કેન્દ્રિય બજેટમાં હીરા ઉદ્યોગ સાથે જોડાયેલી આ જાહેરાતથી, હીરા ઉદ્યોગનો ઉત્સાહ સાતમા આસમાને

કેન્દ્રીય બજેટમાં હીરા ઉદ્યોગને પ્રોત્સાહન આપતી જાહેરાતથી ઉદ્યોગકારોએ સરકારનો આભાર વ્યક્ત કર્યો છે. લેબગ્રોન ડાયમંડ પર ડ્યુટી ઘટાડવામાં આવતાં સુરતના હીરા ઉદ્યોગકારોમાં ઉત્સાહ વ્યાપી ગયો છે. કેન્દ્રીય નાણામંત્રી નિર્મલા સીતારામન દ્વારા આગામી નાણાંકીય વર્ષ ૨૦૨૩-૨૪ના બજેટમાં હીરા ઉદ્યોગ માટે મોટી જાહેરાત કરવામાં આવતાં હીરા ઉદ્યોગકારોનો ઉત્સાહ સાતમા આસમાને પહોંચી ગયો હોવાનું હીરા ઉદ્યોગકારો જણાવી રહ્યા છે. 

હીરા ઉદ્યોગ માટે આર્શિવાદ રૂપ લેબગ્રોન ડાયમંડ પર ડ્યુટી ઘટાડવામાં આવતાં સુરતના હીરા ઉદ્યોગકારોએ આ જાહેરાતને વધાવી લીધી છે.બીજી તરફ સુરતને ડાયમંડ હબ તરીકે દેશને પ્રસ્થાપિત કરવાના ઉદેશ્ય સાથે જ કેન્દ્રીય બજેટમાં આ અંગે વધુ રિસર્ચ માટે  ઈન્ડિયન ઈન્સ્ટીટ્યૂટ ઓફ ટેક્નોલોજીના વિશેષજ્ઞોની નિમણૂંક કરવા અંગેનો પણ નિર્ણય લેવામાં આવ્યો હતો. 

ગઈ કાલે સુરતમાં કેન્દ્રીય બજેટનું વિશ્લેષણ કરવા માટે એકઠા થયેલા ઉદ્યોગકારોએ કેન્દ્રીય બજેટને વધાવી લીધું .તેમણે કહ્યું હતું કે આ બજેટ ઉદ્યો લક્ષી બજેટ છે.ખેડૂતલક્ષી બજેટ છે સામાન્ય માણસ ને રોજી રોટીમાં વધારો કરવાનું બજેટ જાહેર થયું છે.આવનારા દિવસોમાં હીરા ઉદ્યોગ વિશ્વભરમાં સુરતને ઊંચાઈએ લઈ જશે.વેપારને વેગ મળશે, નાનામાં નાના વેપારી ને રોજી રોટી મળી રહેશે.જેના માટે સરકારનો આભાર વ્યક્ત કરીએ છીએ..

જો કે કોરોના મહામારી દરમ્યાન સુરતનું ડાયમંડ ઉદ્યોગ ચિંતામાં મુકાયું હતું,એક્સપોર્ટ કરવાના તમામ રસ્તા બંધ થઈ ગયા હતા તે સમયે કોઈ વિચાયું પણ ન હતું એ રીતેલેબગ્રોન ડાયમંડ આર્શિવાદ રૂપ સાબિત થયો,અને ત્યાર બાદ ફરી થી હીરા ઉદ્યોગે વેગ પક્ડયો હતો જે સિલસિલો હજુ પણ યથાવત છે..હાલ ની વાત કરીએ તો લંબગોન ડાયમંડ ઉદ્યોગ દિવસે ને દિવસે નવી ઊંચાઈ એ પહોંચી રહ્યો છે. ત્યારે કેન્દ્રીય બજેટમાં લેબગ્રોન  ડાયમંડ સંદર્ભે વધુ રિસર્ચ માટે આઈઆઈટી સંસ્થાની નિમણૂક કરવા અંગે જાહેરાત કરવામાં આવી અને છેલ્લા ચાર વર્ષમાં લેબગ્રોન ડાયમંડના વિકાસ પર ધ્યાન આપવાનું નકકી કરાયું . એક તબક્કે ૨૦૧૭- ૧૮માં લેબગ્રોન ડાયમંડનું કુલ એક્સપોર્ટ માત્ર ૧૪૦૪ કરોડ રૂપિયા હતું જે આજે વધીને ૪૧૩૬ કરોડને આંબી ગયું છે. હાલ સુરત શહેરમાં ૨૫૦૦ જેટલા લેબગ્રોન ડાયમંડ નો વેપાર થાય છે.

આ પણ વાંચોઃ 7.5 લાખનો મુદ્દામાલ રીક્ષામાં ભૂલી જનાર યુવક માટે સુરતની મહિધરપુરા પોલીસ બની દેવદૂત, રીક્ષાચાલકની આંખોમાં ખુશીના આંસુ