હવામાન વિભાગે 5 દિવસ માટે આપી આ ગંભીર ચેતવણી, વાંચો તમારા જિલ્લામાં શું થશે...

બિપોરજોય વાવાઝોડું હવે અત્યંત તીવ્ર ચક્રવાતી તોફાન બન્યું છે ત્યારે વહિવટીતંત્ર પણ ઓછામાં ઓછું નુકશાન થાય તે માટેના આગોતરા પગલાં લઇ રહ્યું છે. દરિયા કાંઠાના જીલ્લામાં રાજ્યના 9 મંત્રીઓ પહોંચી ગયા છે અને તંત્ર સાથે સંકલન કરીને કામગિરી કરી રહ્યા છે.  સૌથી વધુ અસરગ્રસ્ત જિલ્લાઓમાં શાળાઓમાં રજા જાહેર કરી દેવાઇ છે.પીએમ મોદીએ પણ રાજ્ય સરકાર સાથે બેઠક યોજીને કામગિરીની સમિક્ષા કરીને આદેશો આપ્યા છે.

બીજી તરફ હવામાન વિભાગે આગામી 5 દિવસ માટે રાજ્યના ક્યા વિસ્તારમાં વાવાઝોડાની અસરના કારણે અતિ ભારેથી ભારે વરસાદ પડશે તે જાહેર કર્યું છે.

હવામાન વિભાગે ચેતવણી આપી છે કે  12 જૂને દ્વારકા, પોરબંદર, જૂનાગઢ, ગીર સોમનાથ અને અમરેલી જિલ્લાઓમાં ભારે વરસાદ પડશે

13 જૂન  દ્વારકા, પોરબંદર, જૂનાગઢ, ગીર સોમનાથ અને અમરેલી અને રાજકોટ તથા જામનગર જિલ્લાઓમાં ભારે વરસાદ પડશે.

14 તારીખે દ્વારકા, મોરબી, જામનગર, પોરબંદર, જૂનાગઢ અને રાજકોટ તથા કચ્છમાં ભારે વરસાદ

15 જૂને કચ્છ, દ્વારકા, જામનગરમાં અત્યંત અતિ ભારે વરસાદ તથા પોરબંદર, જૂનાગઢ, રાજકોટ અને મોરબી જિલ્લાઓમાં અતિ ભારે વરસાદ તથા ગીર સોમનાથ, અમરેલી, ભાવનગર, બોટાદ, સુરેન્દ્રનગર, અમદાવાદ, પાટણ, બનાસકાંઠા, સાબરકાંઠા, મહેસાણા, ગાંધીનગર જિલ્લામાં ભારે વરસાદ રહેશે

16 તારીખે બનાસકાંઠા, પાટણ, મહેસાણા, સાબરકાંઠા જિલ્લાઓમાં અતિ ભારે વરસાદ તથા કચ્છ અને મોરબી જિલ્લાઓમાં ભારે વરસાદની આગાહી કરવામાં આવી છે.

આ પણ વાંચો---બિપોરજોયની શરુ થઇ ગઇ અસર.! જાણો ક્યાં ક્યાં કેવી અસર…!