ટીમ ઈન્ડિયા ટૂર્નામેન્ટમાંથી નીકળી જશે બહાર, જાણો પૂરી વિગત

ટીમ ઈન્ડિયાએ વર્તમાન T20 વર્લ્ડ કપ 2022 (T20 World Cup 2022)માં 2 મેચ રમી છે અને બંનેમાં શાનદાર જીત મેળવી છે. પ્રથમ મેચમાં તેણે છેલ્લા બોલ પર કટ્ટર હરીફ પાકિસ્તાનને હરાવ્યું હતું. બીજી મેચમાં નેધરલેન્ડ સામે 56 રને આસાનીથી જીત મેળવી હતી. હવે જીતની હેટ્રિક મારવાનો સમય છે. ભારતીય ટીમ 30 ઓક્ટોબરે પર્થમાં દક્ષિણ આફ્રિકા સામે ટકરાવાની છે. જોકે, તે પહેલા ટીમ ઈન્ડિયાના ટૂર્નામેન્ટમાંથી બહાર નીકળી જવાની ચર્ચા થઇ રહી છે. 

ગુરુવારે, પાકિસ્તાનને T20 વર્લ્ડ કપમાં ઝિમ્બાબ્વે (ZIM vs PAK) ના હાથે હારનો સામનો કરવો પડ્યો હતો. આ હાર બાદ આખું પાકિસ્તાન દુઃખી થઇ ગયું છે. પાકિસ્તાનના પૂર્વ ક્રિકેટર પોતાની ટીમની ટીકા કરી રહ્યા છે. સુપર-12ના ગ્રુપ-2ની મેચમાં ઝિમ્બાબ્વેએ પાકિસ્તાનને એક રનથી હરાવ્યું હતું. આ વર્લ્ડ કપમાં પાકિસ્તાનની આ સતત બીજી હાર હતી. આ પહેલા ભારતે પાકિસ્તાનને હરાવ્યું હતું. ઝિમ્બાબ્વે સામેની હારથી પાકિસ્તાન પર T20 વર્લ્ડ કપમાંથી બહાર થવાનું જોખમ વધી ગયું છે. પાકિસ્તાનની હારથી નારાજ શોએબ અખ્તરે પણ ટીમની ટીકા કરી હતી. જોકે, તે ભારત તરફ ઝેર ઉગાડતો પણ જોવા મળ્યો હતો જે કોઈ ભારતીયને ગમશે નહીં. પાકિસ્તાનની હાર બાદ તેણે પોતાની યુટ્યુબ ચેનલ પર એક વિડીયો પોસ્ટ કર્યો છે, જેમાં તે પાકિસ્તાન ટીમની ટીકા કરતો જોવા મળી રહ્યો છે.

પાકિસ્તાનની હાર બાદ શોએબ અખ્તરે ભવિષ્યવાણી કરી છે. શોએબે કહ્યું છે કે, 'પાકિસ્તાનની ટીમ T20 વર્લ્ડ કપના સુપર 12 સ્ટેજમાંથી સ્વદેશ પરત ફરશે અને ભારત પણ સેમીફાઈનલમાંથી બહાર થઈ જશે. અખ્તરે તેની યુટ્યુબ ચેનલ પર કહ્યું, 'મેં પાકિસ્તાનને પહેલેથી જ કહ્યું હતું કે તેઓ આ અઠવાડિયે પાછા આવશે અને ભારત સેમિફાઇનલ રમીને આવતા અઠવાડિયે પરત આવશે. તે પણ કોઈ તીસ માર ખાન નથી અને અમારી ટીમ તો તેનાથી પણ ખરાબ છે. જણાવી દઈએ કે, ભારત જે પાકિસ્તાન અને નેધરલેન્ડ સામે સતત જીત સાથે ગ્રુપ 2મા ટોપ પર છે. જો ટીમ ઈન્ડિયા રવિવારે તેની આગામી મેચમાં દક્ષિણ આફ્રિકાને હરાવવામાં સફળ રહેશે તો રોહિત શર્માની આગેવાની હેઠળની ટીમ સેમીફાઈનલમાં પહોંચી જશે.

આ પણ વાંચો - સેમિફાઈનલની દ્રષ્ટિએ આજની ન્યૂઝીલેન્ડ અને શ્રીલંકાની મેચ બની શકે છે મહત્વપૂર્ણ