Deesa Blast : આરોપી પિતા-પુત્રને કોર્ટમાં રજૂ કરાયા, 3 કલાક દલીલો થઈ, આખરે રિમાન્ડ મંજૂર
- ડીસાની ફટાકડા ફેક્ટરીમાં બ્લાસ્ટ મામલે મોટા સમાચાર (Deesa Blast)
- આરોપી પિતા-પુત્રને આજે કોર્ટમાં રજૂ કરાયા હતા
- સતત 3 કલાકની દલીલો બાદ કોર્ટે 8 દિવસનાં રિમાન્ડ મંજૂર કર્યા
- તપાસ અધિકારીએ તપાસ અર્થે 10 દિવસનાં રિમાન્ડની માગ કરી હતી
બનાસકાંઠા જિલ્લાના ડીસા તાલુકામાં આવેલી ફટાકડાની ફેક્ટરીમાં વિસ્ફોટકાંડ (Deesa Blast) મામલે મોટા સમાચાર આવ્યા છે. આ ઘટનામાં મુખ્ય આરોપી પિતા-પુત્રને આજે કોર્ટમાં રજૂ કરાયા હતા. સતત 3 કલાક સુધી થયેલી દલીલો બાદ કોર્ટે આરોપીઓનાં 8 દિવસનાં રિમાન્ડ મંજૂર કર્યા છે. જ્યારે, તપાસ અધિકારીએ તપાસ અર્થે આરોપીઓનાં 10 દિવસનાં રિમાન્ડ માગ્યા હતા.
આ પણ વાંચો - Ahmedabad : લોહીનો નહીં 'માનવતા' નો સંબંધ, ભિક્ષાવૃત્તિ કરતા 8 વર્ષીય વિશાલે 'ઇયાના' ને આ રીતે બચાવી, જાણી કરશો સલામ!
કોર્ટે આરોપીઓનાં 8 દિવસનાં રિમાન્ડ મંજૂર કર્યા
બનાસકાંઠા જિલ્લાનાં (Banaskantha) ડિસા GIDC માં આવેલી ફટાકડાની ફેક્ટરીમાં ભયંકર વિસ્ફોટ (Deesa Blast) થતાં 21 લોકોનાં મોત નિપજ્યાં હતા. આ મામલે, ફેક્ટરીનાં માલિક દીપક મોહનાની (Deepak Mohanani Case) અને તેમનાં પિતાને આજે કોર્ટમાં રજૂ કરવામાં આવ્યા હતા. સરકારી વકીલ અને આરોપીના વકીલ દ્વારા કોર્ટમાં સતત 3 કલાક સુધી દલીલો કરાઈ હતી. તમામ દલીલો સાંભળ્યા બાદ કોર્ટે આરોપીની વધુ પૂછપરછ અર્થે 8 દિવસનાં રિમાન્ડ મંજૂર કર્યા છે. માહિતી અનુસાર, તપાસ અધિકારી દ્વારા કોર્ટમાં 10 દિવસનાં રિમાન્ડની માગ કરાઈ હતી.
આ પણ વાંચો - Gandhinagar : મહેસૂલી વિભાગના 157 ના. મામલતદારની બદલી, પોલીસ વિભાગના 261 ASI ને અપાઈ બઢતી , જુઓ સંપૂર્ણ યાદી
તપાસ માટે સરકાર દ્વારા SIT ટીમની રચના કરાઈ
જણાવી દઈએ કે, આ કેસની તપાસ માટે સરકાર દ્વારા SIT ટીમની રચના પણ કરાઈ છે. આ SIT ટીમ દ્વારા સંપૂર્ણ તપાસ કરી 15 દિવસમાં સરકારને રિપોર્ટ સોંપશે. ઉપરાંત, આ ગોઝારી ઘટના મુદ્દે રાજ્ય સરકાર દ્વારા સિનિયર અધિકારીની આગેવાનીમાં ઉચ્ચ સ્તરીય કમિટી પણ બનાવશે. આ કમિટીમાં FSL નાં અધિકારીને પણ સામેલ કરાશે. કમિટી ઘટનાની સંપૂર્ણ તપાસ કરીને સરકારને રિપોર્ટ આપશે.
આ પણ વાંચો - Banaskantha : ડીસા ફટાકડાની ફેક્ટરીમાં બ્લાસ્ટ મામલો નવો ખુલાસો, આરોપીની 2017 માં રાજકીય પક્ષે કરી હતી હકાલપટ્ટી