લુણાવાડાના વિવિધ વિસ્તારમાં MGVCLની ટીમ દ્વારા ચેકિંગ, 17 જોડાણોમાં ગેરરીતિ આવી સામે, 3.11 લાખનો દંડ

મધ્ય ગુજરાત વીજ કંપની લુણાવાડા વિભાગીય કચેરી દ્વારા બે દિવસ વીજ ચેકિંગની પ્રક્રિયા હાથ ધરવામાં આવી હતી જેમાં બે દિવસના વીજ ચેકીંગ દરમિયાન ૧૭ વીજ જોડાણમાં ગેરરીતી ઝડપાઈ હતી અને કુલ રૂપિયા 3.11 લાખનો દંડ કરવામાં આવ્યો હતો.મધ્ય ગુજરાત વીજ કંપની લુણાવાડા વિભાગીય કચેરી દ્વારા મહીસાગર જિલ્લાના અલગ અલગ વિસ્તારમાં છેલ્લા બે દિવસથી વીજ ચેકિંગની મેગા ડ્રાઇવ હાથ ધરવામાં આવી હતી જેની અંદર પ્રથમ દિવસે 6 અને બીજા દિવસે સાત જેટલી વીજ ચેકિંગ સ્ક્વોડ બનાવી વીજ જોડાણનું ચેકિંગ હાથ ધરવામાં આવ્યું હતું જેમાં ડાયરેક્ટ લંગર ,વાયર થી મીટર બાયપાસ, વગર મીટર પાવર નો ઉપયોગ , લોડ વધારો તેમજ સિવિલ ટેમ્પર જેવી રીતે અંગે ચકાસણી હાથ ધરવામાં આવી હતી

એમજીવીસીએલની બે દિવસ વીજ ચેકિંગ ડ્રાઈવ દરમિયાન સંતરામપુર કોઠંબા બાકોર વીરપુર સહિત જિલ્લાના અલગ અલગ વિસ્તારોમાં કુલ 324 જેટલા વીજ જોડાણોનું ચેકિંગ કરવામાં આવ્યું હતું.  જેમાં કુલ ૧૭ જેટલા વીજ જોડાણોમાં એમજીવીસીએલ ની ટીમ એ ગેરરીતી ઝડપી પાડી હતી અને ગેરરીતિ કરનારને કુલ રૂપિયા 3.11 લાખનો દંડ પણ ફટકાર્યો હતો. મધ્ય ગુજરાત વીજ કંપની દ્વારા વીજ લોસ ઘટાડવા માટે આગામી સમયમાં પણ વીજચેકીંગની આ ઝુંબેશ કાર્યરત રહેશે અને વીજ ચોરી કરી ગેરરીતિ આચરતા ઈસમો વિરુદ્ધ કાર્યવાહી કરવામાં આવશે.

આ પણ વાંચોઃ  મોટો ખુલાસો, વ્હાઈટ હાઉસ જમીન કૌભાંડની 9 વર્ષથી તલાટીને હતી જાણ