અજીત પવારે કહ્યું ભલે 16 MLA ગેરલાયક ઠરે, શિંદે સરકાર નહીં પડે

શિંદે સરકાર પર અજિત પવારનો દાવો

સુપ્રીમ કોર્ટના નિર્ણય બાદ મહારાષ્ટ્રમાં રાજકીય હલચલ વધી ગઈ છે. શિવસેના શિંદે જૂથના 16 ધારાસભ્યો પર સસ્પેન્શનની તલવાર લટકી છે, જેના પર સ્પીકરે નિર્ણય લેવાનો છે. દરમિયાન, રાષ્ટ્રવાદી કોંગ્રેસ પાર્ટી (એનસીપી)ના નેતા અજિત પવારે આવી વાત કહી છે જે શિંદે ફડણવીસ સરકાર માટે રાહત છે અને ઉદ્ધવ ઠાકરે માટે તણાવમાં વધારો કરશે. અજીત પવારે કહ્યું છે કે શિંદે સરકારને કોઈ ખતરો નથી. શિવસેનામાં બળવા મામલે સુનાવણી દરમિયાન સુપ્રીમ કોર્ટે ધારાસભ્યોને અયોગ્ય ઠેરવવાનો નિર્ણય સ્પીકર પર છોડી દીધો હતો. હવે ઉદ્ધવ ઠાકરેના એક પ્રતિનિધિમંડળે મહારાષ્ટ્રના ડેપ્યુટી સ્પીકરને 79 પાનાનો પત્ર સુપરત કર્યો છે જેમાં શિંદે કેમ્પના 16 ધારાસભ્યોને ગેરલાયક ઠેરવવાના કેસમાં ઝડપી કાર્યવાહીની માંગણી કરવામાં આવી છે.

સરકાર પાસે પૂરતા ધારાસભ્યો-અજીત પવાર

અજિત પવારે કહ્યું કે 16 ધારાસભ્યોને અયોગ્ય ઠેરવવામાં આવે તો પણ શિંદે અને ફડણવીસની સરકાર પડવાની નથી. સરકારને કોઈ ખતરો નથી. તેમણે કહ્યું કે જો 16 ધારાસભ્યો તેમની સદસ્યતા ગુમાવે તો પણ સરકાર 288 સભ્યોની વિધાનસભામાં બહુમતી ગુમાવવાની નથી. સુપ્રીમ કોર્ટના આદેશ બાદ, શિવસેના યુબીટીએ મહારાષ્ટ્રના ડેપ્યુટી સ્પીકર નરહરિ જીરવાલ અને વિધાનસભા સચિવ જિતેન્દ્ર ભોલેને એક પત્ર સુપરત કરીને શિંદે કેમ્પના 16 ધારાસભ્યોને ગેરલાયક ઠેરવવાની માંગ કરી હતી. શિવસેના યુબીટી વ્હીપ સુનીલ પ્રભુએ કહ્યું કે યુબીટી સેનાએ સુપ્રીમ કોર્ટના આદેશ પર સ્પીકરને પત્ર સુપ્રત કર્યો છે કે શિંદે કેમ્પના 16 ધારાસભ્યોને ગેરલાયક ઠેરવવા અંગેનો નિર્ણય સ્પીકર લઈ શકે છે. તેમણે કહ્યું, "સ્પીકર હજુ સુધી વિદેશ પ્રવાસથી પાછા નથી આવ્યા, તેથી અમે આ પત્ર ડેપ્યુટી સ્પીકરને સોંપ્યો છે."

હવે સરકાર પાસે કેટલા ધારાસભ્યો છે?

હાલમાં સત્તાધારી શિવસેના (શિંદે જૂથ) અને ભાજપ પાસે કુલ 145 ધારાસભ્યો છે. જ્યારે અન્ય ધારાસભ્યોને ઉમેરવામાં આવે તો આ સંખ્યા 162 પર પહોંચે છે. 288 સભ્યોની વિધાનસભામાં આ સંખ્યા બહુમત માટે જરૂરી સંખ્યા કરતા 17 વધુ છે.