Mahakumbhમાં આગ લાગવાનો સિલસીલો યથાવત..., ઘણા તંબુ બળીને ખાખ
- મહાકુંભના સેક્ટર 19 માં સ્થિત તંબુઓમાં લાગી
- આ આગએ ઘણા ટેન્ટોને લપેટમાં લીધા
- આ ઘટનામાં કોઈ જાનહાનિના સમાચાર નથી
Fire in Mahakumbh : આ આગ મહાકુંભના સેક્ટર 19 માં સ્થિત તંબુઓમાં લાગી હતી, જ્યાં કલ્પવાસીઓ રહેતા હતા. તેમના ગયા ત્યારથી આ તંબુઓ ખાલી પડ્યા હતા. આમાંના એક ટેન્ટમાં આગ ફાટી નીકળી હતી અને આ આગે ધીમે ધીમે બીજા ઘણા ટેન્ટને લપેટમાં લઈ લીધા હતા. વીકેન્ડ હોવાથી આજે પણ લાખો ભક્તો મહાકુંભમાં સ્નાન કરવા ઉમટી પડ્યા છે.
પ્રયાગરાજમાં ચાલી રહેલા મહાકુંભમાં ફરી એકવાર આગ ફાટી નીકળી છે. મહાકુંભના સેક્ટર 19માં કલ્પવાસીઓ દ્વારા ખાલી કરાયેલા તંબુઓમાં આ આગ લાગી હતી. આગએ ઘણા ટેન્ટોને લપેટમાં લીધા છે. રાહતની વાત એ છે કે આ ઘટનામાં કોઈ જાનહાનિના સમાચાર નથી. મહાકુંભમાં હજુ પણ ભીડ જોવા મળી રહી છે.
મહાકુંભને "નો વ્હીકલ ઝોન" જાહેર કરવામાં આવ્યો
વીકેન્ડ દરમિયાન લાખો લોકો મહાકુંભમાં પહોંચ્યા હતા. સવારથી જ મોટી સંખ્યામાં ભક્તો ગંગામાં સ્નાન કરી રહ્યા છે. વીકએન્ડ દરમિયાન ભીડને જોતા મહાકુંભને "નો વ્હીકલ ઝોન" જાહેર કરવામાં આવ્યો છે. પ્રયાગરાજની તમામ સરહદો પર બહારથી આવતા વાહનોને રોકી દેવામાં આવ્યા છે.
ડીઆઈજીએ કહ્યું- આગ સંપૂર્ણ રીતે કાબૂમાં છે
પ્રયાગરાજ મેળા વિસ્તારમાં આગની ઘટના પર ડીઆઈજી મહાકુંભ વૈભવ કૃષ્ણાએ કહ્યું કે આગ સંપૂર્ણ રીતે કાબૂમાં છે. સેક્ટર 19માં કલ્પવાસીઓ દ્વારા ખાલી કરાયેલા કેટલાક જૂના ટેન્ટમાં આગ લાગી છે. આગમાં કોઈ જાનહાનિ કે ઈજા થઈ નથી.
VIDEO | Maha Kumbh 2025: Prayagraj ADG Bhanu Bhaskar says, "After receiving the information about the fire incident, fire services and other emergency services arrived at the spot within five minutes. There is officially no loss of life, but the investigation is underway. Fire is… pic.twitter.com/0bM96cdWnS
— Press Trust of India (@PTI_News) February 15, 2025
આ પણ વાંચો : ગાંધી અને નેહરુ પરના પુસ્તકો વેચવાની મંજૂરી આપવામાં આવશે નહીં', જાણો કેવી રીતે રદ્દ થયો પૌડી ગઢવાલનો પુસ્તક મેળો
એક મહિનામાં આગની ચોથી ઘટના
મહાકુંભમાં આગ લાગવાની આ પહેલી ઘટના નથી. મેળા વિસ્તારમાં છેલ્લા 28 દિવસમાં આગની આ ચોથી ઘટના છે. મેળા વિસ્તારમાં આગની પ્રથમ ઘટના 19 જાન્યુઆરીએ બની હતી જ્યારે સેક્ટર 19માં ગીતા પ્રેસના કેમ્પમાં ઘણા ટેન્ટ બળીને રાખ થઈ ગયા હતા. આ પછી 30 જાન્યુઆરીએ સેક્ટર 22માં આગ લાગી હતી જેમાં એક ડઝનથી વધુ ટેન્ટ બળીને ખાખ થઈ ગયા હતા. 7 ફેબ્રુઆરીએ સેક્ટર-18માં આગ લાગી હતી જેમાં અનેક પંડાલ બળીને ખાખ થઈ ગયા હતા.
કલ્પવાસી ધીમે ધીમે પાછા ફરી રહ્યા છે, તંબુઓ ખાલી થઇ રહ્યા છે
વાસ્તવમાં, કલ્પવાસ પૂર્ણ થયા પછી, મોટાભાગના સંતો મેળા વિસ્તારમાંથી પાછા ફર્યા છે. તેમના ગયા પછી, તે લોકો જ્યાં રહેતા હતા તે તંબુ ખાલી પડ્યા છે. લોકોના ટોળા ત્યાં ચોક્કસ પહોંચી રહ્યા છે, પરંતુ તેઓ સ્નાન કરીને પાછા ફરી રહ્યા છે. આ કારણે, પહેલાની સરખામણીમાં ભીડ ઘણી ઓછી થઈ ગઈ છે. ભીડને કારણે, વહીવટીતંત્ર હજુ પણ સતર્ક છે. આગ જેવી ઘટનાઓને કાબુમાં લેવા માટે અનેક ફાયર એન્જિન તૈનાત કરવામાં આવ્યા છે.
આ પણ વાંચો : ગુટખા ખાવા ડ્રાઇવરે સ્ટિયરિંગ છોડ્યું, મહાકુંભમાં જઈ રહેલી બસ 25 મુસાફરોને લઈને પલટી
