મોરબી દુર્ઘટનાના ઈજાગ્રસ્ત અને મૃતકોના પરિવારજનોને આજે મળી શકે છે PM મોદી

આ પહેલા વડાપ્રધાન મોદીએ મોરબીમાં પુલ ધરાશાયી થવાથી સર્જાયેલા અકસ્માત અંગે દુઃખ વ્યક્ત કર્યું હતું. વડાપ્રધાન કાર્યાલય (PMO) એ ટ્વીટ કર્યું છે કે, વડાપ્રદાન મોદીએ આ અંગે રાજ્યના મુખ્યમંત્રી ભૂપેન્દ્ર પટેલ અને અન્ય અધિકારીઓ સાથે વાત કરી છે. PM મોદીએ રાહત અને બચાવ કામગીરી માટે તાત્કાલિક બચાવ ટુકડીઓ તૈનાત કરવા જણાવ્યું હતું. તેમણે PMNRF (પ્રાઈમ મિનિસ્ટર નેશનલ રિલીફ ફંડ) તરફથી મોરબી અકસ્માતમાં જીવ ગુમાવનારાઓના નજીકના સગાંવહાલાં માટે 2 લાખ રૂપિયા અને ઘાયલોને 50,000 રૂપિયાની સહાયની જાહેરાત કરી છે.

મીડિયા રિપોર્ટ્સ અનુસાર મોરબીમાં સાંજે સાડા છ વાગ્યે ઝૂલતો પુલ ધરાશાયી થયો હતો. જેના કારણે તેની ઉપર ઉભા રહેલા લોકો પાણીમાં પડી ગયા હતા. આ પુલ ચાર દિવસ પહેલા સમારકામ બાદ ખુલ્લો મુકાયો હતો. જેના કારણે બ્રિજની ગુણવત્તા સામે પણ સવાલો ઉઠી રહ્યા છે. કોઈપણ પ્રકારના બાંધકામ એજન્ટનો ઉપયોગ કરવામાં આવ્યો હતો કે કેમ તેની તપાસ ચાલી રહી છે. સંરક્ષણ અધિકારીના જણાવ્યા અનુસાર NDRFની ટીમ સાથે એરફોર્સનું વિમાન રાહત કામગીરી માટે રવાના થઈ ગયું છે. એક કલાકમાં બીજું પ્લેન મોકલવામાં આવશે. જામનગર અને અન્ય નજીકના સ્થળોએ બચાવ કામગીરી માટે હેલિકોપ્ટર તૈયાર રાખવામાં આવ્યા છે. ભુજ અને અન્ય સ્થળોએથી ગરુડ કમાન્ડોને મોરબી મોકલવામાં આવ્યા છે.