બારડોલીમાં ટુ વ્હીલરના શોરૂમ પર છુટાહાથની મારામારી, સમગ્ર ઘટના સીસીટીવીમાં કેદ
બારડોલીમાં ટુ વ્હીલરના શોરૂમ પર છુટાહાથની મારામારીની ઘટના બની હતી. મારામારીની આ સમગ્ર ઘટના ત્યાં લાગેલા સીસીટીવી કેમેરામાં કેદ થઇ જવા પામી છે તો બીજી તરફ આ સમગ્ર મામલો પોલીસ મથકે પહોચ્યો છે.મળતી માહિતી મુજબ બારડોલી-સુરત રોડ પર સીમા સુઝુકી નામના શો રૂમ પર એક યુવકનું મોપેડ રીપેર બરાબર થયું ન હોવાનો આક્ષેપ સાથે શો રૂમના કર્મચારીઓ સાથે બોલાચાલી થઇ હતી અને બોલાચાલી બાદ મામલો ઉગ્ર બની ગયો હતો. અહી છુટાહાથની મારામારી થઇ હતી ગ્રાહકે તેમના મિત્રવર્તુળને શોરૂમ પર બોલાવતા બંને પક્ષ સામસામે આવી ગયા હતા.
શો રૂમ પર બનેલી છુટાહાથની મારામારીની ઘટના ત્યાં લાગેલા સીસીટીવી કેમેરામાં કેદ થઇ જવા પામી છે. જેમાં જોઈ શકાય છે કે બંને પક્ષો સામ સામે મારામારી કરી રહ્યા છે. આ સમગ્ર મામલો પોલીસ મથકે પહોચ્યો હોવાનો અને બંને પક્ષોએ સામસામે પોલીસ ફરિયાદ નોંધાવી હોવાનું જાણવા મળ્યું છે.