રખડતા ઢોરનો ત્રાસ આજે પણ યથાવત, અડફેટે લેતા એક શખ્સનું મોત

રાજ્યમાં રખડતા ઢોરનો ત્રાસ આજે પણ યથાવત છે. આ રખડતા ઢોરના કારણે રોજ કોઇને કોઇ જગ્યાએ ઘટનાઓ બને છે અને તેનો ભોગ કોઇને કોઇ રીતે સામાન્ય જનતાને બનવું પડી રહ્યું છે. આવી ઘટનામાં ક્યારેક લોકો ઈજાગ્રસ્ત થાય છે તો ક્યારેક આ ઘટનામાં મોત પણ થયું હોવાના સમાચાર સામે આવ્યા છે. ગુજરતા હાઇકોર્ટની ટકોર બાદ પણ રખડતા ઢોરનો ત્રાસ યથાવત જોવા મળી રહ્યો છે. તાજેતરમાં રાજકોટમાં રખડતા ઢોરના કારણે એક મોટી ઘટના બની છે. 

રાજકોટના યુનિવર્સિટી રોડ પર આવેલા ત્રિલોક પાર્કમાં રહેતા અને બેડી યાર્ડમાં કમિશ્નર એજન્ટ રસિકભાઈ ઠકરાર ગત 8 તારીખે વહેલી સવારે દૂધ લેવા નિકળ્યા હતા, ત્યારે ગાયે રસિકભાઈને અડફેટે લીધી હતી, ત્યારે સ્થાનિક લોકોએ બહુ બચાવવાનો પ્રયાસ કર્યો બાદમાં ટ્રેકટર આડું નાખ્યું ત્યારે ગાય ભાગી હતી. જોકે, બાદમાં રસિકભાઈને સારવાર માટે હોસ્પિટલે ખસેડવામાં આવ્યા હતા. જોકે, અહીં રસિકભાઈને સારવાર મળે તે પહેલાં જ તેમનું મોત નીપજ્યું હતું. રસિકભાઈના મોત થતા જ પરિવારમાં ગમગીની ફેંલાઈ છે.

રસિકભાઈના મોત બાદ યુનિવર્સિટી પોલીસના જમાદાર અલ્પેશભાઈ તપાસ હાથ ધરી અને રસિકભાઈના પુત્ર વૈભવ ઠકરાર દ્વારા ઢોર માલિક સામે ફરિયાદ નોંધાવી ઢોરના અજાણ્યા માલિક સામે ફરિયાદ નોંધાવી છે. જોકે, ફરિયાદ નોંધાવતા પોલીસ દ્વારા ઢોર મલિકને શોધવા પ્રયાસો શરૂ કર્યા છે.