અંકલેશ્વરમાં કોસમડી નજીક પેટ્રોલ પંપ પર હવામાં ફાયરિંગનો વિડીયો થયો વાયરલ

ભરૂચ જિલ્લાના અંકલેશ્વર પંથકમાં વિધાનસભાની ચૂંટણીમાં આમ આદમી પાર્ટીમાંથી ઉમેદવારી કરનાર અંકુર પટેલની લાઇસન્સ વાળી રિવોલ્વોરમાંથી અન્ય યુવકે હવામાં ફાયરિંગ કરવાના વાયરલ વિડીયો બાદ પોલીસે આમ આદમી પાર્ટીના અંકુર પટેલ સહિત ફાયરીંગ કરનારની ધરપકડ કરી કાયદેસરની કાર્યવાહી કરી છે

અંકલેશ્વર પંથકમાં વિધાનસભાની ચૂંટણીમાં ત્રિપાંખિયા જંગ રૂપી આમ આદમી પાર્ટીમાંથી અંકુર પટેલે ઉમેદવારી કરી હતી અને ચૂંટણી ટાણે જ તેઓને ચેક રિટર્ન કેસમાં સજા પણ થઇ હોવાના અહેવાલો સામે આવ્યા હતા ત્યારે તાજેતરમાં જ અફઝલ પઠાણ નામનો યુવક મોડી રાત્રીએ હવામાં ફાયરિંગ કરી રહ્યો હોય તેઓ વિડિયો સામે આવ્યો છે આ વિડીયો અંગેની તપાસ ભરુચ એસઓજી પોલીસે કરી હતી તે દરમિયાન પોલીસની તપાસમાં ફાયરિંગ કરનાર અફઝલ પઠાણ અંકલેશ્વરના કોસમડી નજીકના પેટ્રોલ પંપ પાસેનો હોવાનું સામે આવ્યો હતો અને ફાયરિંગ કરનાર અફઝલ પઠાની અટકાયત કરી પૂછપરછ કરતા તેણે જે પિસ્તોલમાંથી હવામાં ફાયરિંગ કર્યું છે તે પિસ્તોલ આમ આદમી પાર્ટીના વિધાનસભાના ઉમેદવાર અંકુર પટેલનું હોવાનું સામે આવ્યું હતું જેના કારણે અંકુર પટેલની પણ પોલીસે ધરપકડ કરી હતી

અત્રે ઉલ્લેખનીય બાબતએ પણ છે કે હવામાં ફાયરિંગનો વિડીયો ક્યારનો છે તે દિશામાં પોલીસે તપાસ શરૂ કરી છે પરંતુ લાયસન્સ વાળી રિવોલ્વર હોય છતાં પણ કોઈ અન્ય વ્યક્તિને આપી શકાતી નથી અને હવામાં ફાયરિંગ કરવું અફઝલ પઠાણને પણ ભારે પડ્યું છે એટલું જ નહીં આમ આદમી પાર્ટીના અંકુર પટેલને પણ તેની રિવોલ્વર મિત્રને આપવી ભારે પડી હોય તેમ બંને યુવકો સામે પોલીસે ગુનો દાખલ કરી ધરપકડ કરી લીધી છે.

આપણ  વાંચો- ડભોઈ નગરપાલિકાના પ્રમુખની ગેરહાજરીમાં સામાન્ય સભા યોજાઇ

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ