દક્ષિણ આફ્રિકાની હાર સાથે જ પોઈન્ટ ટેબલમાં થયો ફેરફાર, પાકિસ્તાનની સેમીફાઈનલની આશા જીવંત

પાકિસ્તાને ગુરુવારે T20 વર્લ્ડ કપ (T20 World Cup) માં દક્ષિણ આફ્રિકા (South Africa) સામે 33 રને શાનદાર જીત નોંધાવી હતી. વરસાદના કારણે મેચમાં વિક્ષેપ પડ્યો અને લક્ષ્યાંક 14 ઓવરમાં 142 રન થઈ ગયો. લક્ષ્યનો પીછો કરવા ઉતરેલી સાઉથ આફ્રિકાની ટીમ 9 વિકેટે 108 રન જ બનાવી શકી અને 33 રનથી મેચ હારી ગઈ. આ સાથે જ ગ્રુપ 2ના પોઈન્ટ ટેબલમાં ફેરફાર થયો છે.

T20 વર્લ્ડ કપની 36મી મેચમાં પાકિસ્તાને દક્ષિણ આફ્રિકા (PAK vs SA) ને 33 રનથી હરાવ્યું છે. આ સાથે પાકિસ્તાન સેમીફાઈનલની રેસમાં હજુ પણ બની રહી છે. જ્યારે દક્ષિણ આફ્રિકાએ પોતાની આગામી મેચ કોઈપણ સંજોગોમાં જીતવી પડશે, તો જ તે સેમીફાઈનલમાં પહોંચી શકશે. સિડની ક્રિકેટ ગ્રાઉન્ડ (SCG)માં ટોસ જીતીને પ્રથમ બેટિંગ કરતા પાકિસ્તાને 20 ઓવરમાં 185 રન બનાવ્યા હતા. લક્ષ્યનો પીછો કરવા ઉતરેલી દક્ષિણ આફ્રિકાની ટીમ વરસાદના કારણે 14 ઓવરમાં 9 વિકેટ ગુમાવીને માત્ર 108 રન જ બનાવી શકી હતી. જણાવી દઈએ કે ટૂર્નામેન્ટમાં આફ્રિકન ટીમની આ પહેલી હાર છે. આ મેચમાં ઓલરાઉન્ડર શાદાબ ખાનના શાનદાર પ્રદર્શનની મદદથી પાકિસ્તાને ગુરુવારે ગ્રુપ સ્ટેજની મેચમાં દક્ષિણ આફ્રિકાને 33 રને હરાવ્યું હતું. વરસાદના કારણે છ ઓવર કપાઈ હતી અને દક્ષિણ આફ્રિકાને 14 ઓવરમાં 142 રનનો ટાર્ગેટ આપવામાં આવ્યો હતો. પરંતુ દક્ષિણ આફ્રિકાની ટીમ લક્ષ્ય સુધી પહોંચી શકી ન હતી. આ જીતે પાકિસ્તાનને હાલ પૂરતું ટૂર્નામેન્ટમાંથી બહાર ફેંકાતા બચાવી લીધું છે.

આ પણ વાંચો - Virat Kohli અને Cristiano Ronaldo ના Instagram મા ઘટ્યા ફોલોઅર્સ, જાણો શું છે કારણ