NEET પરીક્ષામાં હોબાળો, ચેકિંગના નામે વિદ્યાર્થિનીઓનાં અંડરગાર્મેન્ટ્સ પણ ઉતરાવ્યા...
NEET (નેશનલ
એલિજિબિલિટી કમ એન્ટ્રન્સ ટેસ્ટ) પરીક્ષા દરમિયાન, કેરળના કોલ્લમમાંથી એક ચોંકાવનારો કિસ્સો પ્રકાશમાં આવ્યો છે, જ્યાં કડકાઈના નામે વિદ્યાર્થિનીઓનાં
અન્ડરગાર્મેન્ટ્સ ઉતારવામાં આવ્યાં હતાં. આ અંગે વિદ્યાર્થિનીના પરિવારજનોએ
પોલીસમાં ફરિયાદ નોંધાવી છે. જોકે, માર્થોમા ઈન્સ્ટિટ્યૂટ ઓફ ઈન્ફોર્મેશન ટેક્નોલોજીએ આ ઘટનાને
નકારી કાઢી છે. હાલ પોલીસ આ મામલે તપાસ કરી રહી છે.
ફરિયાદ નોંધાવ્યા પછી, છોકરીના પિતાએ કહ્યું, 'મારી પુત્રીને કહેવામાં આવ્યું હતું કે
મેટલ ડિટેક્ટરમાં અન્ડરગાર્મેન્ટ્સનો હૂક મળી આવ્યો છે, તેથી તેણે તેને ઉતારવો પડશે. લગભગ 90 ટકા
વિદ્યાર્થિનીઓનાં અન્ડરગાર્મેન્ટ્સ ઉતારીને સ્ટોર રૂમમાં રાખવામાં આવ્યાં હતાં.
જેના કારણે આ વિદ્યાર્થીઓ પરીક્ષા દરમિયાન ખૂબ જ માનસિક રીતે પરેશાન હતા.અન્ય વિદ્યાર્થીના પિતાએ કહ્યું, 'મારી પુત્રીને કહેવામાં આવ્યું હતું કે તેં
પરીક્ષામાં ડ્રેસ કોડનું પાલન કર્યું નથી અને તેને અંડરગારમેન્ટ્સ ઉતારવા પડશે. જો
તમે આમ નહીં કરો તો તમે પરીક્ષામાં બેસી શકશો નહીં. ઘણા વધુ વિદ્યાર્થીઓને તે જ
કરવા માટે કહેવામાં આવ્યું હતું. તેમાંથી કેટલાક રડવા લાગ્યા. જણાવી દઈએ કે, માર્થોમા ઈન્સ્ટિટ્યૂટ ઓફ ઈન્ફોર્મેશન
ટેક્નોલોજીમાં NEETની પરીક્ષા લેવામાં
આવી હતી અને આ ઘટના 17 જુલાઈની કહેવાય છે.
અન્ય એક કિસ્સામાં હિજાબ પહેરેલી ચાર
મુસ્લિમ યુવતીઓ રાજસ્થાનના કોટા સ્થિત મોદી કોલેજ સેન્ટરમાં પહોંચી હતી. તેઓને
પોલીસે ગેટ પર જ અટકાવ્યા હતા. યુવતીઓએ હિજાબ ઉતારવાની ના પાડી. પોલીસને સમજાવતાં
તેણે ડ્રેસ કોડનો ઉલ્લેખ કર્યો. તેમ છતાં તેણી સંમત ન હતી. તેના પરિવારના સભ્યો પણ
મક્કમ હતા. આ પછી, તેણી પાસેથી લેખિતમાં લેવામાં આવ્યું હતું કે પરીક્ષા અંગેના
કોઈપણ નિર્ણય માટે તે પોતે જ જવાબદાર રહેશે.
જોકે, વહીવટીતંત્રે આ ઘટનાની પુષ્ટિ કરી નથી. ASI ગીતા દેવીએ જણાવ્યું કે પોલીસે ગેટની બહાર
સુરક્ષા વ્યવસ્થા કડક કરી દીધી છે. કેટલાક વિદ્યાર્થીઓએ સંપૂર્ણ કપડા પહેર્યા હતા, તેમને કડક તપાસ બાદ અંદર જવા દેવામાં આવ્યા
હતા. જે છોકરીઓએ હિજાબ પહેર્યો હતો, તેઓએ તેને બાજુ પર કર્યું. પરીક્ષા ખંડમાં પ્રવેશતા પહેલા જ
સર્ચ હાથ ધરવામાં આવ્યું હતું.