SIT : મોડલ દિવ્યા પાહુજા હત્યા કેસમાં SITની રચના, હવે આ અધિકારીઓ કરશે તપાસ

ગુરુગ્રામ મોડલ દિવ્યા પાહુજા હત્યા કેસમાં SIT ની રચના કરવામાં આવી છે. SIT માં DCP ક્રાઈમ, ઈન્સ્પેક્ટર અનિલ, સેક્ટર-17 ક્રાઈમ બ્રાન્ચના ઈન્ચાર્જ અને પોલીસ સ્ટેશન ઈન્ચાર્જનો સમાવેશ થાય છે. 27 વર્ષીય દિવ્યાને 2 જાન્યુઆરીએ હોટેલ સિટી પોઈન્ટ ખાતે હોટલના માલિક અભિજીત સિંહે ગોળી મારી હતી. 3 દિવસ પછી પણ ક્રાઈમ બ્રાન્ચ દિવ્યા પાહુજાનો મૃતદેહ મેળવી શકી નથી. હવે SIT હત્યા કેસ સાથે જોડાયેલા રહસ્યો ખોલવા માટે તપાસ કરશે.

દિવ્યાના પરિવારજનોએ 2 જાન્યુઆરીએ કરી હતી ફરિયાદ

ગુરુગ્રામ પોલીસના જણાવ્યા અનુસાર, દિવ્યાના પરિવારજનોએ 2 જાન્યુઆરીએ તેના ગુમ થયાની ફરિયાદ નોંધાવી હતી. પરિવારના સભ્યોએ જણાવ્યું કે તે 1 જાન્યુઆરીએ તેના વર્તમાન બોયફ્રેન્ડ અને હોટેલિયર અભિજીત સાથે બહાર ગઈ હતી. આ પછી, તેણે પહેલી અને બીજી જાન્યુઆરીએ એક કે બે વાર તેના પરિવાર સાથે વાત કરી. પરંતુ 2 જાન્યુઆરીની રાત સુધીમાં તેનો ફોન સંપર્ક વિહોણા બની ગયો હતો.

પરિવારજનોની ફરિયાદ પર તપાસ શરૂ કરી

જ્યારે પોલીસે પરિવારજનોની ફરિયાદ પર તપાસ શરૂ કરી તો હોટલના CCTV સ્કેન કરવામાં આવ્યા હતા, જેમાં હોટલના બે કર્મચારીઓ મૃતદેહ લઈને જતા જોવા મળ્યા હતા. આ પછી પોલીસે મુખ્ય આરોપી અભિજીતની ધરપકડ કરી તેની પૂછપરછ કરી. આરોપીએ જણાવ્યું કે તેની કેટલીક અશ્લીલ તસવીરો દિવ્યાના મોબાઈલમાં હતી. તે આ ફોટોગ્રાફ્સ વડે આરોપી અભિજીતને બ્લેકમેલ કરતી હતી અને મોટી રકમ પડાવવા માંગતી હતી.

અભિજીત અને દિવ્યા વચ્ચે ઝઘડો થયો હતો

આરોપી અભિજીત દિવ્યા પાહુજા સાથે હોટલમાં આવ્યો હતો જેથી તે તેના અશ્લીલ ફોટા તેના ફોનમાંથી ડીલીટ કરી શકે પરંતુ દિવ્યાએ તેને ફોનનો પાસવર્ડ ન જણાવ્યો. આ મુદ્દે બંને વચ્ચે ઝઘડો થયો હતો અને આરોપીઓએ દિવ્યાને ગોળી મારી દીધી હતી. આ પછી, હોટેલ સ્ટાફની મદદથી, આરોપી તેની BMW કારમાં મૃતદેહ લઈ ગયો. પોલીસે કાર કબજે કરી લીધી છે. જો કે હજુ સુધી લાશ મળી શકી નથી.

આ પણ વાંચો : Gyanvapi Hearing : જ્ઞાનવાપીનો ASI સર્વે રિપોર્ટ સાર્વજનિક થશે કે નહીં, હવે આવતીકાલે આવશે નિર્ણય…

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ