Avatar 2 દેખતા જ મહિલાનું અચાનક થયું મોત, જાણો શું કહ્યું ડોક્ટરે

જેમ્સ કેમેરોનની 'અવતારઃ ધ વે ઓફ વોટર' (Avatar: The Way of Water) આખરે સિનેમાઘરોમાં રિલીઝ થઈ ગઈ છે. અપેક્ષા મુજબ, પ્રારંભિક શોને દર્શકો તરફથી સારો પ્રતિસાદ મળ્યો હતો. આ ફિલ્મે બોક્સ ઓફિસ પર આગ લગાવી દીધી છે અને યૂઝર્સ સોશિયલ મીડિયા પર ફિલ્મને જોરદાર રિવ્યુ આપી રહ્યા છે. પરંતુ બીજી એક શખ્સના અવતાર 2 ફિલ્મ દેખતા સમયે મોત થયું હોવાના સમાચાર સામે આવી રહ્યા છે. 

છેલ્લા કેટલાક દિવસોમાં હાર્ટ એટેકના કેસમાં વધારો થયો છે. યુવાનો પણ આનો શિકાર બની રહ્યા છે. આવો જ એક કિસ્સો હવે આંધ્ર પ્રદેશના કાકીનાડા જિલ્લાના પેદ્દાપુરમ શહેરમાંથી સામે આવ્યો છે. તાજેતરમાં રિલીઝ થયેલી ફિલ્મ 'અવતાર 2' જોતી વખતે અહીં એક વ્યક્તિનું હાર્ટ એટેકથી મોત થયું હતું. મૃતકની ઓળખ લક્ષ્મી રેડ્ડી શ્રીનુ તરીકે થઈ છે. મળી રહેલી માહિતી મુજબ લક્ષ્મી રેડ્ડી તેના ભાઈ રાજુ સાથે તાજેતરમાં રિલીઝ થયેલી ફિલ્મ અવતાર-2 જોવા માટે થિયેટરમાં ગઈ હતી. ફિલ્મની વચ્ચે જ તે ઢળી પડી હતી. જે પછી તેનો નાનો ભાઈ રાજુ તેને તુરંત જ પેદ્દાપુરમની સરકારી હોસ્પિટલમાં લઈ ગયો, જ્યાં ડોક્ટરોએ તેને મૃત જાહેર કરી. લક્ષ્મી રેડ્ડીને એક પુત્ર અને એક પુત્રી પણ છે.

લક્ષ્મીરેડ્ડી શ્રીનુના મૃત્યુ અંગે ડૉક્ટરોએ કહ્યું છે કે, તેમને હાઈ બ્લડ પ્રેશરની સમસ્યા હતી. ફિલ્મ જોઈને તે ખૂબ જ ઉત્સાહિત થઈ ગયા હતા. જેના કારણે તેમને હાર્ટ એટેક આવ્યો હતો. હાલ આ ઘટનાને પગલે વિસ્તારમાં ચકચાર મચી ગઈ છે. રિપોર્ટમાં કહેવામાં આવી રહ્યું છે કે, 12 વર્ષ પહેલા વર્ષ 2009માં પણ આવી જ ઘટના બની હતી. ત્યારે તાઈવાનમાં એક 42 વર્ષીય વ્યક્તિ અવતાર ફિલ્મ જોવા ગયો હતો. જ્યાં તેમનું હૃદયરોગના હુમલાથી મોત થયું હતું.

આ પણ વાંચો - ફિલ્મ અવતાર 2 માં વિઝ્યુઅલથી લઈને સિનેમેટોગ્રાફી સુધી બધું જ અદ્ભુત પણ...