મરાઠીઓને મૂર્ખ બનાવવાનું બંધ કરે રાજ્યપાલ : રાજ ઠાકરે

મહારાષ્ટ્રના રાજ્યપાલ ભગત સિંહ કોશ્યારીના નિવેદન પર હવે રાજકારણ શરૂ થઇ ગયું છે. સમગ્ર મામલો ત્યારે શરૂ થયો જ્યારે રાજ્યપાલે એક કાર્યક્રમમાં કહ્યું હતું કે, જો મુંબઈ અને થાણેમાંથી ગુજરાતીઓ અને રાજસ્થાનીઓને હટાવી દેવામાં આવે તો અહીં પૈસા બચશે નહીં. હવે આ નિવેદન પર મહારાષ્ટ્ર નવનિર્માણ સેના (MNS)ના પ્રમુખ રાજ ઠાકરેની પણ પ્રતિક્રિયા સામે આવી છે. 

રાજ ઠાકરેએ શનિવારે મહારાષ્ટ્રના રાજ્યપાલ ભગત સિંહ કોશ્યારીના ભાષણ પર પ્રહારો કર્યા અને મરાઠીમાં લખીને તેમણે કહ્યું કે, 'મરાઠી લોકોને મૂર્ખ ન બનાવો.' રાજ ઠાકરેએ કહ્યું, 'જો તમને મહારાષ્ટ્રના ઈતિહાસ વિશે કંઈ ખબર નથી, તો તેના વિશે વાત ન કરો.' MNS સુપ્રીમોએ કહ્યું, 'રાજ્યપાલનું પદ ખૂબ જ આદરણીય પદ છે, તેથી લોકો તેની વિરુદ્ધ કંઈ બોલશે નહીં, પરંતુ તમારા નિવેદનથી મહારાષ્ટ્રની જનતાને દુઃખ થયું છે.'

Update...