Amreli : પુત્રવધૂએ માતા સાથે મળી સાસુને જ રહેંસી નાંખી...

Amreli : કળીયુગને પણ શરમાવે તેવો ખૌફનાક કિસ્સો અમરેલી (Amreli ) ના સાવરકુંડલામાં બન્યો છે. સાવરકુંડલામાં વેવાણ અને તેની પુત્રીએ ભેગા મળીને પુત્રીની સાસુની હત્યા કરી છે. હત્યા એટલી નિર્મમ રીતે કરાઇ હતી કે સૌ કોઇ ધ્રુજી ઉઠ્યા છે. પોલીસને આ હત્યા કેસને ઉકલવામાં સફળતા મળી છે અને વેવાણ અને તેની પુત્રીની ધરપકડ કરી છે.

અમરેલીના સાવરકુંડલામાં નિર્મમ હત્યાની ઘટના
પોલીસને હત્યાનો ભેદ ઉકેલવામાં મળી સફળતા
પોલીસે હત્યા મામલે બે આરોપીની કરી ધરપકડ
ફ્રેન્ડ સોસાયટીમાં ફિલ્મી ઢબે હત્યાનો બન્યો બનાવ
પુત્રવધૂએ માતા સાથે મળી સાસુની કરી હતી હત્યા
ઘરકંકાસથી કંટાળીને પુત્રવધૂએ સાસુની કરી હત્યા
બોથડ પદાર્થ કટ કરવાના કટરથી હત્યાને આપ્યો અંજામ

મીનાબેન પાઠક નામની મહિલાની હત્યા

ખૌફનાક ક્રાઈમ સિરિયલની ઘટનાને પણ ઝાંખી પાડે તેવી નિર્મમ હત્યાની ઘટના અમરેલી જિલ્લાના સાવરકુંડલાની ફ્રેન્ડ્સ સોસાયટીમાં ઘટી હતી. ઘટનાની મળેલી માહિતી મુજબ મીનાબેન પાઠક નામની મહિલાનો હત્યા કરાયેલી હાલતમાં મૃતદેહ મળી આવ્યો હતો. પોલીસે ઝીણવટભરી તપાસ કરતાં મૃતક મીનાબેનની હત્યા તેમની જ પુત્રવધૂ અને તેમની વેવાણે કરી હોવાનું સામે આવ્યું હતુ. બંનેએ બોથડ પદાર્થ અને કટ કરવાના કટર વડે ગળું કાપીને હત્યા કરી હતી.

પત્ની શ્વેતા અને સાસુ સોનલે વૈભવ પર મરચાની ભૂકી છાંટી

ઘટનાની વિગતવાર વાત કરીએ તો મૃતક મીનાબેન પાઠકનો પુત્ર વૈભવ સાંજે નોકરીથી ઘરે પહોંચ્યો તો ઘરમાં તેની માતાનો લોહીલુહાણ હાલતમાં મૃતદેહ મળી આવ્યો. અચાનક જ તેની પત્ની શ્વેતા અને સાસુ સોનલે વૈભવ પર મરચાની ભૂકી છાંટી હતી. જેથી વૈભવ દોડીને ઘર બહાર નીકળી ગયો હતો.

માતા સાથે મળી સાસુની કટર વડે નિર્મમ હત્યા કરી

સમગ્ર ઘટનાને પગલે તાત્કાલિક પોલીસ દોડી આવી હતી અને મૃતદેહનો કબજો મેળવી તપાસનો ધમધમાટ શરૂ કર્યો હતો. તપાસ દરમિયાન ચોંકાવનારી વિગત ખૂલી હતી. શ્વેતાને તેની સાસુ મીનાબેન સાથે અવારનવાર ઘરકંકાસ થતો રહેતો હતો. જેથી શ્વેતાએ જ હત્યાનો પ્લાન ઘડ્યો હતો, અને ત્યાર બાદ માતા સાથે મળી સાસુની કટર વડે નિર્મમ હત્યા કરી હતી.પોલીસે પ્રી પ્લાન મર્ડર મિસ્ટ્રીનો ભેદ ઉકેલ્યો હતો અને પુત્રવધૂ અને સાસુની અટકાયત કરી હતી.

આ પણ વાંચો---- VADODARA : પોલીસને ટેમ્પામાંથી દારૂ મળ્યો, ચાલક નહીં

આ પણ વાંચો----- Ahmedabad: મેદાનમાં ધસી જનારા ધોનીના ભાવનગરના ચાહક સામે ગુનો નોંધાયો