'દેવોં કે દેવ મહાદેવ' ફેમ મોહિત પત્નીથી થયા અલગ ?સોશિયલ મીડિયા પરથી લગ્નની તસવીરો કરી ડિલીટ

'દેવોં કે દેવ...મહાદેવ'માં ભગવાન શિવની ભૂમિકા ભજવનાર મોહિત રૈનાના અંગત જીવનને લઇને એવી અટકળો વહેતી થઇ છે કે અભિનેતાના લગ્નજીવનમાં બધુ બરાબર નથી અને તે પોતાની પત્નીથી અલગ થઈ ગયો છે. વર્ષની શરૂઆતમાં મોહિતે માહિતી આપી હતી કે તેણે અદિતિ શર્મા સાથે લગ્ન કરી લીધા છે અને હવે અચાનક તેણે સોશિયલ મીડિયા પરથી તમામ તસવીરો હટાવી દીધી છે. આ કારણથી એવી અટકળો ચાલી રહી છે કે મોહિતના અંગત જીવનમાં કંઇક બરાબર નથી.

મોહિત રૈનાએ 1 જાન્યુઆરી, 2022ના રોજ અદિતિ શર્મા સાથેના તેના લગ્નની તસવીરો સોશિયલ મીડિયા પર શેર કરી હતી, જેને જોઈને બધા ચોંકી ગયા હતા. પરંતુ હવે જે રીતે અભિનેતાએ તેના ઇન્સ્ટાગ્રામ એકાઉન્ટ પરથી લગ્નની તસવીરો હટાવી છે તે કંઇક અલગ જ કહી રહ્યું છે. માત્ર લગ્ન જ નહીં, મોહિતે અદિતિ સાથેની હોળીની તસવીરો પણ ડિલીટ કરી દીધી છે. તે જ સમયે, બંનેની એક તસવીર હજી પણ સોશિયલ મીડિયા પર હાજર છે, જે 1 જુલાઈ 2022ના રોજ પોસ્ટ કરવામાં આવી હતી. જો કે આ મામલે મોહિત અને અદિતિ તરફથી હજુ સુધી કોઈ નિવેદન સામે આવ્યું નથી.

મોહિત અને અદિતિ વિશે વાત કરીએ તો ચાહકોને તેમની જોડી ખૂબ પસંદ આવી હતી. અદિતિ ટેક્નિકલ બેકગ્રાઉન્ડમાંથી છે અને મોહિત એક્ટર છે, તેથી તેમની લવ સ્ટોરી પણ ઘણી રસપ્રદ છે. બંને એક કોમન ફ્રેન્ડ દ્વારા મળ્યા હતા.ધીમે ધીમે બંનેએ વાત કરવાનું શરૂ કર્યું અને પ્રેમ થઈ ગયો. લાંબા સમય સુધી ડેટ કર્યા પછી બંનેએ લગ્ન કરી લીધા, પરંતુ હવે તેમના સંબંધોને લઈને અલગ-અલગ સમાચારો સામે આવી રહ્યા છે.

મોહિત રૈનાના વર્કફ્રન્ટ વિશે વાત કરીએ તો, તે 'દેવોં કે દેવ...મહાદેવ' પછી ખૂબ જ લોકપ્રિય બન્યા હતા. શોમાં ભગવાન શિવના પાત્રમાં તેમને ખૂબ પસંદ કરવામાં આવ્યા હતા. સાથે જ તેમને નાના પડદા સિવાય મોટા પડદા પર પણ જોવા મળ્યા છે. તે 'શિદ્દત'માં સની કૌશલ સાથે જોવા મળ્યા હતા. આ સિવાય તે 'મુંબઈ ડાયરીઝ 26/11', 'ભૌકાલ', 'કાફિર' સહિતના ઘણા વેબ શોનો પણ ભાગ રહી ચૂક્યા છે.

આ પણ વાંચોઃ  પોતાના કદના કારણે બોલિવૂડનો સૌથી મોટો 'શેતાન', લોકો થરથર ધ્રૂજતા હતા