2023 થી 6 વર્ષ પુર્ણ હશે તો જ મળશે ધોરણ 1 માં પ્રવેશ, 1 દિવસ પણ ઓછો હશે તો નહીં મળે પ્રવેશ

ગુજરાત રાજ્યના શિક્ષણ વિભાગ દ્વારા પ્રાથમિક શાળામાં ધોરણ.1માં પ્રવેશ લેવા માટે વય મર્યાદા 6 વર્ષની નક્કી કરવામાં આવી છે. જેથી હવે જો ધોરણ.1માં પ્રવેશ લેવો હશે તો 6 વર્ષમાં પૂર્ણ હોવા જોઈશે. જો  1 દિવસ પણ બાળકને ખુટતો હશે તો તેણે 1 વર્ષ સુધીની રાહ જોવી પડશે. ધોરણ.1 માં પ્રવેશ અંગેની વય મર્યાદા નક્કી કરતો પરિપત્ર શિક્ષણ વિભાગ દ્વારા ત્રણ વર્ષ પહેલા જાહેર કરવામાં આવ્યો હતો. 

પ્રવેશની વયમાં છુટછાટ આપવામાં આવશે કે કેમ તે અંગે પ્રાથમિક શિક્ષણ નિયામકને પૂછતા તેમણે જણાવ્યુ હતુ કે,પ્રવેશની વય મર્યાદામાં કોઈ છુટછાટ નહી અપાય. કારણ કે,આ પરિપત્ર ત્રણ વર્ષ પહેલા કરવામાં આવ્યો હતો અને એ રીતે જ નર્સરી અને  કે.જી.માં બાળકોને પ્રવેશ આપવાની સુચના આપવામાં આવી હતી. 

જોકે હાલમાં શિક્ષણની કચેરીઓમાં વાલીઓને રજૂઆતો આવી રહી છે કે,ઘણા બાળકોને 1લી જૂન, 2023ના રોજ 6 વર્ષ પૂર્ણ થવામાં માત્ર 2થી 3 દિવસ યા એક સપ્તાહ જેટલો જ સમય ખુટતો હોય. જોકે વાલીઓને સંચાલકો દ્વારા જણાવાય છે કે, તમે ડીઈઓ-ડીપીઈઓ કચેરીમાં જઈ મંજુરી મેળવી આવો. પરંતુ જ્યારે વાલીઓ ડીઈઓ-ડીપીઈઓ કચેરીમા આ અંગેની રજૂઆત કરવા આવે છે ત્યારે તેમને સ્પષ્ટ જણાવાય છે કે, 6 વર્ષમાં એકપણ દિવસ ખુટતો હશે તો પ્રવેશ આપવામાં આવશે નહી.

આ પણ વાંચોઃ  ગંદકીના સામ્રાજ્ય અને જર્જરીત પ્રાથમિક શાળા વચ્ચે બાળકો ભણવા બન્યા મજબૂર