IND VS AUS : INDIA માટે આજે બદલાની રાત, AUSTRALIA ને વિશ્વકપમાંથી બહાર કરવાની મોટી તક

IND VS AUS : T20 વર્લ્ડ કપ 2024 ના સુપર-8 રાઉન્ડની 11મી મેચમાં વેસ્ટ ઇન્ડીસના ડેરેન સેમી નેશનલ ક્રિકેટ સ્ટેડિયમમાં INDIA અને AUSTRALIA વચ્ચે જોરદાર ટક્કર થશે. 2007 ની ચેમ્પિયન ભારતીય ટીમની કમાન રોહિત શર્મા સંભાળી રહી છે જ્યારે AUSTRALIA નું સુકાની મિશેલ માર્શ સંભાળે છે. આજની મેચ ખૂબ જ અગત્યની રહેવાની છે. આજની આ મેચમાં ભારતને 2023 ના વિશ્વકપમાં ફાઇનલમાં ઓસ્ટ્રેલિયા સામે મળેલ હારનો બદલો લેવાની તક છે. કારણ કે જો આ મેચમાં ભારત જો ઓસ્ટ્રેલિયાને હરાવે તો તેમના આ વિશ્વકપમાંથી બહાર નીકળવાના ચાંસ વધી શકે છે. કારણ કે આજે જો AUSTRALIA હારી જાય અને ત્યાર બાદ આવતી મેચમાં અફઘાનિસ્તાન ટીમ જીતી જાય તો AUSTRALIA વિશ્વકપના સેમી ફાઇનલમાં પ્રવેશી શકશે નહીં. માટે ભારત પાસે આજે બદલો લેવાની તક છે. પરંતુ ઓસ્ટ્રેલિયાની ટીમને હરાવવી સરળ રહેશે નહીં. ચાલો જાણીએ કેવા રહેશે આ મેચના હાલ

કેવી હશે પીચ?

ઓસ્ટ્રેલિયાની સામેનો ભારતનો આ મુકાબલો વેસ્ટ ઇન્ડીસના ડેરેન સેમી નેશનલ ક્રિકેટ સ્ટેડિયમ ખાતે રમાવવાનો છે. આ પિચની વાત કરીએ તો ડેરેન સેમી નેશનલ ક્રિકેટ સ્ટેડિયમની પીચ T20 ક્રિકેટમાં બીટ-હિટિંગ બેટ્સમેનોને અનુકૂળ છે. બેટિંગ માટે અનુકૂળ પિચ આ મેદાનમાં T20 ક્રિકેટમાં ઘણા મોટા સ્કોર બની ચૂક્યા છે, જેમાં અફઘાનિસ્તાન સામે વેસ્ટ ઈન્ડિઝ દ્વારા 218 રનનો સર્વોચ્ચ સ્કોર પણ સામેલ છે. બોલરોને પણ નવા બોલથી થોડી મદદ મળી છે, પરંતુ આગામી મેચમાં બેટ્સમેનો આ સ્થળ પર પ્રભુત્વ જમાવશે. માટે આજની મેચ હાઈ સ્કોરિંગ રહી શકે છે.

વરસાદથી કઈ ટીમને થશે ફાયદો?

આ વિશ્વકપમાં આપણે જોયું તેમ ઘણી મેચમાં વરસાદનું વિઘ્ન રહ્યું છે. પરંતુ જો ભારત અને ઓસ્ટ્રેલિયા વચ્ચે રમાનારી મેચ વરસાદના કારણે રદ્દ થશે તો બંને ટીમોના ખાતામાં એક-એક પોઈન્ટ ઉમેરાશે. ભારતીય ટીમ અત્યારે ગ્રુપ-1માં ચાર પોઈન્ટ સાથે ટોપ પર છે. તેણીને પાંચ પોઈન્ટ મળશે અને તે સેમીફાઈનલ માટે ક્વોલિફાઈ કરશે. આ સાથે જ ઓસ્ટ્રેલિયા બે પોઈન્ટ સાથે બીજા સ્થાને છે. તેના ખાતામાં ત્રણ પોઈન્ટ હશે. સુપર-8માં આ તેની છેલ્લી મેચ હશે. આ મેચ રદ્દ થતાની સાથે જ અફઘાનિસ્તાન પાસે બાંગ્લાદેશને હરાવીને સેમીફાઈનલમાં પહોંચવાની તક હશે અને ચાર પોઈન્ટ અને સારા નેટ રન રેટ સાથે સેમીફાઈનલમાં પહોંચશે.

HEAD TO HEAD (INDIA VS AUSTRALIA)

રમાયેલી મેચો: 31

ભારત જીત્યું: 19

ઓસ્ટ્રેલિયા દ્વારા જીત્યું: 11

કોઈ પરિણામ નથી: 1

PROBABLE 11

ભારત: રોહિત શર્મા (c), વિરાટ કોહલી, ઋષભ પંત (wk), સૂર્યકુમાર યાદવ, શિવમ દુબે, હાર્દિક પંડ્યા, અક્ષર પટેલ, રવિન્દ્ર જાડેજા, અર્શદીપ સિંહ, કુલદીપ યાદવ, જસપ્રિત બુમરાહ

ઓસ્ટ્રેલિયા: ટ્રેવિસ હેડ, ડેવિડ વોર્નર, મિશેલ માર્શ (સી), ગ્લેન મેક્સવેલ, માર્કસ સ્ટોઇનિસ, ટિમ ડેવિડ, મેથ્યુ વેડ (wk), પેટ કમિન્સ, મિશેલ સ્ટાર્ક, એડમ ઝમ્પા, જોશ હેઝલવુડ

આ પણ વાંચો : Quinton de Kock એ સ્થાપ્યો નવો કીર્તિમાન, મહેન્દ્ર સિંહ ધોની કરતાં નીકળ્યો આગળ