Hyderabad : RTC બસમાં લોકો સાથે મુસાફરી કરતાં જોવા મળ્યા રાહુલ ગાંધી, જુઓ Video
Hyderabad : લોકસભા ચૂંટણી ( Lok Sabha Elections)પ્રચાર દરમિયાન કોંગ્રેસ નેતા રાહુલ ગાંધી(Rahul Gandhi)એ ગુરુવારે રાત્રે તેલંગાણાના ગ્રેટર હૈદરાબાદ(Hyderabad)માં એક જનસભાને સંબોધી હતી. ત્યારપછી રાહુલ ગાંધીએ રાજ્યની રોડવેઝ બસમાં મુસાફરી કરી સૌને ચોંકાવી દીધા હતા. મુસાફરોથી ભરેલી બસમાં મુસાફરી કરી તેમણે લોકો સાથે વાતચીત કરી હતી. બસમાં સવાર મુસાફરો પણ રાહુલ ગાંધીને તેમની વચ્ચે જોઈને આશ્ચર્યચકિત થઈ ગયા હતા.
મુખ્યમંત્રી રેવંત રેડ્ડી પણ જોડાયા હતા
બસમાં રાહુલની સાથે રાજ્યના મુખ્યમંત્રી એ.રેવંત રેડ્ડી (Revanth Reddy)પણ હાજર હતા. મલ્કાજગીરી લોકસભા મતવિસ્તારના સરૂરનગરમાં જાહેર સભાને સંબોધિત કર્યા પછી રાહુલ તેલંગાણા સ્ટેટ રોડ ટ્રાન્સપોર્ટ કોર્પોરેશન (TSRTC)ની બસમાં સવાર થયા. આ દરમિયાન રાહુલ ગાંધીએ મુસાફરોમાં 'પંચ ન્યાય' બ્રોશરનું વિતરણ કર્યું હતું અને રાજ્યમાં કોંગ્રેસ સરકાર દ્વારા મફત બસ મુસાફરી યોજનાના અમલીકરણ અંગે લોકો પાસેથી માહિતી લીધી હતી.
#WATCH | Hyderabad, Telangana: Congress leader and party Lok Sabha candidate from Wayanad and Raebareli seat Rahul Gandhi and CM Revanth Reddy traveled in an RTC bus after the Jana Jathara Sabha. (09.05)
Polling on all 17 Lok Sabha seats of Telangana to take place on May 13. pic.twitter.com/eIrnaMNPjh
— ANI (@ANI) May 10, 2024
કોંગ્રેસના વચનો અંગે મુસાફરોને માહિતી આપવામાં આવી
મુસાફરો સાથે વાતચીત કરતી વખતે, રાહુલ ગાંધીએ કોંગ્રેસ દ્વારા તેમના રાષ્ટ્રીય ચૂંટણી ઢંઢેરામાં મહિલાઓ, યુવાનો, ખેડૂતો અને કામદારો જેવા વિવિધ વર્ગો માટે આપેલા વચનોથી વાકેફ કરાવ્યા હતા. રાહુલ ગાંધીને તેમની સાથે મુસાફરી કરતા જોઈને મુસાફરો આશ્ચર્યચકિત થઈ ગયા હતા અને ઘણાએ તેમની સાથે સેલ્ફી લીધી હતી.
આ પણ વાંચો - દિલ્હી CM ARVIND KEJRIWAL ને મળશે રાહત! આજે SC માં સુનાવણી
આ પણ વાંચો - Chardham Yatra : ચારધામ યાત્રાનો પ્રારંભ, મુખ્યમંત્રીએ શ્રદ્ધાળુઓને શુભેચ્છા પાઠવી
આ પણ વાંચો - MP News : ‘બે પત્નીવાળાને રૂ. 2 લાખ મળશે…’! કોંગ્રસ નેતાના વિચિત્ર દાવાથી રાજકારણ ગરમાયું, BJP નો પ્રહાર