ભિખારીએ રોકડાં આપી પત્ની માટે ખરીદી આ ચાર પૈડાની મોપેડ, કાકાની કમાણી ચોંકાવી દેશે

ભિખારી ભીખ માગીને બે ટાઇમનું ખાવાનું ખાઇને પોતાનું જીવન ગુજારતા હોય છે પરંતુ તમે ક્યારે સાંભળ્યું કે, કોઇ ભિખારીએ ભીખ માગી માગીને એટલા રૂપિયા ભેગા કરી દીધા કે તે કોઇ વાહન ખરીદી શકે. તો અમે તમને આજે એક એવા ભિખારી વિશે જણાવવા જઇ રહ્યા છીએ કે જેણે ભીખ માગીને 90 હજાર રૂપિયા રોકડા આપી એક ચમકતી બાઇક તેની પત્ની માટે ખરીદી છે. 

મળી રહેલી માહિતી અનુસાર, મધ્ય પ્રદેશના છીંદવાડા શહેરના રસ્તાઓ પર ભીખ માગીને પોતાનું ગુજરાન ચલાવતો એક ભિખારી આજ-કાલ ઘણો ચર્ચામાં છે. કારણ કે તેણે 4 વર્ષ માટે એક-એક રૂપિયા ઉમેરીને 90 હજારની સ્પેશિયલ ગિફ્ટ આપીને પત્નીને ખુશ કરી છે. ભીખ માંગતી વખતે પત્નીને ટ્રાયસિકલ આગળ ધકેલવામાં તકલીફ પડતી હતી. તેથી તેણે પોતાની બચતમાંથી એક મોપેડ ખરીદીને પત્નીને ભેટમાં આપી છે. જેનાથી તેને કોઇ પરેશાની ન થાય. ભીખ માગીને જીવતા આ વ્યક્તિનું નામ સંતોષ છે, જેણે પોતાની પત્નીને મોપેડ ખરીદીને ભેટ આપી હતી, હવે આ બંને મોપેડમાં બેસીને ભીખ માંગે છે. વાસ્તવમાં, સંતોષ સાહુ અને તેની પત્ની મુન્ની સાહુ છિંદવાડા જિલ્લાના અમરવાડાના રહેવાસી છે, સંતોષ પગથી વિકલાંગ છે, જેના કારણે તે ટ્રાઇસિકલ પર ફરે છે અને ભીખ માંગે છે, જેમાં પત્ની મુન્નીબાઈ પણ તેની મદદ કરે છે.