Delhi New CM : રેખા ગુપ્તા બન્યાં દિલ્હીના નવા મુખ્યમંત્રી, ભાજપે વધુ એક વાર ચોંકાવ્યાં

• આખરે દિલ્હી સીએમનું સસ્પેન્સ ખુલી ગયું
• રેખા ગુપ્તાના બન્યા  દિલ્હીના મુખ્ય મંત્રી
• ભાજપ ધારાસભ્ય દળની બેઠક યોજાઈ હતી

Chief Minister of Delhi: આખરે દિલ્હી સીએમનું સસ્પેન્સ ખુલી ગયું છે. ચૂંટણી પરિણામ જાહેર થયાંના 11 દિવસ બાદ ભાજપે દિલ્હીના સીએમ તરીકે સંઘ નજીકના અને દિલ્હી ભાજપના ઉપાધ્યક્ષ તથા વૈશ્ય સમાજના નેતા રેખા ગુપ્તાની (Chief Minister of Delhi)પસંદગી કરી છે. સાંજે ભાજપ ધારાસભ્ય દળની બેઠક યોજાઈ હતી જેમાં નેતા તરીકે રેખા ગુપ્તાના નામના પ્રસ્તાવને સર્વસંમતિથી વધાવી લેવાયો હતો.

ભાજપ નેતા રેખા ગુપ્તા કોણ છે?

રેખા ગુપ્તા દિલ્હીના ચોથા મહિલા મુખ્યમંત્રી બનશે. હાલમાં, તે દેશના બીજા મહિલા મુખ્યમંત્રી બની રહ્યા છે. તેઓ શાલીમાર બાગના ધારાસભ્ય છે. તેમણે AAP નેતા બંદના કુમારીને 29,595 મતોથી હરાવ્યા છે. રેખા ગુપ્તાને 68,200 મત મળ્યા. જ્યારે AAP નેતા બંદના કુમારીને 38,605 મત મળ્યા. કોંગ્રેસના પ્રવીણ જૈનને માત્ર 4,892 મત મળ્યા.

આ પણ  વાંચો -MUDA સ્કેમમાં કર્ણાટકના CM સિદ્ધારમૈયાને ક્લિન ચીટ, લોકાયુક્તે આપી મોટી રાહત

ભાજપ મહિલા મોરચાના રાષ્ટ્રીય ઉપાધ્યક્ષ

રેખા ગુપ્તા ભાજપ મહિલા મોરચાના રાષ્ટ્રીય ઉપાધ્યક્ષ છે અને હરિયાણાના જીંદના વતની છે. તે દિલ્હી યુનિવર્સિટી વિદ્યાર્થી સંઘના સચિવ અને પ્રમુખ હતા. આ સાથે, તે 2007 અને 2012 માં ઉત્તર પિતામપુરાથી કાઉન્સિલર તરીકે ચૂંટાઈ આવી હતી. છેલ્લી બે વિધાનસભા ચૂંટણીમાં તેમને હારનો સામનો કરવો પડ્યો હતો.

આ પણ  વાંચો -MP: બાલાઘાટમાં પોલીસ અને નક્સલવાદીઓ વચ્ચે અથડામણ, 4 મહિલાઓ ઠાર

શપથ ગ્રહણનો આખો કાર્યક્રમ જાહેર

નવા સીએમના શપથ ગ્રહણ આવતીકાલે યોજાશે. શપથ ગ્રહણ સમારોહના મિનિટ-ટુ-મિનિટ કાર્યક્રમ પણ જાહેર કરાયો છે જે અનુસાર, બધા મહેમાનો 12 વાગ્યા સુધીમાં પહોંચી જશે. આ પછી, જે વ્યક્તિને ધારાસભ્ય પક્ષની બેઠકમાં નેતા તરીકે ચૂંટવામાં આવ્યો છે તે બપોરે 12:10 વાગ્યે પહોંચશે. તેમની સાથે, જેમને મંત્રી બનાવવાના છે તેઓ પણ ત્યાં પહોંચશે. આનાથી સ્પષ્ટ થાય છે કે સમગ્ર મંત્રી પરિષદ શપથ લેશે. એટલે કે માત્ર મુખ્યમંત્રી જ નહીં પરંતુ સમગ્ર મંત્રીમંડળ શપથ લેશે. LG 12:15 વાગ્યે રામલીલા મેદાન પહોંચશે. તેમના પછી, ગૃહમંત્રી અમિત શાહ અને અન્ય કેન્દ્રીય મંત્રીઓ 12:20 વાગ્યે પહોંચશે. પ્રધાનમંત્રી નરેન્દ્ર મોદી બપોરે 12:25 વાગ્યે શપથ ગ્રહણ સમારોહમાં પહોંચશે. બપોરે 12.35 વાગ્યે, દિલ્હીના લેફ્ટનન્ટ ગવર્નર વિનય સક્સેના મુખ્યમંત્રી અને મંત્રીઓને શપથ લેવડાવવાનું શરૂ કરશે. શપથ ગ્રહણ સમારોહ બપોરે 1 વાગ્યે સમાપ્ત થશે.