Budget 2025: નવા વર્ષમાં ખિસ્સાને રાહત આપશે આ બે મોટા સમાચાર, બજેટ પહેલા મળ્યા સંકેત
- નિર્મલા સીતારમણ ફેબ્રુઆરી 2025માં દેશનું બજેટ રજૂ કરશે
- મોટાભાગની જગ્યાએ પેટ્રોલ 100 રૂપિયા પ્રતિ લીટરને પાર કરી ગયું
- CIIએ એક્સાઈઝ ડ્યૂટી ઘટાડવાનું સૂચન કર્યું
- પેટ્રોલ અને ડીઝલના ભાવમાં ઘટાડો થવાની આશા
Budget 2025: આવતા વર્ષે 1 ફેબ્રુઆરીએ નાણામંત્રી નિર્મલા સીતારમણ સામાન્ય બજેટ રજૂ કરશે. બજેટમાં તેઓ કેટલીક એવી જાહેરાતો પણ કરી શકે છે જે સામાન્ય માણસને રાહત આપશે. આમાંથી એક રાહત એ પણ છે જેની અપેક્ષા જનતા લાંબા સમયથી રાખી રહી છે.
નિર્મલા સીતારમણ ફેબ્રુઆરી 2025માં દેશનું બજેટ રજૂ કરશે
આવતા વર્ષે બે મોટા સમાચાર આવી શકે છે જે તમારા ખિસ્સાને થોડી રાહત આપશે. એવું માનવામાં આવે છે કે, જ્યારે નાણામંત્રી નિર્મલા સીતારમણ ફેબ્રુઆરી 2025માં દેશનું બજેટ રજૂ કરશે ત્યારે તેઓ કેટલીક એવી જાહેરાતો કરી શકે છે જેનાથી દેશના લોકોને રાહત મળશે. જેમાં પેટ્રોલ અને ડીઝલના ભાવમાં ઘટાડો પણ સામેલ છે.
કિંમતો પહેલેથી જ આસમાને છે
હાલમાં પેટ્રોલ અને ડીઝલના ભાવ આસમાને છે. મોટાભાગની જગ્યાએ પેટ્રોલ 100 રૂપિયા પ્રતિ લીટરને પાર કરી ગયું છે. આવી સ્થિતિમાં જો સામાન્ય માણસને રાહત મળે છે તો તે તેના માટે નવા વર્ષની સૌથી મોટી ભેટ હશે. મીડિયા રિપોર્ટ્સ અનુસાર, કન્ફેડરેશન ઓફ ઈન્ડિયન ઈન્ડસ્ટ્રી (CII)એ નાણાકીય વર્ષ 2025-26ના સામાન્ય બજેટ માટે પોતાના સૂચનોમાં પેટ્રોલ અને ડીઝલ પર એક્સાઈઝ ડ્યૂટી ઘટાડવાનું સૂચન કર્યું છે.
આ પણ વાંચો : ચંદ્રાબાબુ નાયડુ સૌથી અમીર CM, મમતા બેનર્જી પાસે સૌથી ઓછી સંપત્તિ, જાણો દેશના મુખ્યમંત્રીઓ પાસે કેટલી છે સંપત્તિ
કાચા તેલમાં નરમાઈનો કોઈ ફાયદો નથી
CIIએ કહ્યું છે કે, વપરાશ વધારવા માટે આ છૂટછાટ આપવી જોઈએ, કારણ કે ઈંધણના ભાવ મોંઘવારીને નોંધપાત્ર રીતે વધારે છે. આવી સ્થિતિમાં જો સરકાર એક્સાઈઝ ડ્યુટી ઘટાડવાનો નિર્ણય લેશે તો પેટ્રોલ અને ડીઝલના ભાવમાં પણ ઘટાડો થશે. ઇન્ડસ્ટ્રી બોડીનું કહેવું છે કે, સેન્ટ્રલ એક્સાઇઝ ડ્યુટી પેટ્રોલની કિંમતના લગભગ 21% અને ડીઝલ માટે 18% છે. મે, 2022 થી, ક્રૂડ ઓઇલના ભાવમાં આશરે 40% ઘટાડા સાથે આ શુલ્કને સમાયોજિત કરવામાં આવ્યા નથી.
પેટ્રોલ અને ડીઝલના ભાવમાં ઘટાડો થવાની આશા
કન્ફેડરેશન ઓફ ઈન્ડિયન ઈન્ડસ્ટ્રીનું કહેવું છે કે, એક્સાઈઝ ડ્યુટી ઘટાડવાથી મોંઘવારી ઘટાડવામાં અને ખર્ચપાત્ર આવક વધારવામાં મદદ મળશે. તમને જણાવી દઈએ કે, લોકો લાંબા સમયથી પેટ્રોલ અને ડીઝલના ભાવમાં ઘટાડો થવાની આશા રાખી રહ્યા છે.
અહીં પણ રાહતની આશા
બીજી રાહત આવકવેરાના મોરચે મળી શકે છે. તાજેતરમાં એવા સમાચાર આવ્યા હતા કે, સરકાર 15 લાખ રૂપિયા સુધીની કમાણી કરનારાઓને આવકવેરામાં છૂટ આપવાનું વિચારી રહી છે. જો કે, હજુ એ સ્પષ્ટ નથી થયું કે આવકવેરામાં કેટલી છૂટ આપવામાં આવશે. તેનો નિર્ણય બજેટ પહેલા લેવામાં આવી શકે છે. વાસ્તવમાં, અર્થશાસ્ત્રીઓએ પીએમ મોદીને આવકવેરાના દરમાં ઘટાડો કરીને સામાન્ય લોકો પર ટેક્સનો બોજ ઘટાડવાનું સૂચન કર્યું છે. માનવામાં આવી રહ્યું છે કે, સામાન્ય બજેટમાં આ અંગેની જાહેરાત કરવામાં આવી શકે છે.
આ પણ વાંચો : Indian Navy : ભારતીય નૌકાદળ માટે મજબૂત કવચ, બે યુદ્ધ જહાજ અને સબમરીનનો સમાવેશ
