ગઠિયાએ જ્વેલર્સ માલિકની આંખમાં નાંખી મરચાની મુકી, જાણો કઇ રીતે ટળી ગઇ લાખ્ખોની લૂંટ

એક તરફ જેવલર્સ માલિકોએ ચેતવા જેવો તો બીજી તરફ કઈક શીખવા જેવો કિસ્સો અમદાવાદ ના કૃષ્ણનગર વિસ્તારમાં બન્યો.એક શખ્સ સોની વેપારીની આંખમાં મરચાની ભૂકી નાખી લૂંટ કરવાનો હતો પણ વેપારીએ પ્રતિકાર કર્યો અને એક બટન દબાવતા જ સિક્યોરિટી એલાર્મ વાગ્યું અને લોકો ભેગા થઈ ગયા.એલાર્મ વાગતા જ દરવાજા પણ બંધ થઈ ગયા આજે લૂંટારું પકડાઈ ગયો. 

આ  વાત છે કૃષ્ણ નગર વિસ્તારમાં આવેલા નીલમ ગોલ્ડ પેલેસની... જેના માલિક કૌશિક પટેલ જ્વેલર્સના શોરુમ પર સોમવારના દિવસે  હાજર હતા.ત્યારે એક ગઠીયો ગ્રાહક બનીને આવ્યો હતો અને સોનાની બે વિંટી પસંદ કરી હતી..ગ્રાહકના સ્વાંગમાં આવેલા ગઠીયાએ કૌશિક પટેલને કહ્યુ હતું કે આ બે વિંટીઓ સાઇડમાં મુકજો આવતી કાલે પત્નિને લઇને આવીશ અને લઇ જઇશ. મંગળવારે ફરી આ ગઠિયો આવે છે અને શોરૂમમાં પત્નીની રાહ જોતો હોવાનું કહી બેસી રહે છે...વેપારીએ આ બાબતે પૂછતાં જ તે  એકદમ ઉભો થઇ ગયો હતો અને ખીસામાંથી મરચાની ભુકી કાઢીને કૌશિક પટેલની આંખમાં નાખી દીધી અને લૂંટ કરવાની કોશિશ કરી હતી.

આ દરમિયાન વેપારીએ તરતજ તેમનો હાથ મોઢા પર રાખતા મરચાની ભૂંકી હાથ પર આવી ગઇ હતી. ગઠીયાએ તરતજ વેપારી સાથે ઝપાઝપી કરવાની કોશિષ કરી હતી જેથીસિક્યોરીટી ગાર્ડ એલર્ટ થઇ ગયો હતો અને તરતજ સિક્યોરીટી સાયરન વગાડી દીધુ હતું અને શોરુમનો દરવાજો બંધ પણ થઈ ગયો હતો.  સિક્યોરીટી સાયરન વાગતાની સાથે જ રોડ પરથી નીકળતી પોલીસ આવી ગઈ અને આરોપી વિજયકુમાર કોરીને ઝડપી પાડ્યો..... આમ વેપારીની અને પોલીસની સતર્કતા તથા મામુલી ખર્ચે વસાવેલી સિસ્ટમથી કિંમતી મતા લૂંટતા બચી ગઈ....અને આરોપી ઝડપાઇ ગયો..... 

સોનાના વેપારીઓ અવાર નવાર લૂંટારુના ટાર્ગેટ પર હોય છે...માત્ર એક સિક્યોરિટી સિસ્ટમ કે સતર્કતા દાખવવાથી મોટી ઘટનાને ટાળી શકાય તેમ છે.જે બાબતની અપીલ પોલીસ પણ વેપારીઓને કરે છે.ત્યારે આરોપી બાબતે તેના ગુનાહિત ઇતિહાસ થી માંડી તમામ બાબતો પર હવે પોલીસે તપાસ તેજ કરી છે. 

આ  પણ વાંચો ઃ  ટ્યૂશન ક્લાસ શિક્ષકે વિદ્યાર્થીની સાથે કર્યા અડપલા, પોલીસે કરી શિક્ષકની ધરપકડ