Hardik Pandya પર લાગ્યો પ્રતિબંધ, IPL ની પ્રથમ મેચ નહી રમી શકે!
- Hardik Pandyaને લઈને આવ્યા મોટા સમાચાર
- હાર્દિક પર એક મેચ માટે પ્રતિબંધ મૂકવામાં આવ્યો
- મુંબઈ ઈન્ડિયન્સની કેપ્ટનશીપ કરતો જોવા મળશે નહીં
Hardik Pandya IPL 2025: હાર્દિક પંડ્યા (Hardik Pandya) IPL 2025ની પ્રથમ મેચ નહીં રમે. હાર્દિક પર એક મેચ માટે પ્રતિબંધ (Hardik Pandya Banned)મૂકવામાં આવ્યો છે અને તે મુંબઈ ઈન્ડિયન્સ (umbai Indians)માટે શરૂઆતની મેચ માટે ઉપલબ્ધ રહેશે નહીં. આગામી સિઝન માટે મુંબઈએ 16.35 કરોડ રૂપિયા ખર્ચીને હાર્દિકને રિટેન કર્યો છે.ગત સિઝનમાં હાર્દિક ટીમની કેપ્ટનશીપ કરતો જોવા મળ્યો હતો. પરંતુ હાર્દિકના નેતૃત્વમાં મુંબઈનું પ્રદર્શન કંઈ ખાસ રહ્યું ન હતું અને ટીમે ટૂર્નામેન્ટનો અંત છેલ્લી પોઝિસન પર રહીને થયો હતો.
પ્રથમ મેચ નહીં રમે હાર્દિક
હાર્દિક પંડ્યા ઈન્ડિયન પ્રીમિયર લીગની 18મી સીઝનની પ્રથમ મેચમાં મુંબઈ ઈન્ડિયન્સની કેપ્ટનશીપ કરતો જોવા મળશે નહીં. હાર્દિક પર એક મેચ બાકી છે, જેના કારણે તે પ્રથમ મેચ માટે ઉપલબ્ધ રહેશે નહીં. ધીમી ઓવર રેટના કારણે મુંબઈના કેપ્ટન પર આ પ્રતિબંધ લગાવવામાં આવ્યો છે. ગત સિઝનમાં, હાર્દિકની કપ્તાની હેઠળ, મુંબઈ નિર્ધારિત સમયમાં ત્રણ વખત તેની ઓવર પૂરી કરવામાં નિષ્ફળ રહી હતી.
🚨As Hardik Pandya got banned for a match, who will captain Mumbai Indians now? #MumbaiIndians #IPLauctions2025#RohitSharma𓃵 #Jaspritbumrah𓃵#SuryakumarYadav pic.twitter.com/2wpFfs8QKq
— Ronak STORM 🇮🇳 (@ronakSTORM725) November 26, 2024
આ પણ વાંચો -ICC Champions Trophy 2025: પાકિસ્તાનમાં જ્યાં મેચ રમાવાની છે ત્યાં ગલી ક્રિકેટ પણ રમી શકાય તેમ નથી
12 લાખ રૂપિયાનો દંડ લેવાયો
IPLના નિયમો મુજબ જો કેપ્ટન પ્રથમ વખત ધીમી ઓવર રેટ માટે દોષી સાબિત થાય છે, તો 12 લાખ રૂપિયાનો દંડ કરવામાં આવે છે, જ્યારે બીજી વખત તે જ દંડ બમણો કરવામાં આવે છે. કેપ્ટનની સાથે પ્લેઈંગ 11માં હાજર ખેલાડીઓ પર પણ અમુક ટકા દંડ લાદવામાં આવે છે.જો કેપ્ટન એક જ સિઝનમાં ત્રીજી વખત સ્લો ઓવર રેટ માટે દોષી સાબિત થાય છે, તો 30 લાખ રૂપિયાનો દંડ અને એક મેચનો પ્રતિબંધ લાદવામાં આવે છે. લખનૌ સામે રમાયેલી છેલ્લી લીગ મેચમાં મુંબઈ નિર્ધારિત સમયમાં પોતાની ઓવર પૂરી કરી શક્યું ન હતું અને તેના કારણે હાર્દિકને એક મેચના પ્રતિબંધનો સામનો કરવો પડશે.
આ પણ વાંચો -ઓસ્ટ્રેલિયા સામે હાર બાદ આ સિરીઝમાં રમતા દેખાશે રોહિત-વિરાટ!
પ્રથમ મેચમાં કેપ્ટનશીપ કોણ કરશે?
હાર્દિક પંડ્યાની ગેરહાજરીમાં પ્રથમ મેચમાં મુંબઈ ઈન્ડિયન્સની આગેવાની કોણ કરશે તે જોવું રસપ્રદ રહેશે. માનવામાં આવે છે કે ટી-20માં ભારતની કેપ્ટનશીપ કરી રહેલા સૂર્યકુમાર લીગની પ્રથમ મેચમાં કેપ્ટનશીપ કરતા જોવા મળી શકે છે. મેગા ઓક્શન પહેલા મુંબઈએ હાર્દિક ઉપરાંત રોહિત શર્મા, જસપ્રિત બુમરાહ, સૂર્યકુમાર યાદવ અને તિલક વર્માને રિટેન કર્યા હતા. તે જ સમયે, મુંબઈએ હરાજીમાં ઘણા મજબૂત ખેલાડીઓને પોતાની ટીમમાં સામેલ કર્યા છે.
