BSF 123 બટાલિયન દ્વારા રાધાનેસડા ખાતે ફ્રી મેડિકલ કેમ્પનું આયોજન કરાયું

દાંતીવાડા ખાતે આવેલી બોર્ડર સિક્યોરિટી ફોર્સ 123 બટાલિયન દ્વારા  બોર્ડર ચોકી રાધાનેસડા અને  ફ્રી મેડિકલ કેમ્પનું આયોજન કરવામાં આવ્યું હતું. 123 બટાલિયનના કમાન્ડન્ટ ગુરિન્દર સિંઘની ઉપસ્થિતમાં પ્રાદેશિક મુખ્યાલય ગાંધીનગરના ડેપ્યુટી ઈન્સ્પેક્ટર જનરલ ભૂપેન્દર સિંઘ દ્વારા કેમ્પનું શુભ ઉદઘાટન કરવામાં આવ્યું હતું.  જેમાં રાધાનેસડા અને તેની આસપાસના કુંડળીયા, રચીણા, કોરીલી વગેરે ગામોના  ગ્રામજનોની તબીબી તપાસ કરી તેમને  દવાઓનું વિનામૂલ્યે વિતરણ કરવામાં આવ્યું હતું.

   

દાંતીવાડા બોર્ડર સિક્યોરિટી ફોર્સ 123 બટાલિયન દ્વારા લોદ્રાણી ગામની શ્રીલોદ્રાણી પ્રાથમિક શાળા ખાતે  સિવિક એક્શન પ્રોગ્રામ અંતર્ગત મુખ્ય મહેમાન ભૂપેન્દ્ર સિંઘ, ડેપ્યુટી ઈન્સ્પેક્ટર જનરલ, પ્રાદેશિક મુખ્યાલય ગાંધીનગરની હાજરીમાં રમત ગમતના કાર્યક્રમનું આયોજન કરવામાં આવ્યું હતું. જેમાં શાળાના બાળકોએ સુંદર રીતે ગુજરાતી લોકગીતો, રાજસ્થાની લોકગીતો અને દેશભક્તિના ગીતો અને પિરામિડ નિર્માણ જેવા સાંસ્કૃતિક કાર્યક્રમો રજૂ કર્યા હતા.

આપણ  વાંચો- વેરાવળના રઘુવંશી ડૉ.અતુલભાઈ ચગના આપઘાત મામલો, ગોંડલમાં આવેદન અપાયું