Ind Vs Aus Final : વર્લ્ડ કપ 2023 ફાઇનલ પહેલા નૈના બા જાડેજાનું નિવેદન,જાણો શું કહ્યું ?

ભારત અને ઓસ્ટ્રેલિયા વચ્ચે 19 નવેમ્બરના રોજ અમદાવાદમાં રમાનારી વર્લ્ડ કપ 2023ની પહેલા બધા ઘણા એક્સાઈટેડ જોવા મળી રહ્યા છે. ફેન્સની સાથે સાથે ભારતીય ટીમના ક્રિકેટર્સના પરિવારજનો પણ ભારતીય ટીમને ફરી એકવાર વર્લ્ડ કપ જીતતો જોવા માંગે છે. ત્યારે વર્લ્ડ કપ 2023 ફાઇનલ મેચ પહેલા રાજકોટથી ભારતીય ક્રિકેટર રવિન્દ્ર જાડેજાની બહેન નૈના બા જાડેજાની પ્રતિક્રિયા સામે આવી છે.

રવિન્દ્ર જાડેજાની બહેન નૈના બા જાડેજાએ કહ્યું કે, "જુઓ સેમિફાઈનલ તો આપણે જીતી ગયા છે. અને આવતીકાલે જ ફાઈનલ મેચ છે. ચોક્કસપણે ઓસ્ટ્રેલિયા સારી ટીમ છે, પરંતુ મને લાગે છે કે આ વખતે ભારતીય ટીમનો હાથ ઉપર છે. જ્યારથી વર્લ્ડ કપ શરૂ થયો છે ત્યારથી ભારત એક પણ મેચ હારી નથી."

#WATCH | Rajkot, Gujarat: Ahead of the ICC Men's Cricket World Cup 2023 final match, Indian cricketer Ravindra Jadeja's sister Naina Jadeja says, "...Definitely Australia is a good team, but I think that this time the Indian team has the upper hand. Since the World Cup started,… pic.twitter.com/Kc6EZ6iHcM

— ANI (@ANI) November 18, 2023

તેમણે વધુમાં કહ્યું કે, "ટીમનું કોમ્બિનેશન ખૂબ સરસ છે. મને લાગે છે આવું કોમ્બિનેશન તમે પણ હમણાં સુધી નહીં જોયું હોય. પછી ભલે તે કોઈપણ બેટ્સમેન હોય, કોઈપણ બોલર હોય. ઘણું સારું પ્રદર્શન કરી રહ્યા છે. એકપણ એવી વસ્તુ નથી કે જેને નેગેટિવ લઈ શકાય કે કોઈની ટીકા કરી શકાય. આ વખત ટીમ ઘણા સારા કોમ્બિનેશન સાથે રમી રહી છે."

નૈના બા જાડેજાએ વધુમાં કહ્યું કે, "અને મહત્ત્વનો ફાયદો એ છે કે આપણે અમદાવાદમાં હોમ ગ્રાઉન્ડ પર રમી રહ્યા છે. અહીંયા પણ રમવાનો ઘણો અનુભવ છે. મને લાગે છે જો પીચ સ્લો છે તો સ્પિનર્સને ઘણી મદદ કરશે અને આશા રાખું છું કે આવતીકાલની મેચ સારી રહે અને ભારત વર્લ્ડ કપ જીતી જાય."

આ  પણ  વાંચો -ICC WORLD CUP 2023 : અફસોસ કે વર્લ્ડકપની ફાઇનલમાં કોઇ ભારતીયે….!