ચેમ્પિયન બનેલી ઈંગ્લેન્ડની ટીમ પૈસાનો વરસાદ, મળશે 13 કરોડ રૂપિયા, ભારતીય ટીમને મળશે આટલા રૂપિયા, જાણો
મેલબોર્ન ક્રિકેટ ગ્રાઉન્ડ ખાતે યોજાયેલી ફાઇનલમાં ઇંગ્લેન્ડે પાકિસ્તાનને 5 વિકેટે પરાજય આપીને બીજી વખત વર્લ્ડ ચેમ્પિયનશીપ પર કબજો જમાવ્યો હતો અને આ સાથે જ 16 ઓક્ટોબરથી 13 નવેમ્બર સુધી ચાલેલી ટી20 ક્રિકેટ વર્લ્ડકપ ટૂર્નામેન્ટપૂર્ણ થઈ છે. T20 World Cupમાં ટ્રોફી સિવાય ICC દ્વારા અનેક પુરસ્કારો આપવામાં આવે છે. જેમાં આ વર્લ્ડ કપ માટે આઇસીસી દ્વારા કુલ રુપિયા 45.68 કરોડની ઈનામી રકમ જાહેર કરવામાં આ
06:16 PM Nov 13, 2022 IST
|
Vipul Pandya
મેલબોર્ન ક્રિકેટ ગ્રાઉન્ડ ખાતે યોજાયેલી ફાઇનલમાં ઇંગ્લેન્ડે પાકિસ્તાનને 5 વિકેટે પરાજય આપીને બીજી વખત વર્લ્ડ ચેમ્પિયનશીપ પર કબજો જમાવ્યો હતો અને આ સાથે જ 16 ઓક્ટોબરથી 13 નવેમ્બર સુધી ચાલેલી ટી20 ક્રિકેટ વર્લ્ડકપ ટૂર્નામેન્ટપૂર્ણ થઈ છે. T20 World Cupમાં ટ્રોફી સિવાય ICC દ્વારા અનેક પુરસ્કારો આપવામાં આવે છે. જેમાં આ વર્લ્ડ કપ માટે આઇસીસી દ્વારા કુલ રુપિયા 45.68 કરોડની ઈનામી રકમ જાહેર કરવામાં આવી હતી.
ચેમ્પિયન ટીમ ઈંગ્લેન્ડ
ટી-20 વર્લ્ડ ચેમ્પિયન ઈંગ્લેન્ડને ટી20 વર્લ્ડ કપ જીતવા બદલ રૂ. 13.05 કરોડથી વધારે રકમનું ઈનામ મળશે. આ સિવાય ટી20 વર્લ્ડકપમાં સુપર-12માં દરેક જીત માટે ઈંગ્લેન્ડને અલગથી રૂ. 32.6 લાખ આપવામાં આવશે. ઇંગ્લેન્ડે 3 મેચ જીતી એટલે કે તેને રૂ. 97 લાખથી વધુ મળશે.
રનર્સ-અપ ટીમ પાકિસ્તાન
ટી-20 વર્લ્ડ કપની આ ટૂર્નામેન્ટના રનર્સ અપ તરીકે આવેલા પાકિસ્તાનને આશરે સાડા છ કરોડ રૂપિયાનું ઈનામ મળશે. ઈંગ્લેન્ડની જેમ પાકિસ્તાનને પણ સુપર-12ની જીતના બદલામાં વધારાના રૂપિયા મળશે. પાકિસ્તાનની 3 જીત સાથે તેના ખાતામાં રૂ. 97 લાખથી વધુ રૂપિયા આવશે. તેથી પાકિસ્તાનની ટીમને લગભગ 7.5 કરોડ રૂપિયા મળશે.
સેમીફાઈનલિસ્ટ ટીમો: ન્યૂઝીલેન્ડ, ભારત
ટી-20 વર્લ્ડકપની સેમીફાઈનલ મેચમાં હારનો સામનો કરેલી ભારત અને ન્યૂઝીલેન્ડની ટીમોને રુ. 3.6 કરોડ મળશે. આ ઉપરાંત સુપર-12ની જીતના બદલામાં પણ તેને પૈસા મળશે. ભારતે 3 મેચ પણ જીતી હતી અને રૂ. 97 લાખથી વધુ મળશે. એટલે કે ભારતના ખાતામાં લગભગ 4.6 કરોડ રૂપિયા આવશે. ન્યૂઝીલેન્ડે પણ આટલી રકમ મળશે. આ સિવાય ઓસ્ટ્રેલિયા, દક્ષિણ આફ્રિકા, અફઘાનિસ્તાન, આયર્લેન્ડ, ઝિમ્બાબ્વે, શ્રીલંકા, બાંગ્લાદેશ અને નેધરલેન્ડની ટીમોને પણ ઈનામમાં સારી રકમ મળશે.
Next Article