબાણી
- આવનારી પેઢીઓ માટે વિનેશ ફોગાટ પ્રેરણારૂપઃ નીતા અંબાણી
- વિનેશની દ્રઢશક્તિ કોઈપણ મેડલ કરતાં વધુ ચમકે છેઃ નીતા અંબાણી
- નીતા અંબાણીએ કહ્યું સમગ્ર દેશ વિનેશ ફોગાટની સાથે છે
Paris Olympic 2024 : વિનેશ ફોગાટને પેરિસ ઓલિમ્પિક 2024માંથી ગેરલાયક ઠેરવવાથી માત્ર તેના જ નહીં પરંતુ કરોડો ભારતીયોના દિલ તૂટી ગયા છે. વિનેશ ફોગાટ પેરિસ ઓલિમ્પિક 2024માં મહિલાઓની 50 કિગ્રા વજન વર્ગની ફાઇનલમાં પહોંચી હતી. વિનેશે 6 ઓગસ્ટે સતત ત્રણ મેચ જીતીને ફાઇનલમાં જગ્યા બનાવી હતી અને તેને ગોલ્ડ મેડલની પ્રબળ દાવેદાર માનવામાં આવતી હતી. 6 ઓગસ્ટે જ્યારે વિનેશે તેની ત્રણ લડાઈઓ લડી ત્યારે તે સવારે તેનું વજન 49.9 કિલો હતું. આ પછી, તેનું વજન રાત્રે વધીને 52.7 થઈ ગયું, જેને ઘટાડવા માટે તેણે આખી રાત કામ કર્યું, વિનેશ પોતે અને તેના કોચ સપોર્ટ સ્ટાફ ફાઈનલ મેચ પહેલા વજનના સમય સુધી તેનું વજન ઘટાડવામાં વ્યસ્ત હતા. આ ઘટના બાદ આખું ભારત દુઃખી અને આઘાતમાં છે. હવે IOC સભ્ય અને રિલાયન્સ ફાઉન્ડેશનના ચેરપર્સન નીતા અંબાણીએ આ સમગ્ર ઘટના અને વિનેશ ફોગાટે નિવેદન આપ્યું છે.
વિનેશ મજબૂત વાપસી કરશે - નીતા અંબાણી
વિનેશ ફોગાટને પેરિસ ઓલિમ્પિક 2024માંથી અયોગ્ય ઠેરવવાના મુદ્દે નીતા અંબાણીએ કહ્યું કે આજે આખો દેશ વિનેશ ફોગાટનું દર્દ અને દુ:ખ વહેંચી રહ્યો છે. નીતા અંબાણીએ કહ્યું કે વિનેશ એક ચેમ્પિયન ફાઈટર છે અને મને કોઈ શંકા નથી કે તે વધુ મજબૂત રીતે વાપસી કરશે. નીતા અંબાણીએ વધુમાં કહ્યું કે વિનેશે વારંવાર બતાવ્યું છે કે તેની તાકાત માત્ર જીતમાં જ નથી પરંતુ પ્રતિકૂળ સંજોગોને પાર કરવાની ક્ષમતામાં પણ રહેલી છે. નીતા અંબાણીએ કહ્યું કે વિનેશ આવનારી પેઢીઓ માટે પ્રેરણારૂપ છે. ખાસ કરીને યુવાન છોકરીઓ અને તેમના માતા-પિતા માટે જે તેમને સપના અને દ્રઢતાની શક્તિ દર્શાવે છે. નીતા અંબાણીએ કહ્યું કે વિનેશ, તમારી ઈચ્છાશક્તિ કોઈપણ મેડલ કરતા સારી છે. અમે બધા તમારી સાથે છીએ.
Vinesh Phogat મુદ્દે IOCના સભ્ય Nita Ambani
નું નિવેદન@Phogat_Vinesh @Paris2024 @narendramodi @mansukhmandviya @WeAreTeamIndia @PTUshaOfficial @Media_SAI#NitaAmbani #VineshPhogat #mansukhmandviya #celebration #bronzemedal #ParisOlympics2024 #QuarterFinals #TeamIndia… pic.twitter.com/gpdzQiMGD2— Gujarat First (@GujaratFirst) August 7, 2024
સિલ્વર મેડલ પણ નહીં મળે?
વિનેશનું વજન 50 કિલો કરતાં 100 ગ્રામ વધુ હોવાનું જાણવા મળ્યું હતું. વિનેશે 50 કિલો ફ્રી સ્ટાઇલ રેસલિંગની ફાઇનલમાં જગ્યા બનાવી હતી. વિનેશ આજે બપોરે 12:45 વાગ્યે તેની ફાઇનલ મેચ રમવાની હતી પરંતુ હવે તેને ગેરલાયક ઠેરવવામાં આવી છે. તેને સિલ્વર મેડલ પણ નહીં મળે.
આ પણ વાંચો: Paris Olympic 2024 : વિનેશ ફોગાટનું Gold નું સપનું અને નિયમોનો ભાર, જાણો વજન ઉતારવા કેટલા કર્યા પ્રયાસ?