ગુજરાતમાં રિલાયન્સે શરૂ કરી દેશની સૌ પ્રથમ JIO TRUE 5G સર્વિસ, જાણો શું આવશે પરિવર્તન

દેશમાં જીઓની પહેલી 5G સર્વિસ ગુજરાતમાં શરૂ થઇ છે. આમ રિલાયન્સની જન્મભૂમિ ગુજરાત જિયો TRUE 5G મેળવનાર ભારતનું પ્રથમ સ્ટેટ બન્યું છે. આજથી ગુજરાતના તમામ 33 જિલ્લામાં 5G સર્વિસની શરૂઆત થઈ છે. 'Jio વેલકમ ઑફર' માં યુઝર્સ 1Gbps સ્પીડનો અનલિમિટેડ 5G ડેટા મેળવી શકશે. Jio હેલ્થકેર, એગ્રીકલ્ચર, ઈન્ડસ્ટ્રી 4.0 અને IoT સેક્ટરમાં TRUE 5G-સંચાલિત સીરીઝથી શરુઆત કરશે.

રિલાયન્સ માટે ગુજરાત વિશેષ સ્થાન ધરાવે છે. રિલાયન્સની જાહેરાત મુજબ આ 5G સ્પીડ ગુજરાત અને તેના લોકોને સમર્પિત છે. હવે, રાજ્યના 33 જિલ્લા મથકો 100% Jio True 5G કવરેજ ધરાવશે. આ ટેક્નોલોજીથી દેશભરના લાખો વિદ્યાર્થીઓ ડિજિટલ માધ્યમથી ગુણવત્તાયુક્ત શિક્ષણ મેળવી શકશે.5G ઈન્ટરનેટ સેવા શરૂ થવાથી ઘણા બધા ફેરફાર દેખાશે અને અલગ જ દુનિયાનો અનુભવ થશે. આનાથી લોકોનું કામ સરળ બનશે. એટલું જ નહીં, પરંતુ મનોરંજન અને સંચારક્ષેત્રે પણ ઘણો બદલાવ આવશે. જે કામ અત્યારે ધીમેધીમે થાય છે એ વધારે ઝડપથી થશે.માણસોના વિચારો કરતાં પણ 5G નું નેટવર્ક તેજ રહેશે. હાલ એવું છે કે કોઈને વીડિયો ફાઈલ મોકલવી હોય તો પણ કહેવું પડે કે બહુ વાર લાગશે, ફાઈલ મોટી છે,પણ 5G માં એવું નહીં થાય.ગમે તેવી મોટી ફાઈલ હશે તોપણ પળવારમાં અપલોડ અને ડાઉનલોડ થઈ જશે.

ઘણા લોકો એમ કહે છે કે તેનો ઉપયોગ ફક્ત મોબાઇલ ફોન અથવા કમ્પ્યુટરમાં થશે. પરંતુ એવું નથી. 5G ટેક્નોલોજી ઇન્ટરનેટની 3G અને 4G ટેકનોલોજી કરતાં પણ વધારે સ્માર્ટ હશે. 5G નો હેતુ ફક્ત ઇન્ટરનેટને સ્માર્ટફોનથી કનેક્ટ કરવાનો જ નથી.પરંતુ તે ઇન્ટરનેટ ઓફ થિંગ્સ (IOT) સાથે પણ કનેક્ટ કરવાનો છે. IOT એટલે સ્માર્ટ ગેજેટ્સ જેવાં કે ફ્રીઝ, ટીવી, માઇક્રોવેવ ઓવન, વોશિંગ મશીન, એસી વગેરે. અત્યારે દુનિયાભરની સેલ્ફ ડ્રાઇવિંગ ગાડીઓમાં જે ટેક્નોલોજીનો ઉપયોગ કરવામાં આવી રહ્યો છે તે પણ 5G જ છે. ભારતમાં પણ સ્માર્ટ સિટી પ્રોજેક્ટ માટે 5Gનો ઉપયોગ થશે.

આ પણ વાંચો  -   તોડી મરોડીને રજૂ કરાયેલા ઇતિહાસને સુધારી ફરી લખતા અમને કોઇ રોકી શકે નહીં : અમિત શાહ