Surat : લોકસભાની ચૂંટણી જીતવા CR પાટીલે પેજ કમિટીના સભ્યોને આપ્યો આ ખાસ મંત્ર!
લોકસભાની ચૂંટણીને (Lok Sabha elections,) લઈ ગુજરાત સહિત દેશભરમાં ભારતીય જનતા પાર્ટી (BJP) દ્વારા જોરશોરથી પ્રચાર પ્રસાર કરવામાં આવી રહ્યો છે. ત્યારે ગુજરાતમાં (Gujarat) પણ BJP ઉમેદવારો જનતાને રીઝાવવા માટે રાતદિવસ મહેનત કરી રહ્યા છે. દરમિયાન, સુરતમાં (Surat) બીજેપી પ્રદેશ અધ્યક્ષ સી.આર. પાટીલે (C.R. Patil) પેજ કમિટીના સભ્યોને ટકોર કરતા કહ્યું કે, 'વિધાનસભામાં જે ભૂલ થઈ હતી તે લોકસભામાં ન થાય. આપણી પાસે આ વખતે ઈતિહાસ સર્જવાની તક છે. મતદાન પૂર્ણ ન થાય ત્યા સુધી શાંતિથી બેસતા નહીં.' આ સાથે તેમણે સોશિયલ મીડિયા પ્લેટફોર્મ X પર પોસ્ટ કરી ગુજરાતની તમામ 26 લોકસભા બેઠકો જીતવાનો વિશ્વાસ દાખવ્યો છે.
બૂથ પ્રમુખશ્રીઓ ભારતીય જનતા પાર્ટીની તાકાત છે !!
આજે સુરત ખાતે યોજાયેલા બુથ કાર્યકર્તા સંમેલનને સંબોધિત કરી ખૂબ મોટી સંખ્યામાં ઉપસ્થિત રહેલા કાર્યકર્તાશ્રીઓને મળી અનેરી ઉર્જા અનુભવી.
આ લોકસભાની ચૂંટણીમાં ફરી એકવાર ઇતિહાસ રચવા બુથ પ્રમુખશ્રીઓને આહવાન કર્યું. બુથ પ્રમુખશ્રીઓને… pic.twitter.com/aV1HKRTuzf
— C R Paatil (Modi Ka Parivar) (@CRPaatil) April 3, 2024
લોકસભા ચૂંટણીને લઈ ગુજરાતમાં બીજેપીએ પ્રચારનો ઘમઘમાટ શરૂ કર્યો છે. ત્યારે, પ્રદેશ BJP અધ્યક્ષ CR પાટીલે (C.R. Patil) સુરતમાં (Surat) પેજ કમિટીના સભ્યો (page committee members) સાથે બેઠક કરી ખાસ ટકોર કરી હતી. તેમણે કહ્યું કે, આપણી પાસે આ વખતે ઇતિહાસ સર્જવાની તક છે. આથી વિધાનસભામાં જે ભૂલ થઈ હતી તે હવે લોકસભામાં ન થાય. C.R. પાટીલે આગળ કહ્યું કે, વિધાનસભામાં કેટલીક સીટો ઓછા માર્જિનથી હાર્યા હતા. આથી મતદાન પૂર્ણ ન થાય ત્યા સુધી શાંતિથી બેસતા નહીં. તેમણે સૂચન કરતા કહ્યું કે, 5 વાગ્યા સુધી મતદારોને મતદાન મથક સુધી લઈ જજો.
પ્રિય કાર્યકર્તાશ્રીઓ,
હું પ્રમુખ બનીને આવ્યો ત્યારે મેં કહેલું-8માંથી 8 સીટ જીતીશું. આ આંઠે-આઠ સીટ તમે લોકોએ જ જીતીને બતાવી. તાલુકા પંચાયત, જીલ્લા પંચાયત, નગર પાલિકા, મહાનગર પાલિકાનું ઇલેક્શન આવ્યું ત્યારે પણ મેં તો દાવો કરી દીધો કે 90 ટકાથી વધુ સીટ જીતીશું-આપણે 90.5 ટકા સીટ… pic.twitter.com/QxrLhHYIxt
— C R Paatil (Modi Ka Parivar) (@CRPaatil) April 4, 2024
CR પાટીલે સોશિયલ મીડિયા પર કરી આ પોસ્ટ
CR પાટીલે પેજ કમિટીના સભ્યોને કહ્યું કે, જે ભૂલ 26 સીટો પર કાર્યકર્તાઓએ કરી તે હવે ન કરતા. આ વખતે ઈતિહાસ સર્જવાની તક છે. આ સાથે CR પાટીલે સોશિયલ મીડિયા પ્લેટફોર્મ X પર એક ખાસ પોસ્ટ કરી હતી. સાથે જ ગુજરાતની (Gujarat) તમામ 26 લોકસભા બેઠકો 5 લાખના મતોથી જીતવા અંગેનો વિશ્વાસ પણ વ્યક્ત કર્યો હતો. તેમણે પોસ્ટ કરતા લખ્યું કે, પ્રમુખ બનતી વખતે 8 માંથી 8 સીટ જીતી બતાવી. સાથે જ સ્થાનિક સ્વરાજની ચૂંટણીઓમાં પણ ભવ્ય જીત મળી. આ જીત પાછળ પાર્ટીના કાર્યકર્તાઓની સખત મહેનત છે.
આ પણ વાંચો - C R Patil At Navsari: નવસારીમાં કુલ 44 હજાર બાળકીઓને એકસાથે સુકન્યા યોજનાનો મળ્યો લાભ
આ પણ વાંચો - Rupala Controversy : રૂપાલાના વિવાદ વચ્ચે CM ભૂપેન્દ્ર પટેલને ફરી એકવાર દિલ્હી તેડું
આ પણ વાંચો - Banaskantha Parshottam Rupala: વિરોધનો વંટોળ બનાસકાંઠામાં, ભાજપની ગાડી કરાઈ પીછેહઠ