Satta Bazaar : બનાસકાંઠા અને સુરેન્દ્રનગરમાં આ ઉમેદવાર પર રમાયો કરોડોનો સટ્ટો! જાણો કોણ છે હોટ ફેવરિટ
ગુજરાત સહિત દેશભરમાં લોકસભાની ચૂંટણી યોજાઈ રહી છે. ત્યારે બીજી તરફ સટ્ટા બજાર (Satta Bazaar) પણ સક્રિય બન્યું છે. રાજ્યની 25 બેઠકો પર સટ્ટા બજારમાં કરોડો રૂપિયાનો સટ્ટો રમાયો છે. ત્યારે સટ્ટા બજારમાં સુરેન્દ્રનગર અને બનાસકાંઠા લોકસભા બેઠકને લઈ મોટા સમાચાર આવ્યા છે. સૂત્રો મુજબ, બનાસકાંઠા (Banaskantha) અને સુરેન્દ્રનગર (Surendranagar) બેઠક પર હાર-જીતને લઈ કરોડો રૂપિયાનો સટ્ટો રમાયો છે. બનાસકાંઠા બેઠક પર રસાકસીભરી સ્થિતિ સર્જાવાના સંકેત છે. જ્યારે સુરેન્દ્રનગર બેઠક પર કોળી મતદારોનો રહસ્યમય મિજાજ જોવા મળી શકે છે.
બનાસકાંઠામાં BJP ના રેખાબેન ચૌધરી જીત તરફ આગળ!
બનાસકાંઠા (Banaskantha) બેઠકની વાત કરીએ તો સટ્ટા બજારમાં આ બેઠક હોટ ફેવરિટ મનાઈ રહી છે. સૂત્રો મુજબ, બનાસકાંઠામાં ભારે રસાકસી ભરી સ્થિતિ સર્જાવાના સંકેત છે. જો કે, પાતળી સરસાઈથી ભાજપના ઉમેદવાર રેખાબેન ચૌધરી (Rekhaben Chaudhary) ફેવરિટ મનાઈ રહ્યા છે. સટ્ટાબજારમાં રેખાબેન ચૌધરી જીત તરફ આગળ છે. રેખાબેન 25 પૈસા સાથે સટ્ટા બજારમાં ફેવરિટ ઉમેદવાર મનાઈ રહ્યા છે. જ્યારે, કોંગ્રેસ ઉમેદવાર ગેનીબેન ઠાકોરની (Ganiben Thakor) જીતના ચાન્સ ઓછા જણાઈ રહ્યા છે. જો કે, નિર્ણાયક રબારી સમાજના મતોનો સટોડિયાઓમાં ડર છે.
સુરેન્દ્રનગરમાં BJP ના ચંદુ શિહોરા ફેવરિટ
બીજી તરફ સટ્ટા બજારમાં (Satta Bazaar) સુરેન્દ્રનગર (Surendranagar) લોકસભા બેઠક પર પણ હાર-જીતને લઈ કરોડો રૂપિયાનો સટ્ટો રમાયો હોવાની માહિતી છે. ભાજપના ઉમેદવાર ચંદુ શિહોરાની (Chandu Shihora) હાર-જીત પર પણ સટ્ટાબાજી જોવા મળી છે. ચંદુ શિહોર 10 પૈસા સાથે હોટ ફેવરિટ મનાઈ રહ્યા છે. જણવી દઈએ કે, ચંદુ શિહોર વિરુદ્ધ કોંગ્રેસના ઋત્વિક મકવાણા (Ritvik Makwana) ચૂંટણી મેદાને છે. સટ્ટા બજારના મતે સુરેન્દ્રનગરમાં મોટું ઘમાસાણ જોવા મળી શકે છે. સુરેન્દ્રનગરથી તળપદા-ચૂંવાળિયા કોળી ઉમેદવારો વચ્ચે જંગ છે. નિર્ણાયક ક્ષત્રિય સમાજના મતનો સટ્ટોડિયાઓને ડર છે.
આ પણ વાંચો - Satta Bazaar : જામનગર અને આણંદ બેઠક પર આ ઉમેદવાર હોટ ફેવરિટ, કરોડોનો રમાયો સટ્ટો!
આ પણ વાંચો - Bharuch બેઠક પર મામા-ભાણેજ વચ્ચે કાંટાની ટક્કર
આ પણ વાંચો - Amreli : સાંસદ નારણ કાછડીયાએ લગાવ્યો સનસનીખેજ આરોપ